Debleskri gili 19:11 - O Debleskro Lab 2024 (Sinte-Manouche)

¹¹ Leskro čačepen hi koučeder har o sonakay, har o rayleder sonakay, oun goudleder har o gvin, har o djoudjeder gvin.

O Debleskro Drom 2021 (Sinte)

¹¹ Leskro tchatchepen hi kutcheder har o sonakai, har o raileder sonakai, un gudleder har o gwin, har o djudjeder gwin.

Debleskri gili 19:11 ပူးပေါင်းရင်းမြစ်များ

2. Familjakro liil 19:10

Te venn pash t'mende t'mare phrala, kol čačepangre dran kol vavar forya, oun poučenn t'mendar, hoy te krenn le pash kava te ko čingepen, nay djal troul rat fer rat, nay djal troul o Debleskro drom oun leskre laba, kova, hoy yob t'mendar kamell, oun hoy an leskre čačepaskre laba činlo hi, palle hounte t'mer lenge penenn oun sikrenn, har kova čačo hi, te anenn le kek doosh pral pende glan o baro Debleste, oun leskri rholi pral t'mende vell oun pral t'mare phrala. Te sikrenn t'mer lende lauter mishto, anenn t'mer kek doosh ap t'mende.

Debleskri gili 119:103

Tiro lab hi har i goudlo rhapen mange, ava, goudleder har gvin hi lo.

Debleskri gili 119:11

Me rikrau tiro lab an miro dji, te anap kek doosh ap mande.

Debleskri gili 119:72

Tiro drom kamau me boudeder har boud zerya kotya sonakay oun roup.

Gosewe laba 11:18

I čilačo mensho lell peske sau koova khetne, hoy leske gar ačell. Koon an o čačepen peskri boudi krell, lell i playsepen, hoy ačell.

Gosewe laba 24:14

Yaake hi o gosvepen lačo tiro djipaske. Te hatsal les, palle hi tout i lačo djipen glan toute, oun kova vella, hoy o djiyestar kamal.

Gosewe laba 29:18

Te hi kek Debleskro rakepen koy, palle venn i menshe divyo oun bipandlo. Barhtelo hi kova, kay shounell ap o Debleskre laba.

Ezekiel 3:3

oun penas mange: Tou, mensho, rha kava liil, hoy tout dau! Oun kre tiro per pherdo leha! Oun me rhom les. Oun an miro mouy his lo goudlo har gvin.

Mateo 3:7

Ninna boud Farisarya oun Sadducarya van pash leste, te moukenn le pen lestar te taufrell. Har yob kolen dikas, penas lo ap lende: “T'mer čilače sapa! T'mer nay nashenn gar krik glan o Debleskri rholi, hoy vella pral i menshende.

Mateo 6:18

te dikenn i menshe gar, kay tou bokeh o Debleske. Oun o baro Devel, kay hi tiro dad an o bolepen, djinella, hoy tou leske kreh. Yob dikell tout, oun dell tout o lačepen pale, hoy tou leske kral.

Mateo 6:6

Tou te rakreh o Debleha, palle dja an tiri isema, klide o voudar pal toute, oun kote rake o Debleha! Oun o baro Devel, kay hi tiro dad an o bolepen, dikell tout kote. Oun yob dell o lačepen pale, hoy tou kral.

Bičepangre 20:31

Doleske denn yak! Oun rikrenn t'mare yaka pre! Triin bersha homs me pash t'mende, oun rovom hako dives oun haki rat ap t'mende, te krenn či, hoy gar mishto hi an o Debleskre yaka. Ma bistrenn kova!

1. Korintarja 4:14

Me činau t'menge kova gar, te krap t'menge ladj. Na-a! T'mer han mire kamle čave. Doleske penau t'menge kova, te ačenn ap o čačo drom.

1. Tessalonikarja 5:14

Mire phrala, kanna penah t'menge, hoy te krenn: Denn kolen trad, kay kamenn gar te boudrell! Rakrenn kolentsa mishto, kay hi dareno! Krenn kolen zoreles, kay hi gar zorelo an o patsepen! Denn kekes sik pre!

Hebrearja 11:26

O Mose kamas feteder, te lell lo ko praasepen ap peste, hoy ninna o Yezous Kristo ap peste las, har te lell lo o tselo bravlepen an o them Egiptia. Leske his o bravlepen an o bolepen boudeder moldo.

Jakobo 1:25

Koon dikell pale oun pale an o Debleskro lačo lab, hoy i menshen vin lella dran lengro phouro djipen, ko mensho bistrell gar, hoy yob dikas oun shounas. Oun kova krella, hoy ko lab penella. Koles dell o Devel peskri barht an lauter, hoy yob krella.

2. Johanni 1:8

Denn yak, te nashrenn gar kova, hoy mer t'men sikram, te vell t'men ninna ko tselo bravlepen, hoy o Devel kamell t'men te dell.

Debleskro tsiro 14:13

Oun me shounom, har i rakepen dran o bolepen penas: “Čin kova an i liil dren: Kanna oun an ko tsiro, hoy vella, hi kolla barhtele, kay merenna oun rikran zoreles pengro patsepen ap o rayeste, o Yezouseste.” “Ava,” penell o Debleskro Dourho, “lenge djal lačes, oun yon bistrenn pengri tseli phari boudi. Kova, hoy yon kran o Debleske hi gar bistedo an o bolepen.”