Debleskri gili 2:4 - O Debleskro Lab 2024 (Sinte-Manouche)

⁴ O Devel, kay an o bolepen beshdo hi, sal pral lende oun lengro dinelo rakepen.

O Debleskro Drom 2021 (Sinte)

⁴ O Dewel, kai an o bolepen beshdo hi, sal pral lende un lengro dinelo rakepen.

Debleskri gili 2:4 ပူးပေါင်းရင်းမြစ်များ

2. Rajengro liil 19:21

Kava hi ko lab, hoy o baro Devel ap leste penell: Dik, har o foro Sion pral toute sal! An leskre yaka či-moldo hal. Har i terni čay o Yerusalem hi, oun kamell te djinell toutar či.

Debleskri gili 11:4

O baro Devel hi an peskro raylo baro kheer. Leskro rayeskri beshepaskri hi an o bolepen. Leskre yaka dikenna tele ap i menshende, oun yob lell len an o yak.

Debleskri gili 115:3

Maro Devel hi an o bolepen, oun yob nay krell lauter, hoy lo kamella.

Debleskri gili 123:1

I gili te givell ap o drom an Yerusalem. Ap toute dikau pre, kay tou an o bolepen khere hal.

Debleskri gili 37:13

O baro Devel sal pral leste, yob dikell leskro dives te vell.

Debleskri gili 53:5

“Kolla, kay o čilačo koova krenna, hayvenn či”, penell o Devel, – “kolla, kay mire menshen rhana har i kotar maro. Man denn le gar an-gole.”

Debleskri gili 59:8

Čilačepen vell dran lengro mouy vin. Lengre laba činenn har rhare. Yon patsenn, te shounell len kek.

Debleskri gili 59:9

Tou, mo baro Devel, tou saneh pral lende. Ava, tou saneh pral kol menshende an kol tsele vavar themma.

Debleskri gili 68:33

T'mer themma ap kay phoub, givenn o Debleske, bashrenn leske, maro rayeske!

Gosewe laba 1:26

Yaake kamau me ninna te sal, te vell i bibarht pral t'mende, ava, me sau, te vell kova, hoy darenna,

Jesaja 40:22

Yob hi kova, kay hi o ray pral i tseli phoub. Oun kolla, kay ap i phoub djivenn, hi glan leste har stepangre. Yob hi kova, kay čivas o bolepen pral i phoub har i bourhli plarhta, har te krell yek i plarhteno kheer, te nay djivell lo dren.

Jesaja 57:15

Me, o pralstouno, kay hadedo hom, oun hako tsiro djivau, oun kokres o čačo Devel hom, penau: Me djivau an o pralstunepen an miro bolepaskro kheer, oun ninna pash o mensheste, kay i phagedo oun tele-rikedo dji an leste hi, te dap pale zoor koleste, kay tele rikedo hi, oun moukap koles pre te djivell, koleskro dji phagedo hi.

Jesaja 66:1

O baro Devel penell: O bolepen hi miri rayli beshepaskri, oun i phoub i tikno banko, kay me mire herya pre čivau. Havo kheer kamenn t'mer mange pre te čivell, An havo kheer kamenn t'mer, te djivap?