Debleskri gili 25:6 - O Debleskro Lab 2024 (Sinte-Manouche)

⁶ Miro baro Devel, ma biste tiro kamlepen oun tiro lačepen, hoy hako tsiro ap tire menshende sikral.

O Debleskro Drom 2021 (Sinte)

⁶ Miro baro Dewel, ma biste tiro kamlepen un tiro latchepen, hoi hako tsiro ap tire menshende sikral.

Debleskri gili 25:6 ပူးပေါင်းရင်းမြစ်များ

1. Mose 24:27

oun penas: “Sharedo vell o baro Devel, o Devel miro rayestar Abraham. Yob rikras peskro lačepen oun čačepen gar pale miro rayestar. O baro Devel anas man ap o drom pash o kheer miro rayeskre menshendar.”

1. Mose 32:9

Yob penas peske: “Te vell o Esau oun dell kolen ap koy yek rig moulo, nashenn nay kolla ap koy vavar rig.”

2. Familjakro liil 6:42

Tou baro Devel, maro ray, ma biče man, ko rayes, kones tou vin rodal, toutar krik. Mouk touke ko lačepen an o shero te vell, hoy penal o Davideske, kay touke koy his.

Nehemia 13:22

Oun me penom ap i Levitarya, te krenn le pen djoudjo o Debleske. Palle te venn le pash o foreskre voudya oun denn koy yak, te vell o Debleskro dives dren rikedo. Ninna kava biste mange gar, miro Devel. Oun dik lačes ap mande an tiro baro kamlepen.

Nehemia 9:19

Tou moukal len gar kokres, kote an o moulo them. Yaake baro his tiro kamlepen lenge. Koy bari folka ačas ap o dives, te sikrell li o drom, koles yon hounte djan. Oun i yag ačas an i rat, te vell len i momeli ap o drom, koles yon djan.

Debleskri gili 103:17

O lačepen o baro Deblestar hi gar yaake. Kova ačella hako tsireske. An kek tsiro lell lo les krik kolendar, kay djivenn leha. Ninna lengre čavenge oun kolengre čavenge rikrell yob peskro lab,

Debleskri gili 103:4

kova, kay man dran o merepen vin lella, kova, kay peskro lačepen oun kamlepen pral mande vin čorella,

Debleskri gili 106:1

Sharedo vell o baro Devel! Parkrenn t'men pash o baro Debleste! Yob hi i lačo Devel. Leskro lačepen ačella hako tsireske.

Debleskri gili 106:45

palle vas an leskro shero, hoy kras lo lentsa vin, te hi lo lengro Devel. Oun an peskro baro lačepen khaytan le les.

Debleskri gili 107:1

Sharenn o baro Debles. Yob hi lačo. Leskro lačepen ačell hako tsireske.

Debleskri gili 119:77

Kre tiro dji mange pre, te djivap! Me hom barhtelo, te djap tiro drom.

Debleskri gili 40:11

Me rikrau man gar pale te penap lenge, hoy tou mendar kameh, oun kay tou rikreh tiro lab, oun leh i doosh krik. Oun me rikrau man gar pale, te rakrap pral tiro lačepen oun čačepen kote, kay boud menshe khetne venna.

Debleskri gili 69:13

Ap i platsa, kay le khetne venn, rakrenn le pral mande. Oun mate givenn gilya pral mande.

Debleskri gili 69:16

te tserdenn man i zorele panya gar tele, oun me tassap. Ma mouk man te merell!

Debleskri gili 98:3

Yob bistras gar peskro lačepen o khereske Israel, oun rikrell peskro lab, hoy das lo lende. I tseli phoub dikas, har las lo len vin dran o čilačepen.

2. Mose 15:13

Tire menshenge kamlo hal, kolenge, kay tou i zoryah vin lal oun ap i lačo drom anal, hoy pash tiro Debleskro kheer djal.

2. Mose 34:6

Yob djas glan o Moseste doureder oun das gole: “Me hom o baro Devel. O baro Devel hom me. Man hi i baro dji, pherdo kamlepen. Me vau gar sik rhoyedo. Miro lačepen hi baro oun me dau mire menshen gar pre.

Jesaja 55:7

Koon kamas či o Deblestar te djinell, kova te djal kanna peskro čilačo dromestar tele! Oun kova, kay čilačo koova an peskro shero hi, yob te moukell savo koova, oun vell pale pash maro baro Debleste, yaake te krell yob peskro dji leske pre, oun lell leskri doosh krik.

Jesaja 63:15

Dik dran o bolepen tele, oun dik tele dran tiro raylo kheer! Kay hi tiro kamlepen, hoy menge rhačell? Kay hi tiri zoor? Hi tout bouder kek dji oun kek lačepen menge?

Jeremia 31:20

Efrayim, tou hal miro kouč čavo, miro čavo, koles kamau boud! Hako kopo, kay hounte dap les trad, vell lo mange gar dran o shero. Miro dji dell zoreles an mande: me hounte vap leske lačes, penell o baro Devel.

Jeremia 33:11

kote vell pale sapen shounlo oun barhteli gole. O pirno oun leskri pirni, kay i biyab krenn, givenn pale. Oun vavar anenn firhen an miro kheer, te parkrenn le pen pash mande, oun givenn koy pashel: Parkrenn t'men pash o baro Debleste, ko rayeste pral o bolepen oun i phoub; yob hi kamles ap mende. Hako tsiro hi leskro lačepen menge koy. Me krau te djal kava themeske pale yaake mishto, har leske glan kova djas.

Daniel 9:18

Miro Devel, shoun miro mangepen! Kre tire yaka pre oun dik i tele-phagede barra ko forestar, hoy pal tiro lab kharedo hi. Glan toute ham čiddo maro mangepah oun dikah gar ap o čačepen hoy mer krams, na-a mer dikah ap toute, te kress tou tiro baro dji menge pre.

Habakuk 3:2

Baro Devel, me shounom, hoy tou lauter kral, Har baro hal tou, baro Devel! Kre savo koova pale an maro tsiro, savo baro koova, mouk les men ninna te dikell an maro tsiro! An tiri rholi biste gar tiro kamlepen!

Louka 1:50

Yob kras peskro dji pre kol phourenge oun kolengre čavenge, lauterenge, kay shounenn ap leste, oun darenn lestar.

Louka 1:54

Oun yob bistras gar peskro boudepaskres, o Israel, oun kras peskro dji leske pre,

Louka 1:78

Maro Debles hi i baro dji menge. Leskro kamlepen vell pash mende. Kova hi har o kham, hoy djal pre ap o bolepen,

2. Korintarja 1:3

Sharas o Debles, o dades maro rayestar, o Yezous Kristestar. Yob hi i lačo dad, oun les hi i baro dji menge, oun moukell men gar kokres.

Filiparja 1:8

O Devel djinella: Miro dji hi pash t'mende. O Yezous Kristo das man i baro kamlepen t'menge.

Filiparja 2:1

Me djinau, t'mer rakrenn i menshenge o Yezouseskre laba an o dji. T'mare laba venna dran o kamlepen, oun krenn lengre djia zoreles. O Debleskro Dourho rikrell t'men khetne, oun t'men hi i baro dji i vavarenge.

Kolossarja 3:12

T'mer han kanna o Debleskre menshe, kolen yob peske vin rodas. Yob kamell t'men o djiyestar. Doleske hounte vell t'men i baro dji o vavareske, te vell hakeno lačo ap o vavareste, te krell pes kek bareder har o vavar, te rakrell hakeno lačes o vavareha, te dell kek o vavares sik pre,

1. Johanni 3:17

Te hi yek bravelo, oun dikell, kay peskro phrales gar doha djipaske hi, oun yob dell les či, yaake nay ačell gar o Debleskro kamlepen an leste.