Debleskri gili 31:19 - O Debleskro Lab 2024 (Sinte-Manouche)

¹⁹ kolla rhorhene, kay hi pre-phourde oun praasenn kolen, kay an o čačepen tardo hi.

O Debleskro Drom 2021 (Sinte)

¹⁹ kolla chochene, kai hi pre-phurde un praassenn kolen, kai an o tchatchepen tardo hi.

Debleskri gili 31:19 ပူးပေါင်းရင်းမြစ်များ

Debleskri gili 12:5

oun penenna: “Mer hayvah te rakrell. Maro rakepah ham zoreles. Koon hi o pralstouno pral mende?”

Debleskri gili 16:11

Tou sikreh o drom, kay an o djipen anell. Pash toute hom barhtelo. Te hom kote, kay tou hal, bashrell miro dji hako tsiro.

Debleskri gili 23:5

Glan i yaka kolendar, hoy mange čilačepen kamenn, čiveh tou mange lačo rhapen pre. Miro shero makeh o djeteha, hoy mishto soungella. Miro khoro nashella pral.

Debleskri gili 68:28

I menshe dran o kheer Benyamin, ko terneder čavo o Yakobeskre čavendar, djan glan i vavarende. Pal lende venn i pralstoune dran o kheer Youda pengre boud menshentsa, pal lende i pralstoune dran o kheer Zabulon oun dran o kheer Naftali.

Debleskri gili 73:1

I gili, hoy o Asaf kras. O Devel hi lačo ap o Israel, ap lauterende, kolen i djoudjo dji hi.

Jesaja 26:12

Baro Devel, le o kourepen krik, te djal menge mishto! Lauter hoy kram, kral tou menge.

Jesaja 35:10

Kolen, kay yob dran o pandepen vin las, venn pale khere, oun venn o gipah pash i berga Sion. Lengri barht lell kek lendar. Lengre djia givenn oun bashrenn i barhtyatar. Oun douk oun ropen dell gar bouder.

Jesaja 64:4

Tou val pash kolende, kay kran o čačepen i barhtelo djiyeha, oun djan ap tire dromma oun kran, hoy lendar kamal. Tou rhoyral tout, har shounam bouder gar ap toute. Te djah ap tire dromma, leh tou men vin dran o čilačepen.

4. Mose 23:23

Koy hi kek dourkepen, hoy rakreh nay vin pral o Israel, vitar kek bengeskro koova, hoy nay krals tou o Yakobeskre menshentsa. Pral lende vell penlo: Dikenn, havo baro koova o Devel lenge kras!

Johanni 3:21

Koon o čačepen krella, kova vell pash i momeli. Ap koleste dikenn le, kay yob djivella, har o Devel kamella.”

Bičepangre 15:12

Koy čingran kol tsele menshe bouder gar lentsa, oun shounan ap o Pauleste oun o Barnabeste, har kolla lenge penan, havo baro oun zorelo koova o Devel mashkral kolende kras, kay kek bibolde hi.

Remarja 11:22

Yaake dikah, o Devel nay vell lačo, oun yob nay dell i phagi. Kolla, kay peran leskro dromestar tele, kolen dell lo i phagi. Lačo hi lo ap t'mende, kay djivenn dran leskro lačepen. Te djivenn t'mer bouder gar dran leskro lačepen, činell lo t'men ninna tele.

1. Korintarja 2:9

An o Debleskro lab hi činlo: Ko lačo koova, hoy kek yak dikas, oun hoy kek kand shounas, oun hoy an kek mensheskro dji dren vas, kova lauter dell o Devel kolen, kay les o djiyestar kamenna.

2. Korintarja 5:5

O Devel das men gole, te las ko nevo djipen an o bolepen, oun yob das men peskro Dourho, te djinas, kova vell yaake.

Hebrearja 10:34

T'mer rovan kolentsa, kay an o stilepen hi. Kolla, kay gar patslo his, lan t'mendar kova krik, hoy t'maro his. Oun i barhtelo djiyeha moukan t'mer len kova te krell. T'mer djinan, kay hi t'men i feteder bravlepen an o bolepen, hoy kek nay lell t'mendar.

Jakobo 2:5

Shounenn, mire kamle phrala! O Devel rodas kolen vin, kay hi čorvelo ap kay phoub, te venn le bravelo an o patsepen. Ko tsiro vella, kay djivenn le leha khetne an o bolepen oun lenn leskro bravlepen. Kova lenna kolla, kay kamenn les o djiyestar. Yaake penas les o Devel.