Debleskri gili 36:8 - O Debleskro Lab 2024 (Sinte-Manouche)

⁸ Har raylo hi tiro lačepen, miro Devel! I menshe venn pash toute, te rikress tire vasta pral lende, har i čirklo rikrell peskre moussya pral peskre terne.

O Debleskro Drom 2021 (Sinte)

⁸ Har railo hi tiro latchepen, miro Dewel! I menshe wenn pash tute, te rikress tire wasta pral lende, har i tchirklo rikrell peskre mussja pral peskre terne.

Debleskri gili 36:8 ပူးပေါင်းရင်းမြစ်များ

Hiob 20:17

Yob dikell bouder či o bravlepastar an kava them, ko boud gvin oun thoud, hoy har lengste panya nashenn.

Debleskri gili 16:11

Tou sikreh o drom, kay an o djipen anell. Pash toute hom barhtelo. Te hom kote, kay tou hal, bashrell miro dji hako tsiro.

Debleskri gili 17:15

Me krom, hoy čačo hi. Doleske nay dikau tout. Te djangrau pre, dikau me tout oun hom čalo i barhtyatar.

Debleskri gili 17:8

Rike tiro vast pral mande, yaake har te voms tiri yak. Khate man yaake har i čirklo peskre čaven tel peskre moussya khatrell!

Debleskri gili 31:20

Har baro hi tiro lačepen, miro Devel, kolenge, kay djivenn touha! Hakeneste sikreh tou, har lačo tou kolenge hal, kay rikrenn pen ap toute.

Debleskri gili 46:4

ninna te vals o baro pani divyo oun rhoyedo, oun djals savi zoryah pre, te perenn i berge khetne.

Debleskri gili 63:5

Me parkrau man pash toute yaake rah har me djivau. Oun me hadau mire vasta pre, te mangap tout an.

Debleskri gili 65:4

Ko čilačepen, hoy krom, hi phares ap mande čiddo. Tou hal kova, kay i doosh krik lell.

Kamlepaskri gili 5:1

Me vau an miri baar, heyo, miri pirni. Oun lau mire soungepaskre roukengre, kashta oun patria. Oun rhau miro goudlo gvin, oun piyau miri mool oun miro thoud. Rhan, mala, oun piyenn! Oun venn mate an t'maro kamlepen!

Jesaja 25:6

Kate ap i berga Sion moukell o baro Devel, ko ray pral o bolepen oun i phoub, i menshenge an i tsele themma i lačo rhapen glan te čivell; i rhapen thoullo masseha oun lači phouri mool, ava, vi-rodedo lačo mass oun vi-rodedi phouri mool.

Jesaja 43:20

Mire vi-rodede menshenge dau pani an o moulo them, ava, lengste zorele panya an o tato them. Doleske sharenn man i divye firhe, ninna i divye djoukle oun bare divye čirkle.

Jesaja 48:21

O baro Devel anas len ap o drom an o moulo them, oun yon troushan gar. Dran i baro bar moukas lo lenge pani te vell. Yob phagas ko bar an douy kotya, oun moukas dran leste pani te nashell.

Jesaja 58:11

Oun hako tsireske sikrell tout o baro Devel tiro drom. Ninna te djiveh an o moulo tato them, dell lo tout doha djipaske, oun dell tout nevi zoor. Palle hal tou har i baar, kolat hako tsiro doha pani hi, ava, har i pani, hoy dran i phoub pre djal, oun koleskro pani hako tsiro nashell.

Zakarie 9:17

Ava, har raylo oun shoukar vell kova! I čave venn zorele terne morsha oun djouvya, yaake boud djob oun mool hi koy.

Mateo 5:6

Barhtele hi kolla, kay kanna pal o čačepen bokenna oun troushenna. O Devel krell len čalo.

Johanni 7:37

Ap ko pralstouno oun shoukeder dives, vas o Yezous pale glan kol tsele menshende, oun das gole: “Kones troush hi, kova te vell pash mande oun piyella!