Debleskri gili 24:1 - O Debleskro Lab 2024 (Sinte-Manouche)

¹ I gili o Davidestar. O baro Debleske hi i phoub oun lauter, hoy koy pre hi, ava, i tseli phoub oun kolla, kay kote djivenna.

O Debleskro Drom 2021 (Sinte)

¹ I gili o Davidestar. O baro Debleske hi i phub un lauter, hoi koi pre hi, awa, i tseli phub un kolla, kai kote djiwenna.

Debleskri gili 24:1 ပူးပေါင်းရင်းမြစ်များ

1. Familjakro liil 29:11

Baro Devel, tou hal o baro ray, hal zorelo, raylo, zorleder har hako vavar, oun o pralstouno pral hako vavareste. Halauter, hoy an o bolepen oun ap i phoub hi, hi tiro. Tou hal o ray pral i tsele themma, oun tout hi penepaske pral halauter.

1. Familjakro liil 29:16

Baro Devel, maro ray, kava tselo bravlepen, hoy khetne anam, te kras mer touke i kheer, te vell tiro lab sharedo, kova lauter vas toutar oun hi tiro.

2. Familjakro liil 25:9

Oun o Amazya poučas o Debleskro morshestar: “Oun hoy hi kol sheel centnarya roup, hoy me kol lourdende dran Israel dom?” O Debleskro morsh penas: “Pash o baro Debleste hi yaake, te nay dell lo tout boudeder har tou len dal.”

Hiob 34:13

Koon his, koon les i phoub an leskre vasta das? Kek! Yob kras i phoub. Kek hi pral leste tardo.

Hiob 41:11

Dran leskro mouy vell yag, ava, yagakre kotya denn vin karye.

Hiob 41:3

Koon nay djal i rholyah ap mande, oun me anau kova gar ap leskro shero pale? Tel o tselo bolepen hi kek savo!

Debleskri gili 50:10

I tsele firhe an o veesh hi mire, oun ninna kol firhe ap i zerya berge hi mire.

Debleskri gili 50:12

Te vals man bok, me penoms touke kova gar. I tseli phoub hi miro oun lauter, hoy ap late hi, ninna.

Debleskri gili 89:11

O baro panyeskro sap Rahab dal tou moulo, oun kolen, kay touke čilačepen kaman, tradal tou krik.

Debleskri gili 89:12

O bolepen, tiro hi lo, oun i phoub, tiri hi li, oun tou kral lauter, hoy dren hi.

Debleskri gili 98:7

Mou vell o baro pani divyo i barhtyatar, oun lauter, hoy an leste djivell, ninna i tseli phoub, oun kolla, kay ap late djivenn.

2. Mose 19:5

Kanna shounenn: Te rikrenn t'mer lauter, hoy me t'menge penau, oun shounenn ap mire tsele laba, palle han t'mer mange koučeder har i tsele vavar menshe ap kay phoub. Ninna te hi i tseli phoub miro, han t'mer kokres mire menshe,

2. Mose 9:29

O Mose penas leske: “Yaake sik har djom dran o foro vin, kamau mire vasta pre te hadell ap o baro Debleste. Palle dell o bolepen bouder kek gole, oun kek barrengro brishin perell bouder, te dikess oun hayvess, te hi i phoub o baro Debleske.

Daniel 4:25

Oun lauter vas yaake pral o baro rayeste, o Neboukadnezar.

Micha 4:13

Yerusalem, ste pre oun de len khetne, penell o baro Devel. Me krau tout yaake zorelo har i gouroum, koles sasterne shinga oun sasterne pire hi. Mare len khetne, kol menshen dran boud themma! Oun an lengro bravlepen an miro kheer, oun halauter hoy len hi, an glan mande! Me hom o ray pral i tseli phoub.

Nahum 1:5

I bare berge trissenn glan leste, oun kol tikne berge perenn khetne. Yob te vell, palle hadell pes i phoub glan leste, oun kolla, kay ap late djivenna, trissenna.

1. Korintarja 10:26

Djinenn, i phoub oun lauter, hoy koy pre hi, hi o Debleskro.

5. Mose 10:14

O baro Debleske hi o bolepen, lauter hoy an o pralstunepen hi. Oun ninna i phoub oun lauter hoy dren hi, hi leskro.