Debleskri gili 18:41 - O Debleskro Lab 2024 (Sinte-Manouche)

⁴¹ Tou kral, te hounte nashan le mandar. Yaake nay marom kolen, kay mange čilačepen kaman.

O Debleskro Drom 2021 (Sinte)

⁴¹ Tu kral, te hunte nashan le mandar. Jaake nai marom kolen, kai mange tchilatchepen kaman.

Debleskri gili 18:41 ပူးပေါင်းရင်းမြစ်များ

Hiob 27:9

Te vell i pharo tsiro pral leste, oun yob dell gole ap o Debleste, shounell o Devel palle? Na-a!

Debleskri gili 118:10

Boud menshe his troul mande, kay kaman mange čilačepen. An i zoor o baro Deblestar nay tradom len pale.

Debleskri gili 118:11

Haki rigyatar van le ap mande pre. An i zoor o baro Deblestar nay tradom len pale.

Debleskri gili 50:22

T'mer, kay kamenn či mandar te djinell, hayvenn, hoy penom, te vap gar oun dap t'men, oun kek hi koy, kay lell t'men vin dran miro vast.

Gosewe laba 1:28

Palle denn le pal mande gole, oun me moukau či mandar te shounell. Palle rodenn le man oun hatsenn man gar.

Jesaja 1:15

Oun te hadenn t'mer t'mare vasta pre, te mangenn man an, palle čakrau me mire yaka tele, te dikap t'men gar. Oun ninna te mangenn mandar pale te pale, me shounau t'men gar: T'mare vasta hi pherdo rat.

Jeremia 11:11

Doleske penell o baro Devel: Me anau bibarht pral lende, kolatar nay nashenn le gar krik. Yon denn pal mande gole, oun me kamau len gar te shounell.

Jeremia 14:12

Yon nay rikrenn pen pale o rhapastar, oun rovenn ap mande yaake boud har kamenn le, me shounau len gar. Ninna te rhačrenn yon mange firhen oun rhapen, dikau gar lačes ap lende. Me marau len an o kourepen, ninna i bok oun o nasslepen marenn le.

Ezekiel 8:18

Doleske djau lentsa i rholyah trouyel. Yon khaytenn man bouder gar. Oun man vell kek lačepen lenge. Ninna te denn le palle glan mire kanda pre gole, shounau me gar ap lende.

Hosea 7:14

Te denn le gole ap mande, vell kova gar dran lengro dji. Čiddo hi le ap pengro čiben oun rovenna zoreles, oun činenn pen ratles, te vell len djob oun mool. Ap mande shounenn le gar.

Micha 3:4

Doleske shounell o baro Devel gar ap t'mende ap ko dives, kay denn t'mer gole ap leste. Yob sikrell t'mende o doumo ko tselo čilačepaske, hoy kran.

Zakarie 7:13

Oun djas yaake: Yon shounan gar, hoy lenge penlo vas. Doleske kamom vitar gar te shounell, har yon gole dan, penas o baro Devel, ko ray pral o bolepen oun i phoub.

Louka 13:25

Te stell o ray pral o kheer pre oun krell o voudar pandlo, palle han t'mer vin tardo, oun t'mer denn gole: Ray, kre menge o voudar pre! Oun ko ray penella: Me prindjrau t'men gar.

Josua 10:26

Oun pal kova moukas o Yosua kol panč rayen moulo te dell, oun ap panč rouka pre te bladell. Oun yon ačan koy bis ap i rat.