Debleskri gili 34:18 - O Debleskro Lab 2024 (Sinte-Manouche)

¹⁸ Te denn kolla ap leste gole, kay rikrenn ap leste, palle shounell len o baro Devel, oun lell len vin dran lengri tseli bibarht.

O Debleskro Drom 2021 (Sinte)

¹⁸ Te denn kolla ap leste gole, kai rikrenn ap leste, palle shunell len o baro Dewel, un lell len win dran lengri tseli bibacht.

Debleskri gili 34:18 ပူးပေါင်းရင်းမြစ်များ

2. Rajengro liil 20:5

“Dja pale pale oun pen ap o Hiskiya, ko rayeste pral mire menshende: Kava penell o baro Devel, ko Devel tiro dadestar, o Davidestar: Me shounom tiro mangepen oun me dikom tire sva. Dik, me kamau tout sastes te krell – an o triinto dives nay djah tou pral an o baro Debleskro kheer.

2. Rajengro liil 22:19

Oun kral tiro dji lenge pre. Oun kral tout tiknes glan o baro Debleste, har tou shounal, hoy me penom pral kava foro oun kol menshende, kay kate djivenna, te djal lenge yaake djoungeles, te ačell vavar menshenge o rakepen krik i trashatar. Oun kova, kay kamell te vell i bibarht pral i vavareste, penella: Touke te djal, har djas o foreske Yerusalem! Har tou kova shounal, kral tire koola paash, kay ap toute his, oun roval glan mande. Doleske shounom me tout ninna”, penell o baro Devel.

Debleskri gili 119:151

Baro Devel, tou hal pash mande. Oun tire tsele laba hi o čačepen.

Debleskri gili 145:18

O baro Devel hi gar dour hakenestar, kay dell les an-gole, hakeneske, kay dell les an-gole an o čačepen.

Debleskri gili 145:19

Kolenge, kay o djiyestar ap leste shounenna, krell lo, hoy yon mangenna, oun shounell, har denn le gole, oun vell ap lengri rig.

Debleskri gili 147:3

Kolen, kay lengro dji phagedo hi, krell lo pale sasto, oun kolenge, kay doukedo hi, čivell lo i pandepen pre.

Debleskri gili 18:7

An miri daar kharom ap o baro Debleste. Ava, bari gole dom ap miro Debleste. An peskro raylo kheer shounas lo man, oun miri gole vas glan leskre kanda.

Debleskri gili 51:17

Baro Devel, kre miro mouy pre, te rakrap, hoy sharell tout!

Debleskri gili 75:1

I gili o rayeske pral i gipangre, te givell har koy gili Ma mare men. Kay gili kras o Asaf.

Debleskri gili 85:9

Kamoms te shounap, har o baro Devel penell, te vell an leskro them oun leskre menshenge kek kourepen, yaake te djas mer gar ap dinele dromma.

Jesaja 55:6

Rodenn o baro Debles yaake rah yob moukell pes te hatsell! Denn les an-gole yaake rah yob gar dour hi!

Jesaja 57:15

Me, o pralstouno, kay hadedo hom, oun hako tsiro djivau, oun kokres o čačo Devel hom, penau: Me djivau an o pralstunepen an miro bolepaskro kheer, oun ninna pash o mensheste, kay i phagedo oun tele-rikedo dji an leste hi, te dap pale zoor koleste, kay tele rikedo hi, oun moukap koles pre te djivell, koleskro dji phagedo hi.

Jesaja 61:1

O baro Debleskro dourho hi ap mande. O baro Devel rodas man vin oun bičras man, te penap i čorvelenge o lačo lab. te krap i phagede djia sasto, te penap i pandlen, te hi le bouder gar pandlo, oun penap i stilden, te nay djan le vin dran o stilepen.

Jesaja 66:2

Me, o baro Devel, krom miro vasteha kova lauter, hoy koy hi. Oun me dikau kamles ap koleste, kay hi tele rikedo oun phagedo an peskro dji, oun kay darell glan miro lab.

Ezekiel 36:26

Me dau t'men i nevo dji, oun čivau i nevo dourho an t'mende, oun lau ko dji dran bar dran t'mende vin, oun dau t'men i dji dran mass.

Ezekiel 36:31

Oun palle vell t'menge an o shero, har čilačo kova his, hoy kran oun har djivan. Oun ko tselo čilačo koova, hoy kran, oun har i rhorhene deblen an-mangan, vell t'menge čadepaske.

Louka 4:18

O Debleskro Dourho hi ap mande. Yob rodas man vin, te penap i čorvelenge o Debleskro lačo lab. Oun yob bičras man, te penap kolenge, hoy stilde hi, te venn le dran lengro stilepen vin, oun kolenge, kay korelo hi, te dikenn le pale, oun kolenge, kay pale-čiddo hi, te venn le pale erligo,