Debleskri gili 25:5 - O Debleskro Lab 2024 (Sinte-Manouche)

⁵ Sike mande, har te djivap miro djipen an tiro čačepen! Tou hal miro Devel, kay rikrell man! Hako dives dikau ap toute.

O Debleskro Drom 2021 (Sinte)

⁵ Sike mande, har te djiwap miro djipen an tiro tchatchepen! Tu hal miro Dewel, kai rikrell man! Hako diwes dikau ap tute.

Debleskri gili 25:5 ပူးပေါင်းရင်းမြစ်များ

1. Mose 49:18

Baro Devel, ab ap miri rig!

Nehemia 9:20

An tiro lačepen penal lenge, hoy te krenn le. Oun tiro maro dran o bolepen dal len rhapaske, ninna pani, har len troush his.

Hiob 36:22

Dik, har baro o Devel hi! Leskri zoor hi bareder har halauter! Koon hi i sikepaskro har yob?

Debleskri gili 107:7

Oun yob sikras len o čačo drom, yaake te van le an i foro, kay menshe djivenna.

Debleskri gili 119:26

Me penom touke lauter dran miro djipen, oun tou shounal man. Sike mande, hoy mandar kameh!

Debleskri gili 119:33

Sike tou man, baro Devel, har te krap kova lauter yaake, har tou mandar kameh, te djivap miro tselo djipen yaake, har tou kameh.

Debleskri gili 119:66

Sike mande te hayvap oun djinap, hoy te krap! Tire laba hi mishto. Kova patsau.

Debleskri gili 119:97

O djiyestar kamau tiro drom te djal. O tselo dives hi tire laba an miro shero.

Debleskri gili 22:2

Mo Devel, mo Devel, hoske moukal tou man? Me dau gole ap toute, oun tou veh gar ap miri rig. Hoske ačeh dour mandar?

Debleskri gili 24:5

Savo lell barht o baro Deblestar. Leskro Devel hi ap leskri rig oun dell les čačepen.

Debleskri gili 25:10

I tsele dromma hi lačo oun čačo, kay o baro Devel kolen anell, kay rikrenn pen ap leskre laba oun krenn, hoy yob lenge penell.

Debleskri gili 25:8

Lačo oun čačo hi o baro Devel. Doleske sikrell lo kolen, kay doosh ap pende lan, o čačo drom.

Debleskri gili 68:20

Sharedo vell o Devel, maro ray, hako dives! Yob hidjrell menge o pharo koova, oun vell menge ap i rig.

Debleskri gili 79:9

Ab ap mari rig, maro Devel! oun le men vin! Le men vin dran lengre vasta, te vell tiro lab hadedo! Oun le mari doosh mendar krik, te vell tiro lab pale baro!

Debleskri gili 86:3

Baro Devel, ab mange lačes! Ap toute dau gole hako dives.

Debleskri gili 88:1

I gili o rayeske pral i gipangre, te givell har koy gili Mahalat Leannoth. Kay gili kras yek dran i familya Korah. O Heman dran i familya Esra činas kal laba.

Gosewe laba 23:17

Ma zilve ap kolende, kay o Debleskro drom moukan. Hako dives de yak, te djivess o baro Debleha.

Gosewe laba 8:34

Barhtelo hi ko mensho, kay shounell ap mande, kay hi tardo pash miro voudar hako dives, oun dell yak ap miro kheer.

Jesaja 30:18

Doleske dikell o baro Devel ap ko dives, kay nay vell lo t'menge pale lačes, oun te nay krell lo peskro dji t'menge pre. O baro Devel hi i Devel, kay hako tsiro o čačepen krell. Barhtelo hi hakeno, kay ap leste dikell.

Jesaja 35:8

Oun kote hi palle i drom, hoy kharell Debleskro drom. Kek, kay pale-čiddo glan o Debleste hi, nay djal ap leste. Kokres o Debleskre menshe djan ap leste. Kek, kay djal ap ko drom, nashrell pes, vitar kek, kay gar boud hayvell.

Jesaja 42:16

Mire menshen, kay hi har korele, sikrau i drom, kolestar yon či djinenn. Oun anau len ap dromma, kolendar yon či shounan. Yon djivenn har an kali rat, oun me lau o tamlepen glan lende krik. Oun kol barra, hoy ap lengro drom čiddo hi, lau krik. Kava krau lenge, oun moukau len gar.

Jesaja 49:10

Yon bokenna gar oun troushenna vitar gar. Oun o tato dourho dran o moulo them doukrell len gar, vitar gar dell len o kham čourye. Me, kay man i baro dji lenge hi, sikrau lenge o drom, oun anau len pash shila pani, te nay piyenn le.

Jesaja 54:13

O baro Devel sikrell peskro drom tire tsele čavende, oun lenge djal mishto.

Jeremia 31:9

Yon venna ropah. Oun me rakrau lenge lačes, oun anau len pash panya oun ap lače dromma, te perell kek; me hom o Israeleskro dad, oun o Efrayim hi miro phoureder čavo.

Micha 7:7

Me kamau te dikap ap o baro Debleste, oun rikrau man ap leste, te vell lo ap miri rig. Miro Devel shounell miri gole.

Louka 18:7

Har boud feteder hi o Devel! Patsenn t'mer gar, te vell lo ap i rig peskre vi-rodede menshendar, kay dives oun rati ap leste gole denna? Ava, yob vell ap lengri rig oun dell len lengro čačepen. Lell lo pes boud tsiro, te vell lo ap lengri rig?

Johanni 14:26

Me te hom bouder gar pash t'mende, bičrell o dad t'menge o rakepaskres, kay vell ap t'mari rig. Kova hi o Debleskro Dourho. Oun yob penell t'menge halauter yaake, te nay hayvenn kova mishto. Oun yob moukell t'menge halauter an o shero te vell, hoy me t'menge penom.

Johanni 16:13

Te vell o Debleskro Dourho, kay o čačepen an leste hi, sikrell lo t'mende o tselo čačepen. Yob rakrell gar dran peste. Hoy yob shounella, kova rakrell yob. Oun hoy vella, penell yob t'menge glan-vi.

Johanni 6:45

An o Debleskro lab činan kol Debleskre rakepangre: O Devel hi o sikepaskro halauterenge. Hakeno, koon ap o dadeste shounella oun krell, hoy yob kamella, vell pash mande.

Remarja 8:14

Kolla, kay shounenn ap o Debleskro Dourho, kolla hi o Debleskre čave.

1. Johanni 2:27

O Yezous Kristo das t'men o Debleskro Dourho. Kova ačell an t'mende. Doleske hounte vell t'men kek vavar sikepaskro. O Debleskro Dourho sikrell t'mende o tselo Debleskro drom. Oun lauter, hoy yob t'mende sikrell, kova hi čačo oun kek rhorhepen. Krenn kova, hoy o Debleskro Dourho t'mende sikrella! Yaake ačenn t'mer o Yezous Kristeha khetne.

Debleskro tsiro 7:17

O terno bakro, hoy mashkral o Debleskro beshepaskro hi, kova dell yak ap lende, har i bakrengro ray ap peskre bakre yak della, oun anell len pash o pani, hoy o djipen della. Oun o Devel khossell hake sva ap lengre yaka tele.