Debleskri gili 33:16 - O Debleskro Lab 2024 (Sinte-Manouche)

¹⁶ I baro ray boud lourdentsa vell gar dran peskri zoor o zorleder an o kourepen. Oun i čačo morsh, koles boud zoor hi, vell gar dran peskri zoor vin lino dran o kourepen.

O Debleskro Drom 2021 (Sinte)

¹⁶ I baro rai bud lurdentsa well gar dran peskri soor o sorleder an o kurepen. Un i tchatcho mursh, koles bud soor hi, well gar dran peskri soor win lino dran o kurepen.

Debleskri gili 33:16 ပူးပေါင်းရင်းမြစ်များ

1. Rajengro liil 20:10

Kote bičras len o Ben-Hadad pale pash o Ahab, oun moukas leske te penell: “I debla nay denn man moulo, te dau me gar o foro Samaria paash. Kava forestar ačell gar yaake boud pral, te nay lell hakeno mire lourdendar yek vast pherdo čik peha.”

1. Rajengro liil 20:15

Kote moukas o Ahab kol terne morshen glan te stakrell, kolengre pralstoune pral o them tardo hi. Oun yon his 232 (douy-sheel-triyanda-te-douy) morsha. Oun pal lende moukas lo i tsele lourden an Israel glan te stakrell. Kolla his 7.000 (efta-zerya).

2. Familjakro liil 13:8

Oun kanna patsenn t'mer, te han zorleder har ko them, pral koleste o baro Devel o Davideskre čaven čivas, te venn le bare raya. Boud han, ko dikau, oun pash t'mende hi t'mare sonakangre terne groumya, hoy o Yerobeam t'menge das, te venn le t'mare debla.

2. Familjakro liil 20:12

Maro Devel, kameh len gar pengri phagi te dell? An mende hi kek zoor, te dikah har boud yon hi, kay kamenn pen mentsa te kourell. Oun mer djinah gar, hoy te kras; doleske dikenn mare yaka ap toute.”

2. Familjakro liil 20:23

I Ammonarya oun i Moabarya kouran pen kolentsa dran i berge Seir, oun dan len khetne. Oun har yon halauteren maran dran i berge Seir, djas yek ap o vavareste, oun yon dan pen kokres khetne.

2. Familjakro liil 32:21

Kote bičras o baro Devel i bolepaskres. Kova maras i tsele lourden, ninna lengre pralstunen oun bare lourden ap i lourdengri platsa o baro rayestar dran o them Assour. Oun i ladjatar djas lo pale an peskro them. Har yob an o kheer leskro deblestar vas, maran les leskre čave o rhareha.

Hiob 36:7

Yob dell yak ap kolende, kay hi an o čačepen tardo, oun moukell len khetne i rayentsa ap rayengre beshepangre te beshell. Hako tsiro hi le baro.

Hiob 39:11

Fothe zorelo yob hi, nay deh tou leske tiri boudi an o vast, oun nay djineh, te krell lo, hoy tou lestar kameh?

Debleskri gili 20:8

Vavar menshe patsenna ap i zoor pengre grayendar oun vourdya. Mer dah gole ap maro baro Debleste.

Debleskri gili 44:3

Tou tradal tiro vasteha i vavar menshen vin dran lengro them, oun dal ko them mare phourende. Kol vavar menshen dal tou paash, te nay djivan mare phoure an ko them.

2. Mose 14:28

Oun o baro pani vas pale pale oun čakras i tsele vourdya oun kolen, kay klissan, oun i tsele rayeskre lourden, kay djan lenge mashkral o pani palla. Kolendar his kek, kay pral ačas.

Sikepaskro 9:11

Pale dikom, har ap kay phoub djala: O sikeder naashepaskro vell gar glanstounes an. O zorleder kourepaskro hi gar o feteder lourdo. Sikle menshe hi gar kolla, konen o boudeder rhapen hi. I goseve hi gar i bravele. Kova, kay čomone mishto hayvell, hi gar kova, kay an-diklo hi. O tsiro oun i barht penenn, har hakeneske djal.

Jeremia 48:14

T'mer morsha dran o kheer Moab, har nay penenn t'mer t'mendar: Mer ham zorele kourepangre oun čače morsha?

Jeremia 9:23

Koon kamell pes te sharell, kova te sharell pes, kay yob prindjrell man, oun te hayvell yob, kay me o baro Devel hom. Me krau miro dji pre i menshenge, oun krau, hoy čačo oun mishto hi ap i phoub. Savo koova hi mishto glan mire yaka. Kova penau me, o baro Devel.

Hosea 10:13

T'mer kran o čilačepen, oun t'maro djipen anas čilačo koova vin. Oun t'mer rhan, hoy dran t'maro rhorhepen vin vas. T'mer djan pal t'maro shero, oun dikenn ap t'mare bare oun zorele kourepangre, te venn le t'menge ap i rig.

Amos 2:14

Ninna kolla, kay nashenn nay sik, nay nashenn gar penge. Zorele morsha nashrenn pengri zoor. Oun kourepangre ačenn gar djido.

Amos 2:15

Kolla, kay denn karye, hounte tserdenn pen pale, sikede naashepangre venn dren lino, oun klissepangre nashrenn pengro djipen.

Josua 14:12

Oun kanna de man kol berge, kolendar o baro Devel an ko dives rakras! Tou shounal an ko dives, te djivenn kol Anakarya koy an bare zorele forya. Te hi o baro Devel mantsa, palle nay tradap len vin, har o baro Devel kova penas.”

Čačepangre 7:2

Oun o baro Devel penas ap o Gideon: “Tout hi boud lourde, hoy pash toute hi. Yaake nay dau i Midianarya gar an t'mare vasta. O Israel nay sharals pes oun nay penals: Mare vasta his, hoy men vin lan!

Čačepangre 7:4

Oun o baro Devel penas ap o Gideon: “Kol lourde hi gomme boud. An len pash o pani tele! Me kamau kote vin rodell, koon touha djal. Oun kolen, hoy me tout sikrau, kolla djan touha! Oun hakenes, hoy touke penau, te djal lo gar touha, kova djal gar touha!”

1. Samuel 17:4

Kote vas i kourepaskro i Filistarendar glan. Leskro lab his Goliat, dran o foro Gat. Yob his yaake triin metarya baro.

1. Samuel 2:9

O baro Devel rikrell kolen ap o čačo drom, kay leskre hi. Oun kolla, kay kamenn lestar či te djinell, perenn an o tamlepen oun merenn. Kek mensho vell pestar zorelo.