Debleskri gili 27:4 - O Debleskro Lab 2024 (Sinte-Manouche)

⁴ Yek koova mangau miro baro Deblestar, kova kamaus me lestar, te nay ačoms an leskro kheer yaake rah har me djivau, te nay dikap o tselo tsiro leskro shoukapen, oun nay poučap pal leskro kamlepen an leskro kheer.

O Debleskro Drom 2021 (Sinte)

⁴ Jek koowa mangau miro baro Deblestar, kowa kamaus me lestar, te nai atchoms an leskro kheer jaake rah har me djiwau, te nai dikap o tselo tsiro leskro shukapen, un nai putchap pal leskro kamlepen an leskro kheer.

Debleskri gili 27:4 ပူးပေါင်းရင်းမြစ်များ

2. Samuel 21:1

An ko tsiro, kay o David djivas, vas i bari bok pral o them, oun i menshen his triin bersh či te rhal. Oun o David poučas o baro Deblestar, hoske kova yaake hi. Oun o baro Devel penas: “Ap o Saul oun ap leskro kheer hi i rateskri doosh čiddo, doleske, kay o Saul das kol Gibeonaryen moulo.”

Debleskri gili 23:6

Čačepah, tiro lačepen djal mange palla, oun hako dives kreh tou tiro dji mange pre, yaake rah, har me djivau. Oun me ačau an o baro Debleskro kheer hako tsiro.

Debleskri gili 26:6

Me thovau mire vasta, te sikrap, kay hi kek doosh ap mande, oun djau kote, kay venn firhe touke rhačedo,

Debleskri gili 26:8

Me kamau o kheer, kay tou djiveh, miro tselo djiyestar, oun koy platsa, kay tiro raylepen diklo vella.

Debleskri gili 27:8

Tire laba van mange an o shero, hoy tou penal: “Avenn pash mande!” Doleske vau pash toute.

Debleskri gili 50:2

Ap i berga Sion, an o shoukeder foro, sikras pes o Devel an peskro raylepen.

Debleskri gili 65:4

Ko čilačepen, hoy krom, hi phares ap mande čiddo. Tou hal kova, kay i doosh krik lell.

Debleskri gili 84:10

Dik lačes ap o baro rayeste, koles menge ap mari rig čival! Dik ap leste, koles vin rodal, te vell lo maro ray!

Debleskri gili 84:4

O čirklo hatsas peske i kheer, oun o khereskro čirklo kras peske i kheer peskre čavenge, gar dour kotar, kay tou sharedo vell. Tou baro Devel oun ray pral o bolepen oun i phoub, tou hal miro baro ray oun miro Devel.

Debleskri gili 90:17

Tou ray, maro Devel, dik lačes ap mende, oun čip tiri barht ap kova, hoy mare vastentsa krah. Ava, mouk mari boudi mishto te djal!

Jeremia 29:13

T'mer rodenn man oun hatsenn man. Te rodenn man t'maro tselo djiyeha,

Daniel 9:3

Oun me dikom pre pash o Debleste, miro rayeste, oun rodom les oun mangom les ropah, rhom či oun rivom man an i gono, oun vitsrom yagakri čik pral mande.

Zakarie 9:9

Ab barhtelo, tou foro Sion! Denn gole i barhtyatar, t'mer menshe an Yerusalem! Dikenn, t'maro baro ray vella pash t'mende! Yob anell o čačepen, oun vell ap t'mari rig. Yob krell pes gar bares, oun klissell ap i bourika, ava, ap i terni bourika.

Mateo 6:33

Moukenn o Debles o ray pral t'mende te vell, oun krenn lauter, hoy yob kamella! Oun o Devel dell t'men lauter, hoy t'men hounte vell djipaske.

Louka 10:42

Dell yek koova, hoy boud moldo hi, oun i Maria hatsas les. Kova vell latar gar krik lino.”

Louka 13:24

Oun o Yezous penas pale: “Krenn lauter, te djan an ko tikno voudar dren! Me penau t'menge: Boud kamenn an ko voudar dren te djal. Oun hayvenn kova gar.

Louka 18:1

Oun o Yezous penas lenge laba, kay i khatedo čačepen dren hi, te sikrell lo len, te hounte mangenn le o Debles hako tsiro, oun te hounte moukenn le gar tele, te denn le les gole. Oun yob penas:

Louka 2:37

Palle meras lakro rom. Oun kanna his li orhta-deesh-te-star bersha phouro. Oun yoy his o tselo dives oun i tseli rati an o Debleskro baro kheer, te mangell li o Debles an. Oun boud kope rhas oun piyas li či o Debleske.

2. Korintarja 3:18

Mer lauter, kay patslo ham, dikah o Debleskro raylepen yaake mishto, har te dikah an i dikepaskri. Kek diklo hi ap mare yaka čiddo. Oun har mer dikah ap leste, vah mer boud oun boudeder yaake, har yob hi. Kova krell o Debleskro Dourho an mende.

2. Korintarja 4:6

An o phouro tsiro, kay his halauter kali rat, penas o Devel, te vell dives. Oun koy vas dives. Yaake kras lo ninna mare djia pre, te ačas gar tamlo an mare djia, te hayvas mer o Debleskro raylepen. Kova dikah, te dikah ap o Yezous Kristeste.

Filiparja 3:13

Mire phrala, me nay penau gomme gar mandar, te hom me yaake har me kamoms te vap. Yek nay penau: Me bistrau, hoy pal mande hi, oun rodau kova, hoy glan mande hi.

1. Timoteo 5:5

I patsli djouvel, kay hi lat bouder kek rom, vitar kek vavar menshe, kolake hounte venn t'mer koy. Koya dikell ap o Debleste kokres oun mangell lestar, te dell lo lat doha djipaske. Yoy mangell les i tselo djiyestar o dives oun i rati, oun moukell gar tele.

Hebrearja 11:6

Te hi yekes kek patsepen, nay krell lo gar, hoy hi lačo glan o Debleskre yaka. Koon kamell pash o Debleste te vell, kova hounte patsell, te hi o Devel djido, oun te hi lo lačo ap koleste, koon rodell les.

1. Samuel 1:11

oun das pes sovel oun penas: “Tou, baro Devel oun ray pral o bolepen oun i phoub, tou te dikeh kanna tiri čorveli boudepaskretsa an, oun bistreh lat gar, oun deh tiri boudepaskretsat i morsh čaves, palle dau me les toute o tselo tsiro, hoy yob djivella. Oun kek čouri vell ap leskre balla, hoy činals len tele.”

1. Samuel 22:10

Oun kova poučas o baro Deblestar leske, das les maro; oun ko rharo ko Filistarestar Goliat das lo les ninna.”

1. Samuel 30:8

Oun o David poučas o baro Deblestar oun penas: “Lap me kol marepangren palla? Oun taprau len me palle?” Oun o baro Devel penas ap leste: “Le len palla! Oun tou tapreh len oun leh i pandlen dran lengre vasta vin!”