Debleskri gili 24:8 - O Debleskro Lab 2024 (Sinte-Manouche)

⁸ Koon hi kava baro ray, kones o tselo raylepen hi? Kova hi o baro Devel, ko zorelo kourepaskro, ava, o baro Devel hi zorelo an o kourepen.

O Debleskro Drom 2021 (Sinte)

⁸ Koon hi kau baro rai, kones o tselo railepen hi? Kowa hi o baro Dewel, ko sorelo kurepaskro, awa, o baro Dewel hi sorelo an o kurepen.

Debleskri gili 24:8 ပူးပေါင်းရင်းမြစ်များ

Debleskri gili 50:1

I gili o Asafestar. O Devel rakrell, o baro oun zorelo Devel dell i menshen ap i tseli phoub gole, kotar, kay o kham pre djas bis kote, kay lo tele djal.

Debleskri gili 93:1

O baro Devel hi o baro ray. Raylepen oun zoor hi troul leste har i ripen. Yob kras i phoub yaake te hi li zoreles tardo.

2. Mose 15:3

I kourepaskro hi lo. Leskro lab hi čačo: Baro Devel kharell lo.

Jesaja 9:6

I rayeskri zoor, hoy les hi, vell baro oun bareder. Oun an kek tsiro dell čingepen. Yob vell beshdo ap o Davideskri beshepaskri, oun hi i ray, kay krell o čačepen yaake vin, har o Devel kamell oun mishto hi kanna oun hako tsireske. O baro Devel, ko ray pral o bolepen oun i phoub, krell kova lauter. Yaake las lo pes kova zoreles glan.

Kolossarja 2:15

Oun i raya oun lauter, kolen hi penepaske mashkral o bolepen oun i phoub, kolla nashran pengri zoor, har o Yezous Kristo ap o troushel meras. Kote sikras o Devel glan lauterende, kay hi o Yezous Kristo zorleder har yon.

Debleskro tsiro 6:2

Oun me dikom i parno grayes. Oun kova, kay pre beshdo hi, koles hi i bogo an o vast. Oun les vas i shereskro sonakay dino, hoy sikrella, te hi yob zorleder har boud vavar bare raya. Oun yob djas vin an o kourepen, oun vas zorleder har yon halauter.