Debleskri gili 37:13 - O Debleskro Lab 2024 (Sinte-Manouche)

¹³ O baro Devel sal pral leste, yob dikell leskro dives te vell.

O Debleskro Drom 2021 (Sinte)

¹³ O baro Dewel sal pral leste, job dikell leskro diwes te well.

Debleskri gili 37:13 ပူးပေါင်းရင်းမြစ်များ

Hiob 18:20

Te vell o dives, kay vell leskri phagi pral leste, lenn kolla traash, kay kote djivenn, kay o kham pre djal. Oun kolenge ačell o rakepen krik i daryatar, kay kote djivenn, kay o kham tele djal.

Debleskri gili 2:4

O Devel, kay an o bolepen beshdo hi, sal pral lende oun lengro dinelo rakepen.

Gosewe laba 1:26

Yaake kamau me ninna te sal, te vell i bibarht pral t'mende, ava, me sau, te vell kova, hoy darenna,

Jesaja 2:12

Leskro dives vella, ko dives o baro Deblestar, ko rayestar pral o bolepen oun i phoub. Ap ko dives vell hako pre-phourdo tiknes kerdo, ninna hakeno, kay hadas pes, hakeno kay kras pes bares.

Jeremia 50:27

Marenn i tsele terne morshen, denn len tele čourye har terne gourma! Har djoungeles djal lenge! Lengro dives vas, ko tsiro, kay lenn le pengri phagi!

Ezekiel 21:25

Ko yek djal an o foro Rabba, kay i Ammonarya djivenn, ko vavar an o zorelo foro Yerusalem an o them Youda. Yaake sikreh tou kol dromma, ap kolende o baro ray nay vell peskre lourdentsa.

Ezekiel 21:29

Doleske penell o baro Devel, maro ray: T'mari doosh vas diklo. T'mare čilače dromma van pre-čakedo. An halauter, hoy krenna, vell t'maro čilačepen diklo. T'mer kran, te vell t'mari doosh gar bistedo. Doleske venn tapedo i zorelo vasteha.

Daniel 5:26

Oun kava hi, hoy i laba kharenna: mene kharell khetne ginlo. O Devel ginas i divessa khetne, kay hal ray; oun ko tsiro hi trouyel.

1. Samuel 26:10

Palle penas lo: “Me dau man sovel pash o djido Debleste: Yob kokres marell les, nay vell ap leskro tsiro, kay hounte merell lo, nay vell an o marepen.