Debleskri gili 37:14 - O Debleskro Lab 2024 (Sinte-Manouche)

¹⁴ I čilače lenn pengro rharo, oun hadenn pengro bogo, te marenn le i čorvelen oun kolen, kay nay kourenn pen gar, ninna lauteren, kay djan ap o čačo drom.

O Debleskro Drom 2021 (Sinte)

¹⁴ I tchilatche lenn pengro charo, un hadenn pengro bogo, te marenn le i tchorwelen un kolen, kai nai kurenn pen gar, ninna lauteren, kai djan ap o tchatcho drom.

Debleskri gili 37:14 ပူးပေါင်းရင်းမြစ်များ

Ester 5:14

Kote penas leskri romni Seresh oun leskre tsele mala ap leste: “Mouk i kasht pre te čivell, hoy hi i paash-sheel (50) moussya bares! Oun taysarlakro pen ap o baro rayeste, te moukell lo o Mordekayes ap ko kasht pre te bladell. Oun palle dja leha barhteles pash o rhapen.” Oun kol laba his o Hamaneske lačes, oun yob moukas savo kasht pre te čivell.

Debleskri gili 11:2

Dikeh tou gar, te tserdenn i čilače o bogo oun čivenn pengre fayle koy pre, yaake te denn le khatemen karye ap kolende, kay shounenn pengro tselo djiyeha ap o Debleste.

Debleskri gili 35:10

Lauter, hoy an mande hi, penell: Baro Devel, koon hi yaake har tou? Tou leh o čorveles vin dran i vasta kolendar, kay zorleder hi har yob. Tou leh koles, kay bibarhtelo oun čorvelo hi, vin dran i vasta kolendar, kay čoran leskro koova.

Gosewe laba 29:10

I marepangre hi rhoyedo pral koleste, kay kek doosh ap peste anas. Kolla, kay an o čačepen tardo hi, denn yak ap koleskro djipen.

Gosewe laba 29:27

Rhoyedo pral kolende, kay čilačo koova krenn, hi kolla, kay o čačepen krenn. Oun rhoyedo pral koleste, kay o čačepen krell, hi kolla, kay čilačo koova krenn.

Habakuk 1:13

Tire yaka hi yaake djoudjo, te nay dikeh kek čilačepen. Tou nay dikeh gar har i menshe doukedo venna. Hoske kreh tou či, te dikeh kol rhorhene phoukepangren, oun peneh kek lab, te rhal o čilačo koles pre, kay hi lačeder oun čačeder har yob?

Bičepangre 12:11

Kanna djinas o Petro, kay kova kek souni his, oun yob penas: “Kanna djinau čačepah, kay bičras o ray Yezous peskro bolepaskres mange. Oun kova las man dran o Herodeskre vasta vin, ninna dran halauter, hoy kaman i bibolde mantsa te krell.”

Bičepangre 12:23

Yaake moukas pes o Herodes i menshendar te sharell, har te vals yob o Devel. Oun har yob kova kras, das les o Debleskro bolepaskro i nasslepen, te rhan i kirme les pre, oun yob meras.

Bičepangre 7:52

Penenn mange: Dell yek Debleskro rakepaskro, kay lan t'mare phoure gar palla? Yon maran kolen, kay glan-vi penan, te vell ko yek, kay hako tsiro o čačepen krella. Yob vas, oun t'mer phoukran ap leste oun maran les.

1. Johanni 3:12

Mer hounte vas gar har o Kayn. Kova his o bengestar oun maras peskro phrales. Hoske maras lo les? Leskro phraal kras, hoy lačo his. Oun o Kayn kras, hoy čilačo his. Doleske maras o Kayn peskro phrales.

1. Samuel 24:11

Kava dives nay dikeh tire yakentsa, te das tout o baro Devel an mire vasta, har hals tou an koy grotta. Oun mange penan le, te dap tout moulo. Oun me krom tout či. Me penom mange: Me kamau gar miro vast ap miro rayeste te čivell, koles o baro Devel vin rodas, te vell lo baro ray.

1. Samuel 24:17

Har o David kol laba ap o Sauleste rakras, penas o Saul: “Shounau me gar tout, miro čaves David, kate?” Oun o Saul rovas zoreles.