Debleskri gili 22:23 - O Debleskro Lab 2024 (Sinte-Manouche)

²³ Toutar kamau me te rakrell pash mire phralende. Kote, kay venn le khetne, kamau me tout te sharell.

O Debleskro Drom 2021 (Sinte)

²³ Tutar kamau me te rakrell pash mire phralende. Kote, kai wenn le khetne, kamau me tut te sharell.

Debleskri gili 22:23 ပူးပေါင်းရင်းမြစ်များ

Debleskri gili 106:5

Te nay dikap i barht, hoy tou kolen dal, hoy touke vi-rodal, te nay vap barhteles khetne tire menshentsa, te nay sharas men, te ham tire.

Debleskri gili 109:30

Me kamau man te parkrap pash o baro Debleste o tselo djiyestar, oun les sharell glan boud menshende.

Debleskri gili 111:1

Sharedo vell o baro Devel! Miro tselo djiyestar sharau o baro Debles kote, kay kolla khetne venna, kay o čačo drom djan.

Debleskri gili 115:11

T'mer, kay djivenn o baro Debleha, rikrenn t'men ap leste! Yob vell ap t'mari rig, oun rikrell peskre vasta pral t'mende.

Debleskri gili 115:13

Yob čivell peskri barht ap hakeneste, kay djivell leha, ava, ap i tiknen oun ap i baren.

Debleskri gili 145:19

Kolenge, kay o djiyestar ap leste shounenna, krell lo, hoy yon mangenna, oun shounell, har denn le gole, oun vell ap lengri rig.

Debleskri gili 22:30

Ninna i bravele ap kay phoub, kolen hako tsiro boudeder hi har doha rhapaske, hounte vitsrenn pen tele glan leste. Ninna hakeno, kay meras oun pale čik vas, hounte perell ap i čanga glan leste.

Debleskri gili 26:12

Mire herya hi zoreles tardo oun perenn gar o čačo dromestar tele. Me kamau miro baro Debles te sharell, kote, kay leskre menshe khetne venna.

Debleskri gili 33:8

I tseli phoub hounte darell o baro Deblestar, hakeno, kay ap i phoub djivella, hounte penell leske: “Tou hal o Devel.”

Debleskri gili 35:18

Palle kamau man pash toute te parkrell kote, kay boud menshe khetne venna an o Debleskro kheer. Ava, glan i tsele menshende sharau tout.

Debleskri gili 50:23

Kova, kay pes pash mande parkrella, hi kova, kay sharell man. Kova hi o drom, kay sikrau leste, har lačo leske hom.”

Debleskri gili 86:12

Mo Devel oun mo ray, parkrau man miro tselo djiyestar pash toute, oun hadau tout hako tsiro.

Jesaja 25:3

Doleske sharenn tout i menshe an zorele themma. Oun i menshe an forya, kay lengre pralstoune i zoryah ap lende djan, mangenn tout an.

Louka 1:50

Yob kras peskro dji pre kol phourenge oun kolengre čavenge, lauterenge, kay shounenn ap leste, oun darenn lestar.

Louka 2:20

Oun i bakrengre djan pale pash pengre bakre. Oun yon sharan o Debles o tselo djiyestar pral kova, hoy yon shounan oun dikan. Lauter kova his yaake, har o bolepaskro lenge penas.

1. Korintarja 10:31

Hoy t'mer ninna krenna oun rhana oun piyenna, kova krenn lauter yaake, te vell o Devel sharedo.

Debleskro tsiro 15:4

Toutar darella hakeno, tiro labestar penenn le: Har baro oun shoukar hi lo! Maro ray, o baro Devel hal tou. Kek vavar hi yaake har tou. I raya venna dran hake themma; glan toute vitsrenn le pen tele, te sharenn le tout. Lauter dikan, har pal o čačepen tou djal, har tou i menshende lengri phagi dal.