Debleskri gili 33:10 - O Debleskro Lab 2024 (Sinte-Manouche)

¹⁰ O baro Devel moukell kova gar te vell, hoy kol menshe an i vavar themma kamenn te krell. Lenge čivell lo barra an o drom.

O Debleskro Drom 2021 (Sinte)

¹⁰ O baro Dewel mukell kowa gar te well, hoi kol menshe an i wawar themma kamenn te krell. Lenge tchiwell lo barra an o drom.

Debleskri gili 33:10 ပူးပေါင်းရင်းမြစ်များ

1. Mose 11:8

O baro Devel kras yaake, te ačan le koy bouder gar khetne oun hounte djan dran yek them an i vavar pral i tseli phoub. Oun yon moukan tele, te krenn le ko foro.

2. Samuel 15:31

Oun har o Davideske penlo vas, kay o Ahitofel ap o Absalomeste rikrell, penas yob: “Baro Devel, kre te patsell hakeno, kay kova, hoy o Ahitofel penell, dinlepen hi!”

2. Samuel 15:34

Dja pale an o foro, oun pen ap o Absalomeste: Me kamau tiro boudepaskro te vell, yaake har homs tiro dadeskro boudepaskro. Hal tou yaake pash o Absalomeste tardo, nay peneh tou, kay kova gar mishto hi, hoy o Ahitofel penell.

2. Samuel 17:14

Koy penas o Absalom oun hakeno an Israel: “Kova hoy o Houshay penas, hi feteder har kova, hoy o Ahitofel penas.” Yaake kras o baro Devel, kay kek kova kras, hoy o Ahitofel an leskro gosvepen penas. O baro Devel kamas i bibarht pral o Absalom te anell.

2. Samuel 17:23

O Ahitofel shounas, kay vas kova gar kerdo, hoy yob penas. Koy čivas lo i ledertikri plarhta ap peskri bourika, beshas pes koy pre oun klissas khere an peskro foro. Kote penas lo i menshenge an peskro kheer, hoy te krenn le pal leskro merepen. Palle bladas lo pes pre, oun meras. Oun yob vas paskedo an o moulengro kheer peskro dadestar.

2. Rajengro liil 6:9

Koy bičras ko Debleskro morsh, o Elisa, yekes pash o baro rayeste pral Israel oun moukas leske te penell: “De garda oun ma dja kava drom! Kol Syrarya lourenn koy.”

Nehemia 4:9

Oun kolla, kay kaman maro merepen, shounan, kay menge penlo vas, hoy len glan his. Yaake moukas len o Devel gar te krell, hoy len glan his. Kanna nay djam mer pale pale pash i massouri, hakeno kote, kay yob boudras.

Debleskri gili 140:8

Baro Devel, miro ray, tou hal o zorelo ap miri rig. Tou rikreh tire vasta pral mande an o kourepaskro tsiro.

Debleskri gili 21:11

Kek lengre čavendar ačenn djido, gar yek lendar ačell ap kay phoub.

Debleskri gili 9:15

Palle djau an i voudya tiro forestar Sion dren, oun rakrau lauterentsa pral ko lačepen, hoy tou ap mande kral, oun sharau tout i barhtelo djiyeha, kay tou man dran i bibarht vin lal.

Gosewe laba 21:30

Kote dell kek gosvepen, či hoy yek feteder nay djinals oun penals, har nay krell o baro Devel.

Jesaja 19:3

Palle djinenn i Egiptarya gar bouder, hoy te krenn le. Oun me krau, te djal lenge gar, hoy kamenn le te krell. Oun palle djan le pash pengre rhorhene deblen, te poučenn le lendar, oun pash kolende, kay i moulen poučenn, oun pash i dourkepangren oun dravepangren.

Jesaja 44:23

Tou bolepen, gib kolestar, hoy o baro Devel kras! Tou telstunepen i phoubyatar, de gole i barhtyatar! T'mer berge, givenn! Tou veesh tire tsele roukentsa, gib! O baro Devel las o Yakobes dran o merepen vin, oun o Israel sharell les.

Jesaja 44:25

Me krau, te venn kol laba gar čačo, hoy i dourkepangre penan, oun moukau kol dravepangre har dinele vin te dikell. Me sikrau, har hi či-moldo ko gosvepen kolendar, kay patsenn, te hi le gosevo. Me čakrau pre, te hi lengro gosvepen čačepah dinlepen.

Jeremia 19:7

Hoy kol menshe an o them Youda oun an Yerusalem penge glan lenn, moukau me gar te vell. Me moukau kolen pral lende te vell, kay kamenn len te marell, oun krau, te venn le moulo dino o rhareha. Oun kol moulen dau i čirklende oun i divye firhende rhapaske.

Ezekiel 20:32

Hoy vas t'menge an o shero? T'mer penenn: “Mer kamah har i menshe an vavar themma te vell! Mer kamah deblen dran kasht oun bar an te mangell.” Me o baro Devel, t'maro ray, penau: Savo koova te vell kek tsireske! Me dau man sovel pash miro djipen, te ačap i zorelo ray pral t'mende – i ray i zorelo vasteha, oun i pre-hadedi moussyah, oun i baro rholyah.

Maleachi 1:4

Te penenn ninna leskre čave, kol Edomarya: Ninna te van mare forya paash dino, mer čivah len neves pre, palle penau me, o baro Devel, ko ray pral o bolepen oun i phoub: Ninna te čivenn le kol forya pale pre, me dau halauter pale paash. Oun vavar menshe penenn pral lende čilačo them oun kalla hi menshe, pral kolende o baro Devel pes rhoyrella an hako tsiro.