Debleskri gili 24:10 - O Debleskro Lab 2024 (Sinte-Manouche)

¹⁰ Koon hi kava baro ray, kones o tselo raylepen hi? Kova hi o baro Devel, ko ray pral o bolepen oun i phoub. Yob hi o baro ray, kones o tselo raylepen hi.

O Debleskro Drom 2021 (Sinte)

¹⁰ Koon hi kau baro rai, kones o tselo railepen hi? Kowa hi o baro Dewel, ko rai pral o bolepen un i phub. Job hi o baro rai, kones o tselo railepen hi.

Debleskri gili 24:10 ပူးပေါင်းရင်းမြစ်များ

Jesaja 54:5

Kova, kay tout kras, hi kanna tiro rom. Baro Devel, ray pral o bolepen oun i phoub hi leskro lab. Yob ginas tout vin dran o pandepen, oun hi o Israeleskro čačo Devel. Yob vell kharedo: O Devel pral i tseli phoub.

Mateo 25:31

Oun o Yezous penas: Ap ko dives, kay vell o Mensheskro Čavo an peskro tselo raylepen, oun leha venna i tsele bolepangre, palle hi lo o ray pral halauter, oun rakrell o čačepen vin pral i tsele menshende ap i phoub.

Mateo 25:34

Oun palle penell o baro ray ap kolende, kay ap leskri čači rig tardo hi: Ap t'mende vell i barht miro dadestar an o bolepen. Avenn oun djivenn mantsa khetne an miri harmenatsyona. Kova kamas o Devel yaake rah har o bolepen oun i phoub koy hi.

Louka 9:26

Kova, kay ladjell pes mange oun mire labenge, koleske ladjau me ninna, te vau me, o Mensheskro Čavo, pale. Ap ko dives hi man ko raylepen, kay hi ninna miro dades oun o Debleskre bolepangren.

Johanni 12:40

O Devel kras, kay dikenn yon nay gar. Oun lengro dji kras yob pandlo. Kova kras yob, te dikenn yon nay či pengre yakentsa, oun te djal či dren an lengro dji. Te nay moukenn le gar pengro čilačo drom oun venn pash o Debleste, te krell lo len sasto.

Johanni 14:9

“Yaake rah hom pash t'mende oun tou prindjreh man gar, Filipo?” penas o Yezous. “Koon man dikella, kova dikell o dades. Har nay peneh tou: Sike mende o dades?

Tito 2:13

Oun mer dikah ap ko barhtelo dives, kay vell o Yezous Kristo pale an o shoukar raylepen. Yob hi maro baro Devel, kay las men dran o čilačepen vin.