Debleskri gili 18:29 - O Debleskro Lab 2024 (Sinte-Manouche)

²⁹ Miro baro Devel, tou kreh miri momeli zoreles, oun kreh miri rat yaake har vals dives.

O Debleskro Drom 2021 (Sinte)

²⁹ Miro baro Dewel, tu kreh miri momeli soreles, un kreh miri rat jaake har wals diwes.

Debleskri gili 18:29 ပူးပေါင်းရင်းမြစ်များ

2. Samuel 22:30

Ava, khetne touha nay djau me an o kourepen. Khetne miro Debleha nay stau me pral bare pre-čidde barra.

2. Samuel 5:25

Oun o David kras yaake, har o baro Devel leske penas, oun das kol Filistaryen oun tradas len pale o tselo drom dran Geba bis pash o foro Geser.

Hiob 29:3

har leskri momeli pral miro shero his, oun me yaake an i kali rat nay trouyel djom,

Debleskri gili 144:1

I gili o Davidestar. Sharedo vell o baro Devel, kay rikrell peskre vasta pral mande. Yob sikrell mange, har te kourap man. Mire vastenge sikrell lo har te dap i rhareha.

Debleskri gili 144:10

Tou kreh, te vell yek themeskro ray zorleder har ko vavar. Oun tou kreh, te vell tiro boudepaskro, o David, gar maredo o rhareha.

Debleskri gili 27:1

I gili o Davidestar. O baro Devel hi mange i momeli, oun yob hi kova, hoy man vin lella dran i vasta čilače menshendar. Kekestar hounte darap man. O baro Devel rikrell man an o djipen. Kekestar hounte trashap me.

1. Korintarja 15:10

O Devel kamas an peskro baro lačepen, te vap me kova, hoy me kanna hom. Oun leskro baro lačepen, hoy yob man das, his gar čičeske. Me boudrom boudeder har kol tsele vavar. Gar me kokres, o Debleskro lačepen an mande boudras mantsa, te krap nay koy boudi.

Kolossarja 2:15

Oun i raya oun lauter, kolen hi penepaske mashkral o bolepen oun i phoub, kolla nashran pengri zoor, har o Yezous Kristo ap o troushel meras. Kote sikras o Devel glan lauterende, kay hi o Yezous Kristo zorleder har yon.

Debleskro tsiro 3:21

Kova, kay zoreles an o patsepen ačas, oun gar pre das, kova nay beshell pes mantsa ap miro rayeskro beshepaskro, yaake har me ninna zoreles tardo homs, oun me beshom man miro dadeha ap leskro rayeskro beshepaskro.

1. Samuel 17:49

tapras an peskri possita, las i bar vin, oun čivas les an peskri vitsepaskri oun vitsras les. Oun ko bar djas o Goliateske an o shero, mashkral leskre yaka. Oun yob peras ap peskro mouy ap i phoub.

1. Samuel 23:2

Kote poučas o David o baro Deblestar: “Djap me pre ap kol Filistarya?” Oun o baro Devel penas: “Dja ap lende! Tou mareh len oun leh o foro Kehila dran lengre vasta vin.”

1. Samuel 30:8

Oun o David poučas o baro Deblestar oun penas: “Lap me kol marepangren palla? Oun taprau len me palle?” Oun o baro Devel penas ap leste: “Le len palla! Oun tou tapreh len oun leh i pandlen dran lengre vasta vin!”