Debleskri gili 18:15 - O Debleskro Lab 2024 (Sinte-Manouche)

¹⁵ Oun yob das yag karye dran o bolepen kate te kote, oun tradas i volke krik.

O Debleskro Drom 2021 (Sinte)

¹⁵ Un job das jag karje dran o bolepen kate te kote, un tradas i wolke krik.

Debleskri gili 18:15 ပူးပေါင်းရင်းမြစ်များ

2. Samuel 22:16

Kote vas o telstunepen tel i panya diklo, oun i telstouni phoub vas pre-čakedo, har tou, baro Devel, čingral oun trad dal an tiri rholi.

2. Rajengro liil 19:7

Me krau, te penell yek čomone ap o baro rayeste, hoy les tradell, te djal lo pale an peskro them. Oun kote krau, te vell lo maredo o rhareha.”

Hiob 36:32

An leskro vast rikrell lo koy yag, oun moukell lat kote karye te dell, kay yob kamell.

Hiob 4:9

O Devel phourdell ap lende, oun yon merenn. Leskri rholyakro dourho marell len.

Debleskri gili 104:5

Tou čival i phoub zoreles tardo, te ačell li tardo hako tsireske.

Debleskri gili 106:9

Yob čingras ap o Baro Lolo Pani. Koy djas o pani pale, oun i phoub his bouder gar sapeno. Oun yob moukas len mank o pani te djal har te vals trouk them.

Debleskri gili 144:6

Biče tiri yag, hoy ap o bolepen pral oun tele djal! De tire fayle karye ap kolende, kay ap mande djan!

Debleskri gili 74:15

Tou moukal pani te nashell, kay kek his. Oun kote, kay zorele panya nashan, hi le kanna bouder gar koy.

Debleskri gili 76:6

I zorele morsha van vi-čoredo oun meran. Oun i kourepangre lan pengre moussya gar pre.

Debleskri gili 77:18

Dran o bolepen das baro zorelo brishin. O bolepen das bari gole, oun i yag das karye ap o bolepen kate oun kote.

Debleskri gili 92:10

Mer djinah, lauter, kay tout čilačepen kamenn, hounte merenn. Oun lauter, kay čilačo koova krenna, venn krik tradedo.

2. Mose 15:8

Tou phourdal tiro dourho, oun o pani hadas pes bares pre, oun ačas tardo har i kheer, oun nashas gar bouder.

Jesaja 11:4

Na-a, yob dell i čorvelende pengro čačepen, oun vell kolenge ap i rig, kay gar an-dikle hi, te lenn yon pengro čačepen. Penell lo i zorelo lab, palle lenn i marepangre pengri phagi. Les hi i zoor, te penell ap o čilačeste: “Tou hounte meress!”

Jesaja 30:33

I rah tsiro hi i rhačepaskri platsa kerdo, dour tele djal li oun bourhles hi li. Ninna o baro rayeske hi li kerdo. Yag hi koy oun boud kashta rhačepaske. Oun o dourho o baro Deblestar phourdell zoreles koy pre, oun krell i yag, hoy lauter pre rhačrella.

Jeremia 31:37

O baro Devel penell: Yaake har penell nay kek, har baro o bolepen hi, oun kek nay penell, hoy an i telstouni phoub hi, yaake nay vitsrau me gar i Israelitaryen mandar koleske lautereske, hoy yon kran.

Jona 2:6

O pani djas mange bis ap i meen. O telstunepen his troul mande, oun o panyeskro khass pandas pes troul miro shero.

Micha 6:2

Shounenn t'mer phoure berge, ap kolende i phoub tardo hi! Denn yak, hoy hounte penell o baro Devel peskre menshenge. Yob rakrell o čačepen vin pral peskre menshende, oun penell i Israelenge, kay kova, hoy le kran, gar mishto hi.

Zakarie 9:14

O baro Devel moukell pes te dikell pral peskre menshende, [te rikrell lo peskre vasta pral lende]. Leskro faylo djal sik har o bolepaskri yag. O baro Devel, maro ray, moukell an i bari phourdepaskri te phourdell. Yob djal an o zorelo dourho, hoy vell kotar, kay o kham pralstounes tardo hi.

1. Samuel 7:10

Oun har yob gomme o bakres rhačras, van i Filistarya te kourenn le pen i Israelentsa. Oun o baro Devel moukas o bolepen bari gole te dell pral lende ap ko dives, yaake te tapras kol Filistaryen i bari daar, oun yon nashan penge glan i Israelitarya.