Debleskri gili 20:3 - O Debleskro Lab 2024 (Sinte-Manouche)

³ Mou vell lo dran leskro kheer ap tiri rig! Oun dran o foro Sion bičrell lo touke zoor!

O Debleskro Drom 2021 (Sinte)

³ Mu well lo dran leskro kheer ap tiri rig! Un dran o foro Zion bitchrell lo tuke soor!

Debleskri gili 20:3 ပူးပေါင်းရင်းမြစ်များ

1. Mose 4:4

Oun o Abel las tikne bakren, kay i phoureder čave pengre dayendar hi, maras len oun rhačras lengre feteder kotya o Debleske. Oun o baro Devel dikas lačes ap o Abel oun ap kova, hoy yob rhačras leske.

1. Familjakro liil 21:26

Oun o David kras koy o baro Debleske i rhačepaskri, oun anas firhen leske, saven kay van tseles rhačedo oun saven, kay rhan le khetne glan o baro Debleste. Oun har yob o baro Debles an-kharas, moukas yob yag dran o bolepen te perell ap i rhačepaskri, kay kol moule firhe čiddo hi.

2. Familjakro liil 7:1

Har o Salomo o baro Debleha rakras, har lo peskre tsele laba vi-rakras, peras i yag dran o bolepen oun rhačras i marede firhen oun kol kotya mass, hoy his čiddo ap i rhačepaskri. Oun o kheer vas pherdo o baro Debleskro raylepen,

Debleskri gili 128:5

O baro Devel dell tout barht kotar, kay lo khere hi, ap i berga Sion. Yaake rah har djiveh, dikeh koy barht, hoy vell dran o foro Yerusalem.

Debleskri gili 134:3

O baro Devel, kay o bolepen oun i phoub kras, hi khere ap i berga Sion. Foun kotar mou čivell lo peskri barht ap toute!

Debleskri gili 51:19

Kova, hoy tou kameh te vell touke anlo, hi i phagedo dji. Ap i mensheste, kay rovell pral peskri doosh, dikeh tou, miro Devel, lačes.

Jesaja 60:7

I tsele bakre dran Kedar oun Nebayot venn anlo pash toute, te venn le maredo oun rhačedo o baro Debleske, te dikell lo lačes ap toute. Oun yaake krell o baro Devel peskro raylo kheer gomme shoukeder.

3. Mose 9:24

I yag djas vin o baro Deblestar, oun rhačras ko mass pre kol firhendar, koleskro tselo mass rhačedo vell, ninna kol thoulle kotya, hoy ap o Debleskri rhačepaskri čiddo his. Har kova i tsele menshe dikan, dan le i barhtyatar gole, oun čivan pen tele glan o baro Debleste ap i phoub.

Bičepangre 10:4

Koles his daar, har yob dikas les, oun penas ap leste: “Hoy kameh tou mandar, ray?” Oun kova penas ap leste: “O Devel shounas, har tou les an-mangal. Oun yob dikas ko lačepen, hoy tou kral i čorvelenge. Oun yob bistras kova gar.

Efesarja 5:2

oun djivenn an o kamlepen, yaake har o Yezous Kristo peskro kamlepen mende sikras, har yob menge meras. Oun yaake das lo peskro djipen o Debleske. Oun o Devel dikas lačes ap leste.

1. Petro 2:5

Ninna t'mer han save djide barra. T'mentsa kamell o Devel peskro kheer pre te čivell. Yob rodas t'men vin, te venn t'mer leskre rashaya, oun te venn leske koy. An t'mende das o Yezous Kristo peskro Dourho. Doleske nay sharenn o Debles yaake, har yob kova kamella.