Debleskri gili 25:9 - O Debleskro Lab 2024 (Sinte-Manouche)

⁹ Kolen, kay tele rikedo hi, anell lo ap o čačo drom, oun sikrell lende, hoy lo lendar kamella.

O Debleskro Drom 2021 (Sinte)

⁹ Kolen, kai tele rikedo hi, anell lo ap o tchatcho drom, un sikrell lende, hoi lo lendar kamella.

Debleskri gili 25:9 ပူးပေါင်းရင်းမြစ်များ

Debleskri gili 119:35

Ab mange ap i rig, te rikrap tire laba! Shoukar hi le mange.

Debleskri gili 119:66

Sike mande te hayvap oun djinap, hoy te krap! Tire laba hi mishto. Kova patsau.

Debleskri gili 143:10

Sike mange, hoy touke shoukar hi, te krap me, tou hal miro Devel. Tiro lačo dourho mou sikrell man o čačo drom.

Debleskri gili 147:6

O baro Devel hadell kolen pre, kay tele rikedo hi, oun i čilačen vitsrell lo tele ap i phoub.

Debleskri gili 149:4

O baro Devel dikell lačes ap peskre menshende. Yob vell kolenge ap i rig, kay tele rikedo hi oun hadell len pre.

Debleskri gili 22:26

Tout kamau me te sharell, kote, kay boud khetne venna. Glan kolende, kay tout an-mangenna, kamau me touke te dell, hoy sovel dom.

Debleskri gili 23:3

Yob dell miro djipen nevi zoor. Yob anell man ap o čačo drom, yaake har yob peskro lab koy pre das.

Debleskri gili 27:11

Baro Devel, sike man tiro drom! Oun an man ap o čačo drom, te hounte rikrenn kolla pengro mouy, kay mange čilačepen kamenna.

Debleskri gili 73:24

Tou aneh man ap ko drom, hoy tout mange hi. Oun pal miro djipen ap kay phoub leh tou man pash toute an tiro raylepen.

Debleskri gili 76:9

Tou rakral dran o bolepen i phagi vin pral i phoub. Oun i phoub trashas oun penas kek lab,

Gosewe laba 8:20

Kote, kay i menshe ap o čačo drom djan, oun an o čačepen tardo hi, kote hom me ninna,

Jesaja 11:4

Na-a, yob dell i čorvelende pengro čačepen, oun vell kolenge ap i rig, kay gar an-dikle hi, te lenn yon pengro čačepen. Penell lo i zorelo lab, palle lenn i marepangre pengri phagi. Les hi i zoor, te penell ap o čilačeste: “Tou hounte meress!”

Jesaja 61:1

O baro Debleskro dourho hi ap mande. O baro Devel rodas man vin oun bičras man, te penap i čorvelenge o lačo lab. te krap i phagede djia sasto, te penap i pandlen, te hi le bouder gar pandlo, oun penap i stilden, te nay djan le vin dran o stilepen.

Ezekiel 36:27

Me dau miro dourho an t'mende, oun me krau save menshe t'mendar, kay krenn, hoy t'mendar kamau, oun djivenn pal mire čačepaskre laba, oun rikrenn len dren.

Zefanja 2:3

T'mer vavar, kay kran t'men gar bares oun rikrenn o Debleskro čačepen, t'menge penau: Rodenn o baro Debles! Krenn, hoy glan leste čačo hi! Rikrenn t'men gar baro! Nay vell, te rikrell lo peskro vast pral t'mende, ap ko dives, kay leskri rholi pral i menshende vell.

Mateo 5:5

Barhtele hi kolla, kay kek čingepen krenna. O Devel dell len i tseli phoub.

Johanni 14:6

“Me hom o drom, oun o čačepen oun o djipen,” penas o Yezous. “Dell kek vavar drom pash o dadeste, har man.

Bičepangre 13:10

oun penas: “Tou bengeskro čavo! Tou hal pherdo čilačepen. Oun rhorhepen hi an toute. Tou kameh gar o čačepen. Oun moukeh gar tele o Debleskre čače dromma banges te krell.

Bičepangre 9:2

oun mangas kolestar lila, te nay djal lo an i biboldengre kangria an o foro Damaskus, te nay taprell yob kote kolen, morshen har djouvyen, kay ap o Yezouseskro drom djana, te anell lo len an o foro Yerusalem.

Galatarja 5:23

Yob krell pes gar bares oun lell pes khetne. O Moseskre laba, kolen hi kek zoor pral koleste, koon yaake djivella.

Hebrearja 10:20

Har o Yezous Kristo peskro djipen an o merepen das, his kova yaake, har te krals lo menge ko voudar dran kouč pesso than pre, hoy hi glan o Debleskri kouč isema. Yaake kras lo menge i nevo drom, hoy anell men an o djipen o Debleha.

Jakobo 1:21

Doleske moukenn hako djounglepen oun čilačepen! Oun patsenn ko lab, hoy o Devel an t'mende čivas! Krenn kova i lačo djiyeha! An o Debleskro lab hi koy zoor, te lell lo t'men dran o čilačepen oun o merepen vin.

1. Petro 3:15

O Yezous Kristo kokres te vell o ray an t'mare djia! Oun te poučenn le t'mendar čomone pral t'maro patsepen, ma darenn kek tsiro, te penenn lenge, ap koneste t'mer patsenna.

1. Petro 3:4

T'maro shoukapen hounte vell dran t'maro dji oun sikrell pes an o lačepen, kay kek čingepen dren hi. Savo shoukapen ačella, oun hi boud moldo glan o Debleskre yaka.