Debleskri gili 35:8 - O Debleskro Lab 2024 (Sinte-Manouche)

⁸ Mouk i bibarht pral lende te vell yaake sik har i dap! Mou perenn le an koy netsa, hoy yon čivan mange. Mou perenn le an koy rheb, hoy yon hadan mange vin!

O Debleskro Drom 2021 (Sinte)

⁸ Muk i bibacht pral lende te well jaake sik har i dap! Mu perenn le an koi netsa, hoi jon tchiwan mange. Mu perenn le an koi cheb, hoi jon hadan mange win!

Debleskri gili 35:8 ပူးပေါင်းရင်းမြစ်များ

2. Samuel 17:23

O Ahitofel shounas, kay vas kova gar kerdo, hoy yob penas. Koy čivas lo i ledertikri plarhta ap peskri bourika, beshas pes koy pre oun klissas khere an peskro foro. Kote penas lo i menshenge an peskro kheer, hoy te krenn le pal leskro merepen. Palle bladas lo pes pre, oun meras. Oun yob vas paskedo an o moulengro kheer peskro dadestar.

Ester 7:10

Yaake bladan le o Hamanes ap ko kasht pre, koles yob o Mordekayeske moukas pre te čivell. Oun i rholi o baro rayestar djas pale.

Debleskri gili 57:6

Sike tiro barepen, hoy bareder hi har o bolepen, miro Devel! Tiro raylepen mou vell pral i tseli phoub!

Debleskri gili 64:7

Len hi čilačepen an o shero, oun penenn čorrhanes: “Yaake krah mer kova. Yaake djal kova mishto. Har goseve ham mer!”

Debleskri gili 9:15

Palle djau an i voudya tiro forestar Sion dren, oun rakrau lauterentsa pral ko lačepen, hoy tou ap mande kral, oun sharau tout i barhtelo djiyeha, kay tou man dran i bibarht vin lal.

Gosewe laba 29:1

Koon moukell pes či te penell, oun djal hako tsiro pal peskro shero, savo vella ap yek kopo phagedo, oun kek hi palle koy, kay hadell les pale pre.

Gosewe laba 5:22

O čilačo koova pandell koles, kay kova krella. Leskri doosh hi har shelle, hoy les pandenn.

Jesaja 47:11

Kanna vell i bibarht pral toute, hoy tou nay gar krik dravereh. Ava, bibarht perell ap toute, kolatar nay nasheh gar touke. Oun yaake sik vell koy bibarht pral toute, te nay dikeh lat gar glan-vi.

Louka 21:34

“Denn garda, te vell t'maro dji gar pherdo phoubyakro koova, yaake te bistrenn o Debles! Piyenn t'men gar mato! Ma darenn t'maro djipaske! Denn yak, te vell ko dives gar ap yek kopo ap t'mende yaake, te han t'mer tapedo!

1. Tessalonikarja 5:3

Te penenn i menshe: “Lauter hi mishto, kek kourepen hi kay, oun men hounte vell kek daar”, palle vell i bibarht pral lende, oun yon nay nashenn gar krik. Koy bibarht vell pral lende yaake sik, har i douka venn pral i djouvyate, kay lell i ternepen.

1. Samuel 18:17

Oun o Saul penas peske: “Miro vasteha kamau gar o Davides te marell. I Filistarya mou denn les moulo.” Doleske penas lo ap o David: “Me kamau tout miri phoureder čat, i Merab, te dell, te romedineress lat. Tou, ab i čačo morsh oun koure tout mishto an o baro Debleskro kourepen.”