Debleskri gili 24:3 - O Debleskro Lab 2024 (Sinte-Manouche)

³ Koon hi kova, kay ap o baro Debleskri berga nay djal? Koon hi kova, kay an leskro kheer nay tardo ačella?

O Debleskro Drom 2021 (Sinte)

³ Koon hi kowa, kai ap o baro Debleskri berga nai djal? Koon hi kowa, kai an leskro kheer nai tardo atchella?

Debleskri gili 24:3 ပူးပေါင်းရင်းမြစ်များ

1. Familjakro liil 15:1

Oun o David moukas peske khera te krell an o Davideskro foro. Yob rodas ninna i kotar phoub vin, kay te vell o morhton o Debleskre deesh labentsa pre čiddo, oun moukas leske i plarhteno kheer pre te čivell.

Debleskri gili 15:1

I gili o Davidestar. Baro Devel, koon nay vell an tiro kheer? Kones moukeh tou ap koy berga te djivell, kay tou khere hal?

Debleskri gili 2:6

“Ap i berga Sion, kay mange hi, čivom me i baro rayes, koles me vi-rodom.”

Debleskri gili 65:4

Ko čilačepen, hoy krom, hi phares ap mande čiddo. Tou hal kova, kay i doosh krik lell.

Debleskri gili 68:18

Boud zerya vourdya hi o Debles. Lentsa vas lo ap i berga Sinay, oun djal dren an peskro kheer.

Ezekiel 44:5

Oun o baro Devel penas ap mande: Tou, mensho, kre tire yaka oun kanda pre, oun de yak ap halauter, hoy me touha rakrau! Kamau touke te penell, hoy t'mendar kamau miro khereske, oun hoy kote hounte krenn. De yak, te djiness, koon nay djal dren oun koon gar.

Ezekiel 44:9

Doleske penau me, o baro Devel, t'maro ray: Kek dran i vavar them, koleskro dji gar mange hi, oun kay hi gar činlo ap peskro mass, nay vell an miro kheer dren, vitar kek vi-themari, kay mank t'mende djivell.

3. Mose 10:3

O Mose penas ap o Aron: Kava hi, hoy o baro Devel rakras, har penas lo: Kamau, te dikenn kolla, kay venn glan mande, te hom me kokres o čačo Devel. Glan i tsele menshende kamau te vap sharedo. O Aron penas kek lab.

Maleachi 3:1

O baro Devel, ko ray pral o bolepen oun i phoub penell: Denn yak, me bičrau miro bičepaskres! Yob krell glan mande o drom yaake, har mange mishto hi. Oun ko ray, kolestar t'mer penenn, te rodenn les, kova vell sik pash peskro kheer. Ko bičepaskro, kay t'mentsa pral kova rakrell, hoy t'mentsa vin krom, ap koleste t'mer t'maro tselo djiyeha dikenna, yob hi gar dour.

Johanni 13:36

“Ray, kay djah tou?” poučas o Simon Petro lestar. Penas o Yezous ap leste: “Kote, kay me kanna djaua, nay djah tou gar peha. Pal i tsiro veh tou ninna koy.”

Johanni 20:17

Penas o Yezous ap late: “Ma tape ap mande! Me djom gomme gar pash o dadeste pale. Dja pash mire phralende oun pen lenge: Me djau pash miro dadeste oun pash t'maro dadeste oun pash miro Debleste oun pash t'maro Debleste.”

Hebrearja 12:28

O Debleskro them an o bolepen, kay khere ham, ačell zoreles tardo, oun kote djah mer. Doleske parkras men pash o Debleste, shounas ap leste, daras lestar oun kras, hoy yob kamella!