Debleskri gili 37:1 - O Debleskro Lab 2024 (Sinte-Manouche)

¹ I gili o Davidestar. Ma rhoye tout pral i čilačende! Te djal kolenge mishto, kay krenn čilačo koova, ma zilve ap lende!

O Debleskro Drom 2021 (Sinte)

¹ I gili o Davidestar. Ma choje tut pral i tchilatchende! Te djal kolenge mishto, kai krenn tchilatcho koowa, ma silwe ap lende!

Debleskri gili 37:1 ပူးပေါင်းရင်းမြစ်များ

Hiob 17:8

Te dikenn man kolla, kay an o čačepen tardo hi, ačell lenge o rakepen krik i trashatar. Oun kolla, an kolende kek doosh hatslo vell, penenn rhoyedes: “Kova djivell gar o Debleha.

Debleskri gili 37:7

Ač pokones oun dik ap o baro Debleste, te vell lo ap tiri rig! Ab gar rhoyedo pral koleste, kay leske mishto djala, ninna te hi les čilačepen an o shero.

Debleskri gili 73:3

har dikom, te djal i čilačenge yaake mishto. Me zilverom ap kolende, kay krenn pen baro.

Gosewe laba 19:3

O mensheskro dinlepen anell les ap i drom, kay nashrell lo pes. Oun palle dell lo o baro Debleste i doosh.

Gosewe laba 23:17

Ma zilve ap kolende, kay o Debleskro drom moukan. Hako dives de yak, te djivess o baro Debleha.

Gosewe laba 24:1

Ma zilve ap čilače menshende, ma rode lengro maal te vell!

Gosewe laba 24:19

Ma ab rhoyedo ap kolende, kay midjak koova krenn! Ma zilve ap i čilačende!

Gosewe laba 3:31

Ma dik zilve yakentsa ap yekeste, kay las pes i zoryah, hoy i vavareske his. Ma kre har yob!

Sikepaskro 8:13

O čilačeske djal gar mishto. Oun yaake har i shatto gar rah koy hi, djivenn kolla gar rah, kay kamenn či o Deblestar te djinell.

Galatarja 5:21

Yon kamenn kova, hoy o vavares hi. Yon hi pipangre oun rhapangre. Oun boud vavar čilačo koova krenn yon. Me penom t'menge oun penau pale: Koon yaake djivella, vell gar pash o Debleste an o bolepen oun lell gar ko lačo koova, hoy o Debles peskre čavenge hi.