Debleskri gili 32:1 - O Debleskro Lab 2024 (Sinte-Manouche)

¹ Laba o Davidestar. Barhtelo hi kova, koleske o čilačepen, hoy ap leste his, krik lino hi, oun leskri doosh bistedo hi.

O Debleskro Drom 2021 (Sinte)

¹ Laba o Davidestar. Bachtelo hi kowa, koleske o tchilatchepen, hoi ap leste his, krik lino hi, un leskri doosh bistedo hi.

Debleskri gili 32:1 ပူးပေါင်းရင်းမြစ်များ

2. Samuel 12:13

Koy penas o David ap o Nataneste: “Me anom doosh ap mande, oun krom i čilačo koova ap o baro Debleste.” Penas o Natan: “Kanna las o baro Devel tiri doosh toutar krik, oun tou mereh gar.

Nehemia 4:5

Kolla, kay mentsa čingepen rodan, penan yek ap o vavareste: “Mer kamah sik oun čorrhanes mank lende te vell, te dikenn le men gar, bis te mer mashkral lende vam. Palle dah len moulo. Yaake krah, te djal koy boudi gar bouder doureder.”

Debleskri gili 103:3

Yob hi kova, kay miri tseli doosh mandar krik lella, kova, kay miro tselo nasslepen krik lella oun man sastes krella,

Debleskri gili 106:3

Barhteles hi kolla, kay leskre laba rikrenna, oun hako tsiro o čačepen krenna.

Debleskri gili 128:1

I gili te givell ap o drom an Yerusalem. Barhtelo hi hakeno, kay djivell o baro Debleha, oun djal ap leskro drom.

Debleskri gili 40:4

An miro mouy čivas lo i nevi gili, i gili, hoy maro Debles sharell. Boud, kay dikenn kova, hayvenn, te hi o baro Devel o ray, oun yon patsenn ap leste.

Debleskri gili 42:1

I gili yekestar, kay hi dran i familya Korah. Kay gili hi o rayeske pral i gipangre.

Debleskri gili 45:1

I biyabeskri gili yekestar, kay hi dran i familya Korah. Koy gili hi o rayeske pral i gipangre, te givell pash o bashepen ap i shob-doryengri bashepaskri.

Debleskri gili 52:1

I gili o rayeske pral i gipangre. O David kras kay gili,

Debleskri gili 53:1

I gili o rayeske pral i gipangre, te givell har koy gili Mahalat. O David kras kay gili.

Debleskri gili 55:1

I gili o rayeske pral o gipangre, glan te givell pash o bashepen ap i doryengre bashepangre. O David kras kay gili.

Debleskri gili 84:12

Maro baro Devel hi o kham maro djipaske. Yob rikrell peskre vasta pral mende. O baro Devel dell men lačepen oun raylepen. Kolen, kay o djiyestar ap leste shounenna, dell lo hako lačepen, hoy len hounte vella.

Debleskri gili 85:2

Baro Devel, tout his i dji tiro themeske, oun lal o Yakobeskre pandle menshen vin dran i čilače vasta.

Debleskri gili 89:15

O čačepen pral i menshende rakreh, oun čačepaskre laba lenge peneh. Doleske ačeh tou o baro ray. An lauter, hoy kreh, dikah tiro lačepen, oun har pash mende rikreh.

Jesaja 1:18

“Avenn”, penell o baro Devel, “te kras men tel mende o čačepen vin! Te hi i doosh, hoy t'mer ap t'mende anan yaake lolo har o rat, palle vell li parno, yaake parno har gib. Oun te hi li lolo har i jag, palle vell li yaake parno har o bakrengro bal.

Jesaja 43:25

Kova hom me, kay thovau o čilačepen toutar tele. Me kokres hom kova, kay nay krell les. Oun bistrau koy doosh, hoy tou ap toute lal.

Jesaja 44:22

Ko čilačo koova, hoy tou kral, lom toutar krik, te hi lo gar bouder. Yaake har i nebla, har i folka krik phourdedo vell, yaake phourdom koy doosh krik, hoy ap toute his. Ab pale pash mande, me playsrom touke, te vess miro.

Mateo 16:17

Penas o Yezous ap leste: “Barhtelo hal tou, Simon Bar-Yona. Kol laba, hoy tou pral mande penal, kolla van gar toutar, vitar gar vavar menshendar. Miro dad an o bolepen sikras tout kova.

Louka 11:28

Koy penas lo: “Barhtele hi kolla, kay ap o Debleskro lab shounenna, oun kova ninna krenna, hoy o Devel penella.”

Debleskro tsiro 22:14

Barhtele hi kolla, kay pengre ripya djoudjes thovenna. Yon nay rhan ko roukestar, hoy o djipen della, oun nay djan an kol bare voudya an ko foro dren.