Debleskri gili 27:1 - O Debleskro Lab 2024 (Sinte-Manouche)

¹ I gili o Davidestar. O baro Devel hi mange i momeli, oun yob hi kova, hoy man vin lella dran i vasta čilače menshendar. Kekestar hounte darap man. O baro Devel rikrell man an o djipen. Kekestar hounte trashap me.

O Debleskro Drom 2021 (Sinte)

¹ I gili o Davidestar. O baro Dewel hi mange i momeli, un job hi kowa, hoi man win lella dran i wasta tchilatche menshendar. Kekestar hunte darap man. O baro Dewel rikrell man an o djipen. Kekestar hunte trashap me.

Debleskri gili 27:1 ပူးပေါင်းရင်းမြစ်များ

Hiob 29:3

har leskri momeli pral miro shero his, oun me yaake an i kali rat nay trouyel djom,

Debleskri gili 11:1

I gili o rayeske pral i gipangre. O David kras kay gili. Me čivau miro tselo patsepen ap o baro Debleste. Har nay penenn t'mer palle ap mande: “Naash har i čirklo an i berge!

Debleskri gili 118:21

Me parkrau man pash toute, te shounal tou man, oun val ap miri rig.

Debleskri gili 118:6

O baro Devel hi pash mande. Me darau gar. Hoy nay krell man i mensho?

Debleskri gili 18:28

Tou veh ap i rig i čorvelenge, oun kol pre-phourden kreh tou tiknes.

Debleskri gili 18:29

Miro baro Devel, tou kreh miri momeli zoreles, oun kreh miri rat yaake har vals dives.

Debleskri gili 18:46

Len hi bouder kek zoor an pende. Daryah venn le dran pengre zorele rayengre khera vin.

Debleskri gili 19:14

Mouk man gar khetne kolentsa te djal, kay hi pre-phourde, te tserdenn le man gar ap lengri rig. Yaake vell kek doosh ap mande, oun me krau kek baro čilačo koova.

Debleskri gili 3:8

Ste pre, baro Devel, oun le man vin, mo Devel! Hakenes, kay ap mande djal, deh tou ap i čam. Ava, i čilačenge deh tou i danda paash.

Debleskri gili 43:2

Tou hal o zorelo Devel ap miri rig. Hoske moukal tou man? Hoske djal mange yaake djoungelo? Hoske nay krenn kolla mange o djipen pharo, kay mange čilačepen kamenn?

Debleskri gili 62:2

Pash o Debleste kokres hi miro djiyes kek daar, Yob vell ap miri rig.

Debleskri gili 62:6

Pash o Debleste kokres hi miro djiyes kek daar! Djinau, yob hi, kay krell halauter mishto.

Debleskri gili 84:11

Yek dives ap i platsa glan tiro kheer hi feteder har i zerya vavar divessa. Me kamau boudeder te vap tardo pash o voudar glan tiro kheer, har te djivap pash i čilačende.

2. Mose 15:2

Peskri zoryah vas o baro Devel ap miri rig. Miri gilyah sharau les dran o dji. Yob las man vin. Miro Devel hi lo, oun me kamau les te sharell. Miro dadeskro Devel hi lo, oun me kamau les pre te hadell.

Jesaja 12:2

O Devel lell man dran i bibarht vin. Me rikrau ap leste, oun darau gar. Peskri zoryah vas o baro Devel ap miri rig. Miri gilyah sharau les dran o dji. Yob las man vin.

Jesaja 2:5

T'mer menshe, kay venn pal o Yakob, avenn, te djas o drom, kay o baro Debleskri momeli men sikrell, har te djivas.

Jesaja 45:24

oun penell mandar: “Kokres an o baro Debleste hi čačepen oun zoor.” Kolla, kay čingran ap mande, venna vi-ladjedo glan mande tardo.

Jesaja 61:10

Me hom barhtelo pral o baro Debleste, oun miro dji givell miro Debleske. Yob hi troul mende har i ripen, te vell kek čilačepen ap mende, oun čivas čačepen ap mende har i plaashka, yaake har hidjrell i biyabeskro i shoukar stadi, oun leskri pirni shoukar verklia oun goustria.

Jeremia 20:11

O baro Devel hi pash mande oun dell ap mande garda har i zorelo morsh. Doleske perenn kolla, kay man palla lenn oun hounte tserdenn pen pale. Kova, hoy len glan hi, nay krenn yon gar. Oun vavar san pral lende. Hako tsiro hi kova lenge i ladj oun vell lenge gar bistedo.

Mateo 8:26

Koy penas lo: “Hoske trashenn t'mer? Kay hi t'maro patsepen?” Oun yob stas pre, oun penas ap ko zorelo dourho, hoy phourdas pral o pani: “Ač kanna!” Oun ap o baro pani penas lo: “Mouk tele!” Oun o zorelo dourho phourdas bouder gar, oun o pani his bouder gar divyo.

Louka 2:30

Me dikom koles, kay tou bičral, te lell lo i menshen dran o čilačepen vin.

Louka 3:6

Palle dikell hakeno, har o Devel i menshen dran o čilačepen vin lella.

Johanni 1:9

Koy čači momeli vas ap i phoub, te rhačell li hakeneske.

Johanni 8:12

Pale rakras o Yezous i menshentsa oun penas: “Me hom koy momeli i menshenge. Koon mange palla djala, djal gar an o tamlepen. Me hom koy momeli, kay o djipen della.”

Remarja 8:31

Hoy te penas mer boudeder? O Devel hi ap mari rig! Koon nay krell menge i čilačepen? Kek!

2. Korintarja 12:9

Oun yob penas ap mande: “Mouk touke miro lačepen doha te vell! Miri zoor hi bari an kolende, kay gar zorelo hi.” Oun me, o Paulo, penau t'menge: Doleske kamau man me te sharell, kay hi man kek zoor. Yaake nay dikell hakeno, o Yezous Kristo peskri zoryah hi pash mande.

5. Mose 7:18

Palle ma darenn lendar! Ma bistrenn, hoy t'maro baro Devel ap o Farao oun ap i tsele Egiptarya kras.

5. Mose 7:21

Doleske, ma dare lendar! T'maro baro Devel hi mashkral t'mende, ko baro zorelo Devel, glan koleste hakenes i daar taprell.

Filiparja 4:13

O Yezous Kristo dell man i zoor, te djivap yaake te yaake.

Hebrearja 13:6

Yaake hounte daras gar oun nay penah: O Devel hi ap miri rig, me hounte darap gar. Hoy nay krell i mensho ap mande?

Debleskro tsiro 21:23

Pral o foro hi bouder kek kham oun kek čon. O Debleskro raylepen hi har o kham, oun o terno bakro hi i momeli o foreske.

Debleskro tsiro 22:5

An ko foro vell bouder gar rati. Len hounte vell kek momeli, vitar gar o kham, te dikenn le. O baro Devel hi lengri momeli. Oun yon hi bare raya hako tsireske.

Debleskro tsiro 7:10

Oun yon dan zoreles gole: “Mer sharah maro Debles, kay ap o rayeskro beshepaskro beshdo hi oun ko terno bakres! Yon lan men vin dran o čilačepen oun o merepen.”