Debleskri gili 31:11 - O Debleskro Lab 2024 (Sinte-Manouche)

¹¹ I daar rhas miro djipen pre, oun mire bersha his pherdo ropen. Miri doosh lell miri zoor mandar, yaake te djap bango.

O Debleskro Drom 2021 (Sinte)

¹¹ I daar chas miro djipen pre, un mire bersha his pherdo ropen. Miri doosh lell miri soor mandar, jaake te djap bango.

Debleskri gili 31:11 ပူးပေါင်းရင်းမြစ်များ

Debleskri gili 22:6

Ap toute dan le gole, oun tou lal len vin. Ap toute dikan le, oun tou moukal len gar kokres.

Debleskri gili 38:11

Miro dji djal sikeder. Miri zoor moukas man. Oun mire yaka nashran pengri zoor.

Debleskri gili 64:8

O Devel dell ap lende karye. Sik hi le ap i phoub čiddo.

Debleskri gili 88:18

Yon venn ap mande haki rigyatar, har baro divyo pani hi le troul mande o tselo dives.

Debleskri gili 88:8

Tiri rholi hi phares ap mande čiddo, oun yaake har boud pani yekes tele tserdell, tserdeh tou man tele.

Jesaja 49:7

O baro Devel, kova, kay o Israel dran o čilačepen vin lell, oun kokres leskro Devel hi, yob penell koleske, kay i menshe tele dikenn ap leste, oun koles i menshe dran boud themma gar kamenna, oun lengre raya lestar pengro boudepaskro krenn, ap koleste penell o baro Devel: Bare raya dikenn tout, oun stenn pre glan toute. Oun pralstoune dikenn tout oun vitsrenn pen ap i phoub glan toute, Yon dikan, kay rikrau pash toute, me, o Israeleskro Devel, kay tout vin rodom.

Jeremia 12:6

Ninna tire phrala oun i menshe dran tiro dadeskro kheer moukan tout te perell, oun dan čilačes gole pal toute har kol vavar. Dik tout glan lendar, ninna te rakrenn yon kamlo touha.

Micha 7:6

An ko tsiro dikell o čavo tele ap peskro dadeste, i čay shounell gar ap peskri date, oun o čaveskri romni krell gar, hoy lakro romeskri day penell. Oun i djoungleder menshe hi kolla, kay djivenn khetne touha an yek kheer.

Mateo 26:56

Kava lauter hounte djas, te vell čačo, hoy o Debleskre rakepangre glan i rah tsiro an pengre lila činan.” Har peskre mala kova shounan, nashan le penge lauter lestar.

Mateo 26:74

Koy čingras lo, das pes sovel, oun penas ap lende: “Me prindjrau kava morshes gar!” Oun sik koy pre das o bashno gole.

Markus 14:50

Har peskre mala kova shounan, moukan le les lauter oun nashan penge.

Remarja 15:3

Ninna o Yezous Kristo dikas gar ap peste, te djal leske mishto. An o Debleskro lab hi činlo pral leste: O praasepen kol menshendar, kay o Debles praasan, peras ap leste.

2. Timoteo 4:16

Har homs o glanstouno kopo glan i čačepangre tardo, his kek ap miri rig tardo. Lauter moukan man kokres. Me mangau o Debles, te lell lo koy doosh lendar.

Hebrearja 11:36

Vavar van praasedo, oun van i čoupniyah dino. Vavar van i sasterne shellentsa pandlo, oun an o stilepen vitsedo.

Hebrearja 13:13

Doleske djas pash leste vin glan o foro, te las o praasepen ap mende yaake, har yob o praasepen ap peste las!

1. Petro 4:14

Te praasenn le t'men doleske, kay patsenn t'mer ap o Yezous Kristeste, nay venn t'mer barhtelo. Palle nay djinenn: O Debleskro raylo Dourho hi ap t'mende čiddo.