Debleskri gili 18:17 - O Debleskro Lab 2024 (Sinte-Manouche)

¹⁷ Dran o bolepen tapras man tiro vast, oun tserdas man dran o baro pani vin.

O Debleskro Drom 2021 (Sinte)

¹⁷ Dran o bolepen tapras man tiro wast, un tserdas man dran o baro pani win.

Debleskri gili 18:17 ပူးပေါင်းရင်းမြစ်များ

2. Samuel 22:1

O David rakras glan o baro Debleste kol laba koy gilyatar an ko tsiro, kay o baro Devel les vin las dran i vasta lauterendar, kay kaman les te marell, ninna dran o Sauleskre vasta. Oun yob penas:

2. Samuel 22:18

Tou lal man vin dran o vast kol zorelendar, kay kaman miro merepen, ava, dran ko vast kolendar, kay his yaake rhoyedo ap mande oun boud zorleder har me.

Hiob 16:9

Leskri rholi dandras man khetne oun las man palla. Yob sikrell peskre danda, oun peskre yaka dikenn ap mande har te vans le čourya.

Debleskri gili 118:7

O baro Devel hi pash mande, te vell lo ap miri rig tardo. Yaake dikau mire yakentsa, har čivell lo kolen tel mande, kay kamenn mange čilačepen.

Debleskri gili 138:7

Ninna te hom an i daar, deh tou man nevi zoor, oun čiveh tout kolenge an o drom, kay kamenn mange čilačepen te krell. Tiri zoryah veh tou ap miri rig.

Debleskri gili 142:6

Baro Devel, ap toute dau me gole, oun penau touke: Pash toute nay khatrau man. Tou hal kova, hoy man an miro djipen hounte vell.

Debleskri gili 144:7

Rike mange tiro vast dran o bolepen! Tape man, oun le man vin dran kava baro pani, dran i vasta kol vavar menshendar!

Debleskri gili 25:19

Dik, har boud kolla hi, kay kamenn mange čilačepen, oun havi bari rholyah yon pen ap mande rhoyrenna!

Debleskri gili 35:10

Lauter, hoy an mande hi, penell: Baro Devel, koon hi yaake har tou? Tou leh o čorveles vin dran i vasta kolendar, kay zorleder hi har yob. Tou leh koles, kay bibarhtelo oun čorvelo hi, vin dran i vasta kolendar, kay čoran leskro koova.

Debleskri gili 38:19

Doleske penau touke, havo čilačo koova me krom, oun miri doosh khaytell man.

Debleskri gili 9:13

Kova, kay bistrell gar te dell lo kolen i phagi, kay lan i rateskri doosh ap pende. Yob shounell i gole oun o mangepen kolendar, kay čorvelo oun palla lino hi.

Louka 19:14

I menshe an peskro them his rhoyedo ap leste oun bičran morshen leske palla, te penenn le leske: Mer kamah gar, te vess tou baro ray pral mende!