Debleskri gili 22:15 - O Debleskro Lab 2024 (Sinte-Manouche)

¹⁵ Miri zoor hi vin čoredo har pani, mire tsele kokale rikrenn bouder gar khetne, Miro dji nashras peskri zoor, har i momeli hoy tele rhačras.

O Debleskro Drom 2021 (Sinte)

¹⁵ Miri soor hi win tchoredo har pani, mire tsele kokale rikrenn buder gar khetne, Miro dji nashras peskri soor, har i momeli hoi tele chatchras.

Debleskri gili 22:15 ပူးပေါင်းရင်းမြစ်များ

1. Mose 18:27

Penas o Abraham: “Shoun, miro ray, me lom man khetne, te rakrap touha, kay me čik oun či moldo hom.

1. Mose 3:19

Tou hounte boudress yaake phares tiro rhapaske, te nashell o pani pral tiro mouy, bis te veh pale phoub. Tou hal kerdo dran i čik i phoubyatar. Oun tou veh pale, hoy tou hals.”

2. Samuel 14:14

Vell o tsiro, kay mer hounte meras halauter. Oun ham har pani, kay ap i phoub čoredo hi, oun hoy nay hadell kek bouder pre i phoubyatar. O Devel kamell gar o djipen krik te lell. Yob kamell gar te ačell kova, kay vas krik tradedo, ninna lestar krik.

Hiob 10:9

Ma biste, te kral man dran čik. Kameh tou kanna, te vap pale čik?

Hiob 19:20

Mire moussya oun herya hi sane har kashta. nashrom halauter, kokres miro djipen ačas.

Hiob 29:10

Ninna i bare morsha o forestar rakran bouder gar, oun rikran pengro mouy.

Hiob 30:16

O djipen an mande nashell krik har pani. Čilače divessa van pral mande.

Hiob 34:15

palle merans halauter, hoy djivenn, ap yek kopo, oun o mensho vals pale čik.

Hiob 7:21

Hoske leh tou ko čilačepen gar krik mandar, hoy krom, oun bistreh miri doosh? An i tikno tsiro vau tel i phoub. Te rodeh pal mande, hom me gar bouder koy.

Debleskri gili 104:29

Tou te djah lendar krik, taprell len i daar. Tou te leh lendar o dourho, merenn le, oun venn pale čik.

Debleskri gili 30:9

Ap toute, baro Devel, dom gole, ap toute, miro ray, rovom oun penom:

Debleskri gili 38:10

Miro ray, tou djineh, hoy me miro djiyestar kamau, oun miro tselo ropen hi gar khatedo glan toute.

Debleskri gili 69:21

Kay ladj phagell miro dji, oun krell man nasselo. Patsom, te khaytoms me yekes, te vals yek kay, kay mange mire sva tele khossals. Na-a, kote his kek, gar yek, kay kova krals.

Debleskri gili 69:3

Me tassau an sapeni čik, mire herya hatsenn kek phoub, kay yon nay tardo ačans. Hom an pani, hoy dour tele djal. Oun zorele panya kamenn man tele te tserdell.

Gosewe laba 17:22

I barhtelo dji hi mishto tiro sastepaske. Te hi touke hako tsiro ropaske, nashreh tiri zoor.

Jesaja 53:12

Doleske dau me les i platsa mank i bare oun zorele rayende. Doleske, te das yob peskro djipen an o merepen. Ninna te dikan i menshe ap leste, har te vals lo i čilačo, las yob i doosh kol boudendar ap peste, oun mangas o Debles i čilačenge.

Ropaskre gilja 4:4

I tikne čaven hi yaake troush, te vell lengri čip trouk an o mouy. I čave mangenna i kotar maro, oun kek hi koy, te dell lo lenge i kotar.

Daniel 12:2

Oun boud kolendar, kay tel i phoub čiddo his oun sovan, kolla stenn pre, ko yek o djipaske, hoy gar pre herella, oun ko vavar i bari ladjake oun o praasepaske, hoy bouder gar pre herella.

Mateo 27:50

O Yezous das pale bari gole, oun meras.

Johanni 19:28

Pal kova, har o Yezous djinas, kay yob halauter kras, penas lo: “Man hi troush!” Kova penas yob, te vell kova čačo, hoy an o Debleskro lab glan-vi penlo vas.

1. Korintarja 15:3

Ko bareder lab, hoy mange penlo vas, oun hoy me t'menge penom, hi kava: O Yezous Kristo meras menge, te lell lo mari doosh mendar krik, yaake har an o Debleskro lab činlo hi.