Debleskri gili 33:6 - O Debleskro Lab 2024 (Sinte-Manouche)

⁶ Dran o lab o baro Deblestar vas o bolepen kerdo. Dran o dourho, hoy dran leskro mouy djas, van i tsele bolepangre momlia kerdo.

O Debleskro Drom 2021 (Sinte)

⁶ Dran o lab o baro Deblestar was o bolepen kerdo. Dran o ducho, hoi dran leskro mui djas, wan i tsele bolepangre momlia kerdo.

Debleskri gili 33:6 ပူးပေါင်းရင်းမြစ်များ

1. Mose 1:1

Glan i rah rah tsiro kras o Devel o bolepen oun i phoub.

1. Mose 1:6

Oun o Devel penas, te vell o bolepen, oun pani koy pral oun pani koy tel. Oun yaake vas kova.

1. Mose 2:1

Yaake vas o bolepen oun i phoub kerdo, oun halauter, hoy koy hi.

1. Mose 2:7

Oun o baro Devel, maro ray, kras o romes dran čik i phoubyatar. Oun phourdas peskro dourho, hoy della o djipen, an o romeste. Oun o rom vas djido.

1. Mose 6:7

Doleske penas o baro Devel: “Me lau i tsele menshen, kay me krom, pale krik i phoubyatar, ninna i firhen, i baren oun i tiknen, oun i čirkle. Khaytell man, kay krom len.”

Hiob 26:13

Yob phourdas i volke krik, oun o bolepen vas shoukar. Oun leskro vast das ko sik panyeskro sap moules čourye.

Hiob 33:4

O dourho o Deblestar kras man. Ava, o dourho o zorelo Deblestar das man o djipen.

Debleskri gili 104:30

Tou te bičreh tiro djipaskro dourho, venn le kerdo, oun tou deh nevo djipen ap i phoub.

Debleskri gili 33:9

Yob te rakrell, palle vell, hoy yob penas, yaake har lo kova penas, yaake hi kova koy tardo.

Jeremia 10:16

Har vavarčandes hi ko Devel, koles o Yakobeskre čave an-mangenna! Yob hi kova, kay kras halauter. Oun i Israelitarya hi leskre menshe. Yob kharell: o baro Devel, ko ray pral o bolepen oun i phoub.

Jeremia 8:2

Oun kol kokale venn koy trouyel vitsedo glan o kham oun o čon oun i tsele bolepangre momlia, kolen kaman kol menshe, oun mangan len an, oun nashan lenge pal. Kolendar poučan yon oun sharan len. Kol kokale venn gar pre hadedo oun venn gar paskedo. Yon venn foul i phoubyake.

Johanni 20:22

Oun har yob kova penas, phourdas yob ap lende, oun penas: “Lenn o Debleskro Dourho!

Remarja 1:25

Yon čivan o Debleskro čačepen ap i rig, oun patsan ap kova, hoy rhorhepen hi, oun sharan i menshen oun i firhen, oun mangan len an, har te vans le o Devel. Oun o baro Devel, kay lauter kras oun djipen das, koles sharan le gar, oun mangan les gar an. Oun yob hi kova, kay moldo hi, te vell lo sharedo hako tsiro. Amen.

5. Mose 4:19

Te hadenn t'mare yaka pre pash o bolepen oun dikenn o kham oun o moonto oun i tsele bolepangre momlia, ma moukenn t'men kolendar krik te tserdenn, te čivenn t'men tele glan lende oun mangenn len an. T'maro baro Devel das len i menshenge an i vavar themma ap i phoub.

Hebrearja 11:3

Dran maro patsepen hayvah, te vas o bolepen oun i phoub kerdo dran o Debleskro rakepen. Lauter, hoy kanna dikah, kova kras o Devel dran kova, hoy nay dikah gar.

2. Petro 3:5

Kol menshe kamenn gar te hayvell, kay kras o Devel o bolepen oun i phoub glan i rah tsiro. Yaake har yob penas, djas i phoub vin dran o pani oun ačas ap yek rig čiddo, oun o pani ap i vavar rig.