Debleskri gili 31:6 - O Debleskro Lab 2024 (Sinte-Manouche)

⁶ Me dau man an tire vasta. Tou leh man dran i čilače vasta vin, baro Devel. Tou hal i Devel, kay rikrell peskro lab.

O Debleskro Drom 2021 (Sinte)

⁶ Me dau man an tire wasta. Tu leh man dran i tchilatche wasta win, baro Dewel. Tu hal i Dewel, kai rikrell peskro lab.

Debleskri gili 31:6 ပူးပေါင်းရင်းမြစ်များ

Debleskri gili 139:2

Tou prindjreh miro beshepen oun miro tardepen. Tou hayveh foun doural, hoy an miro shero trouyel djal.

Debleskri gili 24:4

Kava, ap koleskre vasta kek doosh hi, oun koles i djoudjo dji hi. Kova, kay djivell gar peskro djipen ap rhorhepen, oun dell pes gar rhorheni sovel.

Debleskri gili 26:5

Me kamau gar kote te djal, kay i čilače khetne venna, oun kolendar, kay midjak koova krenna, rikrau man pale.

Sikepaskro 12:7

O mensho vell pale phoub, kolatar yob kerdo vas. Oun o dourho hounte djal pale pash o Debleste, kay das o dourhes o mensheste.

Jeremia 10:15

Yon molenn či, oun hi sapaske. An ko tsiro, kay rakrell o baro Devel o čačepen vin, hounte djan yon tele.

Jeremia 10:8

Lauter hi yon dinelo oun narvelo, kolla, kay mangenn o kasht an. Kol debla nay sikrenn lende či.

Jona 2:8

Har kamas miro djipen an mande tele te merell, val tou baro Devel mange an o shero, pash toute vas miro mangepen, an tiro kheer, kay tou khere hal.

Johanni 2:8

Oun yob penas pale ap lende: “Lenn dran kol khore oun anenn kova o rayeske pral o pipen!” Oun yon anan les pash leste.

Remarja 1:21

Ninna te djinan le o Deblestar, sharan le les gar, oun parkran pen gar pash leste. Na-a, yon djan pal kova, hoy an lengro shero hi oun či moldo hi. Oun lengre djia hayvan bouder gar, hoy mishto hi.

1. Korintarja 10:20

Kova, hoy i menshe kol deblen dran kasht oun bar denna, anenn yon i bengenge, gar o Debleske. Oun me kamau gar, te venn t'mer i bengentsa khetne.

1. Korintarja 8:4

Nay rhah mer kanna ko mass, hoy anan le glan i figura, hoy mangenn le an, har te vals li i devel? Mer djinah halauter, kay hi i figura kek čačo devel. Dell yek Devel oun kek vavar.