Debleskri gili 36:12 - O Debleskro Lab 2024 (Sinte-Manouche)

¹² Mouk i pre-phourden gar te stakrenn le man tele. Kre te nay tradenn man i čilače gar dran miro kheer vin.

O Debleskro Drom 2021 (Sinte)

¹² Muk i pre-phurden gar te stakrenn le man tele. Kre te nai tradenn man i tchilatche gar dran miro kheer win.

Debleskri gili 36:12 ပူးပေါင်းရင်းမြစ်များ

Debleskri gili 1:5

Ap ko dives, kay i phagi vin penlo vella, nay ačenn i čilače gar tardo. Oun kolla, kay o Debleskro drom moukan, nay ačenn gar kote, kay kolla khetne venna, kay an o čačepen tardo hi.

Debleskri gili 140:10

Kolla, kay troul mande hi, kamenn mange bibarht. Mouk koy bibarht ap lende pale te djal!

Debleskri gili 18:38

Me lom kolen palla, kay ap mande pre djan, oun taprom len, oun moukom gar tele, bis te his le moulo dino.

Debleskri gili 55:23

Vitse kova, hoy touke phares hi, ap o baro Debleste! Yob hi kova, kay lell tiro koova an peskro vast. An kek tsiro moukell yob koles te perell, kay an o čačepen tardo hi.

Debleskri gili 9:16

I menshe an vavar themma, peran an koy rheb, hoy yon i vin hadan. An koy netsa, hoy yon vin čivan, tapran le pen kokres.

Jeremia 51:64

oun pen: “Yaake hounte djal o foro Babilon tele, oun vell bouder gar pre dran koy bari bibarht, hoy o baro Devel pral kava foro anell.” Palle hi ko foro bouder gar koy. Kalla his o Yeremiyeskre laba.

Debleskro tsiro 15:4

Toutar darella hakeno, tiro labestar penenn le: Har baro oun shoukar hi lo! Maro ray, o baro Devel hal tou. Kek vavar hi yaake har tou. I raya venna dran hake themma; glan toute vitsrenn le pen tele, te sharenn le tout. Lauter dikan, har pal o čačepen tou djal, har tou i menshende lengri phagi dal.

Čačepangre 5:31

Maro baro Devel, yaake hounte merenn lauter, hoy tout gar kamenna. Kolla, kay kamenn tout o tselo djiyestar, yon te venna raylo har o kham, har djal lo pre an peskri zoor! Oun pal kova his an o them 40 (star-deesh) bersha kek kourepen.