Debleskri gili 25:3 - O Debleskro Lab 2024 (Sinte-Manouche)

³ Kek, kay pes ap toute rikrell, hounte ladjell pes. Kolla, kay phoukrenn ap toute čičeske, hounte ladjenn pen.

O Debleskro Drom 2021 (Sinte)

³ Kek, kai pes ap tute rikrell, hunte ladjell pes. Kolla, kai phukrenn ap tute tchitcheske, hunte ladjenn pen.

Debleskri gili 25:3 ပူးပေါင်းရင်းမြစ်များ

1. Mose 49:13

O Zabulon djivell pash o baro pani, kote, kay i shiffe čiddo hi. Leskro them djal bis pash o foro Sidon.

1. Familjakro liil 10:13

O Saul meras doleske, kay yob gar kras, hoy o baro Devel leske penas, oun kay yob pash koy djouvyate djas, kay i moulentsa rakras, oun lat poučas.

Debleskri gili 109:3

Pengre čilače čipyentsa doukrenn le man, oun čingrenn ap mande, ninna te krom me lenge či.

Debleskri gili 119:78

Kre, te hounte ladjenn pen kol pre-phourde, kay rhorhepen ap mande pre anan. Miro djiyeha rakrau pral kova, hoy tou menge penal, te kras mer.

Debleskri gili 123:2

Yaake har i boudepaskro ap o vast peskro rayestar dikella, oun i boudepaskretsa ap i vasta peskri ranyatar dikella, yaake dikah mer ap maro baro Debleste, bis te krell lo menge peskro dji pre.

Debleskri gili 132:18

Leskro raylepen vell baro oun bareder. Oun ap kolende, kay leske čilačepen kamenn, čivau bari ladj.

Debleskri gili 22:6

Ap toute dan le gole, oun tou lal len vin. Ap toute dikan le, oun tou moukal len gar kokres.

Debleskri gili 27:14

Rike tout ap o baro Debleste tiro tselo djiyeha! Ab zoreles, oun ma traash, oun rike tout ap o baro Debleste!

Debleskri gili 31:17

Dik lačes ap mande! Me hom tiro boudepaskro! Ab kamles mange oun tserde man dran lengre vasta vin!

Debleskri gili 31:18

Baro Devel, mouk man gar čičeske gole te dell ap toute! Kre, te ladjenn pen i čilače! Yon mou djan tele oun merenn! Palle nay rakrenn le bouder gar,

Debleskri gili 33:20

Mer rikrah men ap o baro Debleste maro tselo djiyeha. Yob vell ap mari rig, oun rikrell peskro vast pral mende.

Debleskri gili 35:26

Kre, te ladjenn le pen, oun nay hadenn pengro shero gar pral, kolla lauter, kay hi barhtelo pral miri bibarht! Mou vell praasepen oun ladj ap lende, kay hadenn pen pral mande.

Debleskri gili 37:34

Dik ap o baro Debleste, te vell lo ap tiri rig! Oun ač ap leskro drom! Palle hadell lo tout oun dell tout ko them. Oun tou dikeh, har venn i čilače maredo.

Debleskri gili 6:10

Ava, o baro Devel shounas miri gole. Miro mangepen las lo an.

Debleskri gili 62:1

I gili o rayeske pral i gipangre, o Yedoutoun. Kay gili kras o David.

Debleskri gili 62:5

T'menge djal an o shero trouyel, har nay krenn te perap khetne. O rhorhepen hi t'menge shoukar. T'mare mouyentsa rakrenn t'mer i barht vin pral yekeste, oun an t'mare djia rakrenn i bibarht pral leste.

Debleskri gili 69:4

Me dom gole, bis te man kek zoor bouder an mande his, oun miri meen doukas. Mire yaka van khino, yaake rah dikau pal miro Debleste.

Debleskri gili 69:6

Miro Devel, tou djineh, har dinelo homs, oun prindjreh miri doosh, hoy ap mande anom.

Debleskri gili 71:13

Mou venn le tele vitsedo oun merenn, kolla, kay mange o čilačepen kamenn. Praasepen oun ladj mou vell ap kolende, kay kamenn miri bibarht.

Jesaja 25:9

Ap ko dives penell hakeno: Dik, kova hi maro Devel! Ap koleste rikram men, te vell lo ap mari rig. Yob hi maro baro Devel, ap koleste men rikram! Givas i barhtyatar: Yob las men vin dran o merepen.

Jesaja 40:31

Kolla, kay ap o baro Debleste dikenn, lenn nevi zoor. Yon hadenn pen har bare čirkle hadenn pen pengre moussyentsa. Yon nashenn oun lengri zoor djal gar krik. Yon djan trouyel oun venn gar khino.

Jesaja 49:23

Oun bare raya venn touke koy oun lengre romya denn yak ap tire tikne čavende. Oun bare raya vitsrenn pen glan toute ap i phoub, oun čoumrenn i čik tire pirendar. Kote hayveh tou palle, te hom me o baro Devel. Oun kolla, kay dikenn ap mande, te vap ap lengri rig, dikenn gar čičeske ap mande.

Jeremia 20:11

O baro Devel hi pash mande oun dell ap mande garda har i zorelo morsh. Doleske perenn kolla, kay man palla lenn oun hounte tserdenn pen pale. Kova, hoy len glan hi, nay krenn yon gar. Oun vavar san pral lende. Hako tsiro hi kova lenge i ladj oun vell lenge gar bistedo.

Ropaskre gilja 3:25

Lačes hi o baro Devel koleske, kay dikell ap leste, oun rodell les o tselo djiyestar.

Micha 7:7

Me kamau te dikap ap o baro Debleste, oun rikrau man ap leste, te vell lo ap miri rig. Miro Devel shounell miri gole.

Johanni 15:25

Yaake vas kova čačo, hoy an o Debleskro lab činlo hi: Yon hi čilačo ap mande, ninna te krom kek čilačepen ap lende.

Remarja 8:25

Maro dji nashell pal kova, hoy glan mende hi, oun hoy dikah nay gomme gar. Doleske vah mer gar khino an mare djia bis te lah les.