Debleskri gili 31:8 - O Debleskro Lab 2024 (Sinte-Manouche)

⁸ Miro dji sal oun me stau i barhtyatar pral tiro lačepen. Tou dikal, har mange djoungeles djas, oun djinal, har pharo miro djipen his.

O Debleskro Drom 2021 (Sinte)

⁸ Miro dji sal un me stau i bachtjatar pral tiro latchepen. Tu dikal, har mange djungeles djas, un djinal, har pharo miro djipen his.

Debleskri gili 31:8 ပူးပေါင်းရင်းမြစ်များ

Hiob 16:11

Miro Devel das man o čilačenge an i vasta, kolenge, kay kamenn lestar či te djinell.

Hiob 36:16

Ninna tout anals o Devel vin dran i bibarht, oun anals tout kote kay bouder kek daar hi, oun dals tout lauter, hoy tout hounte vell djipaske. Oun t'mari rhapaskri vals pherdo lačo koova.

Debleskri gili 10:14

Tou dikal les. Tou deh yak ap kolende, kolenge le o djipen phares krenn, oun djineh lengre douka, oun leh lengro koova an tiro vast. Ava, i čorvele čivenn pengro djipen an tiro vast. Tou hal ap i rig kolendar, kolen kek dad bouder hi.

Debleskri gili 18:19

Ap o dives, kay i bibarht pral mande vas, peran le pral mande. Koy vas o baro Devel ap miri rig.

Debleskri gili 4:1

I gili o rayeske pral i gipangre, te givell pash o bashepen ap i doryengri bashepaskri. O David kras kay gili.

Debleskri gili 88:8

Tiri rholi hi phares ap mande čiddo, oun yaake har boud pani yekes tele tserdell, tserdeh tou man tele.

2. Mose 2:25

Oun o Devel dikas lačes ap i Israelitarya oun vas ap lengri rig.

Jesaja 19:4

Oun me dau o them Egiptia an o vast i čilačo rayestar. Ava, yek, kay djal zoryah ap lende, vell lengro baro ray. Kova penell o baro Devel, ko ray pral o bolepen oun i phoub.

5. Mose 26:7

Kote dam mer gole ap o baro Debleste, kay o Devel mare phourendar his. Oun o baro Devel shounas mari gole, oun dikas mari bibarht oun mari daar oun maro pharo djipen.

5. Mose 32:30

Har nay las yek lourdo i zero (1.000) Israelitaryen palla? Har nay tradan douy lourde deesh-zerya (10.000) Israelitaryen yaake, te nashan le penge i daryatar? Kova vas, har o baro Devel, lengro rikepaskro, len an kolengre vasta das.

1. Samuel 17:46

Kava dives dell o baro Devel tout an miro vast. Oun me dau tout moulo, oun dau tiro shero toutar tele. Oun kava dives dau i tsele moule lourden t'mendar Filistarya i čirklende tel o bolepen te rhal oun i divye firhende ap kay phoub. Palle dikenn oun hayvenn le an i tsele themma, te hi i Israelitaryen i Devel.

1. Samuel 24:18

Oun palle penas lo ap o David: “Tou hal feteder an o čačepen tardo har me. Tou hals ap mande lačes, me homs čilačes ap toute.

1. Samuel 26:8

Oun o Abishay penas ap o David: “Kava dives das o Devel tout koles an tiro vast, kay kamell tout te marell. Yaake mouk man leskro vitsepaskro čouri te lell, oun les an i phoub te dell. Yek dap hi doha. I douyto kopo hounte dap me gar bouder čourye.”