Debleskri gili 36:7 - O Debleskro Lab 2024 (Sinte-Manouche)

⁷ Tiro čačepen djal yaake pre har i bare berge. Oun i čače laba, hoy tou vin rakreh, djan dour tele har o baro pani. Baro Devel, tou deh i menshen oun i firhen kova, hoy len hounte vell.

O Debleskro Drom 2021 (Sinte)

⁷ Tiro tchatchepen djal jaake pre har i bare berge. Un i tchatche laba, hoi tu win rakreh, djan dur tele har o baro pani. Baro Dewel, tu deh i menshen un i viechen kowa, hoi len hunte well.

Debleskri gili 36:7 ပူးပေါင်းရင်းမြစ်များ

Hiob 37:23

Pash leste, ko zoreleste, nay vah mer gar. Leskri zoor hi baro. Hako tsiro krell lo, hoy mishto hi, oun dell hakeneske peskro čačepen.

Debleskri gili 139:17

Phares te hayvell hi mange kova, hoy tou an tiro shero rakreh, mo Devel. Har boud hi kova!

Debleskri gili 17:8

Rike tiro vast pral mande, yaake har te voms tiri yak. Khate man yaake har i čirklo peskre čaven tel peskre moussya khatrell!

Debleskri gili 31:19

kolla rhorhene, kay hi pre-phourde oun praasenn kolen, kay an o čačepen tardo hi.

Debleskri gili 57:1

I gili o rayeske pral o gipangre, te givell har koy gili Ma mare men. O David činas kay gili an ko tsiro, har yob glan o Saul ap o naashepen his, oun pes an koy grotta khatras.

Debleskri gili 63:7

Me te hom ap o čiben čiddo, veh tou mange an o shero. An i rat, kay me sovau gar, rakrau touha an miro dji.

Debleskri gili 71:19

Miro Devel, tiro čačepen djal bis pash o bolepen. Tou, kay kreh baro koova, koon hi yaake har tou, miro Devel?

Debleskri gili 86:15

Tou, baro Devel, hal i lačo Devel, oun kreh tiro dji tire menshenge pre. Tou veh gar sik rhoyedo, Tiro lačepen hi baro oun tou rikreh pash tire menshende.

Debleskri gili 86:5

Tou hal lačo, miro baro Devel, oun leh i doosh krik. Tiro lačepen hi baro kolenge, kay ap toute gole denn.

Debleskri gili 91:4

Har i karhni peskre ternen tel leskre moussya khatrell, yaake khatrell o Devel tout tel leskre zorele moussya. Kote nay djal touke či. Yob rikrell tout yaake har lo penas. Doleske nay vell kek čilačepen ap toute.

2. Mose 34:6

Yob djas glan o Moseste doureder oun das gole: “Me hom o baro Devel. O baro Devel hom me. Man hi i baro dji, pherdo kamlepen. Me vau gar sik rhoyedo. Miro lačepen hi baro oun me dau mire menshen gar pre.

Louka 13:34

“T'mer menshe an o foro Yerusalem! T'mer maran o Debleskre rakepangren, oun dan kolen i barrentsa moulo, kay o Devel pash t'mende bičras. Boud kope kamom t'men pash mande te lell, te dap garda ap t'mende, har i karhni ap peskre ternende garda della, oun lell len tel peskre phora. Oun t'mer kaman gar.

Johanni 3:16

O Devel kamas i menshen yaake boud, te das lo lenge peskro yek čaves. Les his kek vavar. Hakeno, koon patsell ap leste, djal gar nashedo. Yob lell ko djipen, hoy gar pre-herella.

2. Petro 1:4

Glan i rah tsiro penas o Devel i menshenge, te bičrell lo lenge yekes, kay lell len dran o merepen vin, oun dell len o Debleskro djipen. Ko baro oun kouč koova kras lo kanna menge. Mer lam o Debleskro djipen oun hounte kras bouder gar ko djoungelo koova, hoy i menshe ap kay phoub yaake kamenna, oun hoy anell lenge o merepen.

1. Johanni 3:1

Dikenn, har baro o Debleskro kamlepen menge hi. O Devel, maro dad, penell ap mende: “Mire čave.” Oun čačepah, kolla ham mer. Dran kova hayvenn men kol menshe gar, kay o Debles gar prindjrenna. Yon hayvenn gar, koon yob hi.

Ruth 2:12

O baro Devel mou dell tout ko lačepen pale, hoy tou lake kral! Yob, o baro Devel, ko Devel pral o Israel, pash koleste tou val, oun tel koleskro vast tout khatral, yob te dell tout i shoukar bravlepen halautereske, hoy kral.”