Debleskri gili 31:22 - O Debleskro Lab 2024 (Sinte-Manouche)

²² Baro Devel, parkrau man pash toute. Tou sikral tiro baro lačepen ap mande, har homs har i foro, troul koleste boud lourde tarde his.

O Debleskro Drom 2021 (Sinte)

²² Baro Dewel, parkrau man pash tute. Tu sikral tiro baro latchepen ap mande, har homs har i foro, trul koleste bud lurde tarde his.

Debleskri gili 31:22 ပူးပေါင်းရင်းမြစ်များ

Hiob 35:14

Tou Hiob peneh, tou nay dikeh les gar! Tiro koova hi glan leste čiddo. Mouk gar tele, te dikess ap leste!

Debleskri gili 116:11

Homs yaake phagedo, te penom: “I tsele menshe hi rhorhene.”

Debleskri gili 17:7

Sike tiro lačepen, tou, kay leh kolen dran i čilače vasta vin, kay pen pash toute khatrenna,

Debleskri gili 31:17

Dik lačes ap mande! Me hom tiro boudepaskro! Ab kamles mange oun tserde man dran lengre vasta vin!

Debleskri gili 6:9

Djan t'menge, t'mer lauter, kay han čilačes! O baro Devel shounas miro ropen.

Debleskri gili 66:20

Sharedo vell miro Devel! Yob rissras pes gar krik miro mangepastar, oun las peskro lačepen gar mandar.

Debleskri gili 88:16

Foun tiknes pre hom nasselo, oun gar dour o merepastar. Hoske čiveh tou pale te pale i traash ap mande? Me nay hidjrau lat bouder gar.

Jesaja 49:14

I menshe dran Sion penenn: O baro Devel moukas men. Maro ray bistras men.

Jesaja 6:5

Oun me penom: “Kanna hounte merap! Me hom i morsh, dran koleskro mouy savo rakepen djas, te nay vau me gar glan o Debleste. Oun me djivau mank menshende, dran kolengre mouya ninna savo rakepen djal. Oun mire yakentsa dikom o baro rayes, les, o baro Debles, kay hi o ray pral o bolepen oun i phoub.”

Ezekiel 37:11

Oun yob penas ap mande: Tou, mensho, i Israelitarya hi har kal moule kokale. Kanna penenn le: “Mare kokale hi trouk, oun halauter hi nashedo, mentsa hi trouyel.”

Jona 2:4

Tou vitsral man dour tele an o baro pani. Zorele panya his troul mande. Tire tsele panya djan pral oun tele oun phagan pral mande khetne.

Louka 11:10

Koon mangella, kova lella. Koon rodella, kova hatsella. Oun koon ap o voudar della, koleske vell pre kerdo.

Hebrearja 5:7

Har o Yezous ap i phoub djivas, kras lo lauter, hoy o Devel kamas. Doleske shounas les o Devel. An i daar mangas o Yezous o Debles i ropah oun bari golyah. Yob djinas, kova nay lell les dran o merepen vin.

1. Samuel 23:26

O Saul djas ap kay yek rig i bergatar, oun o David oun leskre morsha ap i vavar rig. Oun yon djan yaake sik har djala, te nashenn le o Saulestar. O Saul oun leskre lourde his pashel, te pandenn le len dren. Har his le gar dour, te taprenn le len,

1. Samuel 25:32

Oun o David penas ap i Abigayil: “Sharedo vell o baro Devel, o Devel pral o Israel, kova kay tout kava dives pash mande bičras!

1. Samuel 27:1

O David penas peske an peskro dji: “Vell ko dives, kay perau o Sauleske an i vasta, oun yob dell man moulo! O feteder mange hi, te djap yaake sik har djala an o them Filistia. Palle moukell o Saul mandar tele, oun rodell man bouder gar an o tselo them Israel. Oun yob nay krell man či bouder!”