Debleskri gili 22:16 - O Debleskro Lab 2024 (Sinte-Manouche)

¹⁶ Miri meen hi trouk. Ninna miro čip hi bouder gar sapeno, oun tou čival man an o merepaskri čik.

O Debleskro Drom 2021 (Sinte)

¹⁶ Miri meen hi truk. Ninna miro tchip hi buder gar sapeno, un tu tchiwal man an o merepaskri tchik.

Debleskri gili 22:16 ပူးပေါင်းရင်းမြစ်များ

Debleskri gili 22:1

I gili o rayeske pral i gipangre, te givell har koy gili I vesheskri groumni, hoy sik ap o dives tradedo vella. O David kras kay gili.

Debleskri gili 22:20

Ač gar dour mandar, mo baro Devel! Tou, miri zoor, ab sik ap miri rig!

Debleskri gili 38:11

Miro dji djal sikeder. Miri zoor moukas man. Oun mire yaka nashran pengri zoor.

Debleskri gili 59:14

De len moulo an tiri bari rholi! De len moulo, te ačell lendar či, yaake te dikell hakeno ap i tseli phoub, kay tou, maro Devel, o ray hal pral o Israel.

Debleskri gili 59:6

Baro Devel, tou, kay hal o ray pral o bolepen oun i phoub, oun o Israeleskro Devel, ste pre oun de kol menshen an i tsele vavar themma pengri phagi! Ma ab lačes ap kolende, kay phoukepangre hi!

Debleskri gili 86:14

Miro Devel, pre-phourde morsha hadenn pen ap mande. Kolla, kay zorelo oun čilačo hi, čivan pen khetne, oun kamenn man te marell. Pal toute poučenn le gar.

Jesaja 53:5

Mari doosh his kova, kolake yob doukedo vas. Oun koleske, hoy mer čilačes kram, vas yob khetne dino. I phagi his ap leste čiddo, te djas menge mishto. Yob vas doukedo, te vas mer sasto.

Jeremia 12:6

Ninna tire phrala oun i menshe dran tiro dadeskro kheer moukan tout te perell, oun dan čilačes gole pal toute har kol vavar. Dik tout glan lendar, ninna te rakrenn yon kamlo touha.

Zakarie 12:10

O Davideskre menshenge oun i menshenge an Yerusalem krau lengre djia pre, te venn le kamles yek ap o vavareste oun mangenn mandar lačepen. Oun yon dikenn ap koleste, kay dan le an i rig čourye. Oun yon denn gole i ropah pral leste, har yek pral peskro moulo čaveste gole dell, koles kek vavar čave hi, oun har rovenn i menshe pral pengro phoureder čavo, kay meras.

Mateo 26:57

Kolla, kay o Yezouses pandan, anan les pash o baro rashayeste, o Kayafas. Oun kote van i biboldengre čačepangre oun phoureder khetne.

Mateo 27:35

Oun yon dan les ap o troushel. Oun palle khelan le pral leskre koola, te dikenn le, hoy hakeno lella.

Mateo 7:6

Ma vitsrenn gar o Debleskro bravlepen glan i djouklende, te djan yon gar ap t'mende pre! Ma vitsrenn gar i kouč barra glan i balende, te stakrenn le len gar i pirentsa khetne.

Markus 15:24

Oun yon dan les ap o troushel. Oun palle khelan le pral leskre koola, te dikenn le, hoy hakeno lella.

Louka 23:23

Yon dan zorleder gole, te vell lo ap o troushel dino. Oun har yon gar tele moukan, shounas o Pilato ap lende oun penas:

Louka 23:33

Har yon lauter ap ko kotar them van, hoy kharella Mouleskro Shero, dan yon o Yezouses ap o troushel, oun kol douy čilače morshen ninna. Ko yekeskro troushel his čačes lestar, ko vavareskro troushel his serves lestar.

Johanni 19:23

Kol lourde, kay o Yezouses ap o troushel dan, lan leskre ripya, oun kran dran lende star kotya. Oun hakeno las i kotar. Ko telstouno ripen his gar khetne sido. Kova his an yek kotar.

Johanni 19:34

Yek kol lourdendar das les peskro rhareha an i rig čourye. Koy vas pani oun rat vin.

Johanni 19:37

oun ninna: Yon dikenn koles, kay dan le an i rig čourye.

Johanni 20:25

Ap leste penan i vavar kol deesh-te-douyendar: “Mer dikam maro rayes!” Yob penas ap lende: “Te dikau me gar leskre vasta, kay saster dren dino vas, oun te čivau me gar miro goushto koy dren oun miro vast an leskri rig, patsau me kova gar.”

Johanni 20:27

Pal kova penas yob ap o Thomas: “Čip tiro goushto ap mire vasta, oun čip tiro vast an miri rig. Ač gar har yek, kay patsell gar. Pats kanna!”

Filiparja 3:2

Denn garda, te shounenn gar ap kolende, kay hi čilače boudepangre oun djoukle. Yon kamenna, te moukenn t'men ap t'maro mass te činell, oun penenn: “Kova hounte krenn, te nay venn t'mer o Debleskre menshe!”

Debleskro tsiro 22:15

Vin hi kolla, kay moukan o Debleskro drom, kolla, kay kran bengeskro koova, kolla, kay loubran trouyel, kolla, kay maran vavaren, kolla, kay mangan vavar koova an har o Debles, oun hakeno, kay kamell oun krell o rhorhepen.