Debleskri gili 33:12 - O Debleskro Lab 2024 (Sinte-Manouche)

¹² Barhtele hi kol menshe, kolengro Devel o baro Devel hi, kol menshe, kay yob peske vi-rodas, te venn le leskre menshe.

O Debleskro Drom 2021 (Sinte)

¹² Bachtele hi kol menshe, kolengro Dewel o baro Dewel hi, kol menshe, kai job peske wi-rodas, te wenn le leskre menshe.

Debleskri gili 33:12 ပူးပေါင်းရင်းမြစ်များ

2. Samuel 20:19

Maro foro hi yek kol foryendar, kay krell kek čingepen, oun moukell pes gar ap i vavar rig te tserdell. Maro foro hi har i day an Israel, oun tou kameh lat moulo te krell? Hoske kameh tou o baro Debleskro them paash te krell?”

Debleskri gili 135:4

O baro Devel rodas peske o Yakobeskre menshen vin, ava, o Israel las lo, te vell lo leskro.

Debleskri gili 144:15

Barhteles hi kol menshe, kolenge yaake djala! Ava, barhteles hi kol menshe, kolengro Devel o baro Devel hi!

Debleskri gili 28:9

Ab ap i rig tire menshenge! Čip tiri zoor oun tiri barht ap mende, kay tiro ham! Ab hako tsiro har i bakrengro menge, kay dell yak ap peskre bakrende oun dell len lauter, hoy len hounte vell djipaske!

Debleskri gili 65:4

Ko čilačepen, hoy krom, hi phares ap mande čiddo. Tou hal kova, kay i doosh krik lell.

2. Mose 34:9

“Miro ray, te dikeh tou lačes ap mande, palle dja mentsa, ninna te djan kal menshe pal pengro shero. Biste mari doosh oun ko čilačo koova, hoy kram, oun mouk men pale tire menshe te vell.”

Jesaja 41:10

Ma dare! Me hom touha! Ma dik darenes! Me hom tiro Devel! Me krau tout zoreles, me vau ap tiri rig, ava, me rikrau tout miri čači moussyah, hoy krell tout zorleder har i vavar.

Jeremia 10:16

Har vavarčandes hi ko Devel, koles o Yakobeskre čave an-mangenna! Yob hi kova, kay kras halauter. Oun i Israelitarya hi leskre menshe. Yob kharell: o baro Devel, ko ray pral o bolepen oun i phoub.

Johanni 15:16

T'mer rodan man gar vin. Me rodom t'men vin, te djivenn yaake, te vell dran t'maro djipen lačo koova, hoy ačella. Oun o dad dell t'men halauter, hoy mangenn lestar an miro lab.”

Efesarja 1:4

Har o bolepen oun i phoub gar koy his, rodas lo men vin, te djas ap o Yezouseskro drom. Yob rodas men vin, te dell lo men i djoudjo dji, te hatsell lo kek doosh ap mende. Yaake boud kamas lo men,

5. Mose 32:9

I Israelitarya hi leskre menshe. Yon, o Yakobeskre čave, hi kolla, kay rodas lo peske vin.

5. Mose 33:29

Barhtelo han t'mer, Israelitarya! Koon hi yaake har t'mer? T'men kokres las o baro Devel dran o pandepen vin. Yob vell ap t'mari rig, oun rikrell peskro vast pral t'mende. Yob kourell pes t'menge, oun krell, te venn t'mer zorleder har kolla, kolentsa kourenn t'men. Yon hounte vitsrenn pen tele glan t'mende, oun t'mer djan pral lende vergel.

Tito 2:14

Yob das peskro djipen an o merepen, te las lo mari tseli doosh ap peste, oun te kras lo maro dji djoudjo, te vas mer leskre menshe, oun te kamas i tseli zoryah lačo koova te krell.

1. Petro 2:9

T'mer han kolla, kay o Devel peske vin rodas. T'maro baro ray hi o Yezous Kristo. Koleskre rashaya han t'mer, te venn leske koy. T'mer han o Debleskre menshe, kolen yob khetne gole das, te penenn t'mer i menshenge, havo baro oun lačo koova o Devel kras. Yob las t'men dran i rati vin, oun anas t'men pash peste, kay hi lauter shoukar oun djoudjo.