Debleskri gili 35:4 - O Debleskro Lab 2024 (Sinte-Manouche)

⁴ Mou vell ladj oun praasepen ap kolende, kay kamenn miro merepen! Mou venn le pale-čiddo oun ladjenn pen, kolla, kay rodenn miri bibarht!

O Debleskro Drom 2021 (Sinte)

⁴ Mu well ladj un praassepen ap kolende, kai kamenn miro merepen! Mu wenn le pale-tchiddo un ladjenn pen, kolla, kai rodenn miri bibacht!

Debleskri gili 35:4 ပူးပေါင်းရင်းမြစ်များ

1. Rajengro liil 19:10

Oun yob penas: “Tou, baro Devel oun ray pral o bolepen oun i phoub, me boudrom touke miro tselo djiyeha. Tire menshe Israel krenn bouder gar, hoy tou lentsa vin kral. I pre-čidde barra, kay touke firhe rhačedo van, dan le khetne, oun tire rakepangren maran le o rhareha. Oun me kokres ačom djido. Oun yon kamenn man ninna te marell.”

Debleskri gili 129:5

Kolla, kay rhoyrenn pen ap o foro Yerusalem, kamoms, te tserdenn le pen pale oun hounte ladjenn pen!

Debleskri gili 35:26

Kre, te ladjenn le pen, oun nay hadenn pengro shero gar pral, kolla lauter, kay hi barhtelo pral miri bibarht! Mou vell praasepen oun ladj ap lende, kay hadenn pen pral mande.

Debleskri gili 38:12

Mire mala oun mire menshe darenn glan miro nasslepen. Oun kolla, kay pash mande djivenna, hi dour mandar krik tardo.

Debleskri gili 71:24

Hako dives penau doureder, har tou rikral pash mande. Oun kolla, kay kaman miri bibarht, hounte venn tikno oun ladjenn pen.

Debleskri gili 83:18

An ladj oun traash ap lende hako tsireske, te merenn le an i ladj.

Jesaja 37:29

Tiri rholi vas glan mire kanda. Tiro pre-phourdo rakepen hi prindjedo mandar. Kanna shoun, hoy touke krau: An tiro nak i goustri čivau, oun i ledertikri rima troul tiri meen pandau, oun ap ko drom, kay tou val, bičrau me tout kanna pale pale.

Jeremia 46:5

Hoy dikau me kote? poučell o baro Devel. Len hi traash, kol lourde, oun tserdenn pen pale! Ninna i zorele kourepangre venn dino. Hakeno nashell yaake sik har djala, oun dikell bouder gar pal peste!

Ezekiel 13:19

T'maro dourkepah anenn t'mer ladj ap mande glan mire menshende, te lenn i vast pherdo djob oun i kotar maro. Mire menshenge penenn t'mer rhorhene laba. Oun yon kamenn te shounell ap rhorhepen. T'maro rhorhepah anenn t'mer save menshen an o merepen, kay hounte merans gar, oun krenn, te ačenn save djido, kay hounte merans.

Mateo 27:1

Sik taysarlake van i tsele bare rashaya oun i biboldengre phoureder khetne. Oun khetne kran le vin, te marenn le o Yezouses.

Johanni 18:6

Har o Yezous ap lende penas “Me hom kova,” djan yon i kotar pale oun peran ap i phoub.

1. Samuel 23:23

Lenn hako khatepen an i yak, kay khatrell lo pes. Oun te djinenn kova lauter, palle avenn pale pash mande kay! Oun me djau t'mentsa. Oun te hi lo an o them, palle hatsau me les ninna. Oun te hounte rodoms ninna an o tselo them Youda pal leste!”