Debleskri gili 18:14 - O Debleskro Lab 2024 (Sinte-Manouche)

¹⁴ Oun o baro Devel moukas o bolepen bari gole te dell, ava, o Devel pral halauter moukas pes te shounell bari golyah.

O Debleskro Drom 2021 (Sinte)

¹⁴ Un o baro Dewel mukas o bolepen bari gole te dell, awa, o Dewel pral halauter mukas pes te shunell bari goljah.

Debleskri gili 18:14 ပူးပေါင်းရင်းမြစ်များ

Hiob 37:4

Pal kova vell koy bari zoreli gole shounlo, hoy hi har o baro Debleskro rakepen. Oun yob rikrell peskri yag gar pale, te moukell lo peskro rakepen te shounell.

Hiob 37:5

Te moukell o Devel peskro rakepen te shounell, krell lo kova savi bari golyah, te ačell menge o rakepen krik. Yob krell baro koova, hoy nay hayvah mer gar.

Hiob 38:35

Bičreh tou o bolepaskri yag tele ap i phoub, oun poučell koya toutar: Kay kameh, te dap pre te tele karye?

Hiob 6:4

Mange djal yaake, har te dals o zorelo Devel karye ap mande, oun leskre fayle vans an mande, hoy anenn mange o merepen. Kova, hoy moukell o Devel ap mande te vell, krell man i bari daar.

Debleskri gili 144:6

Biče tiri yag, hoy ap o bolepen pral oun tele djal! De tire fayle karye ap kolende, kay ap mande djan!

Debleskri gili 21:12

Yon van khetne oun rakran, har nay krenn le touke čilačepen. Či, hoy kamenn le touha te krell, djal lenge mishto.

Debleskri gili 29:3

O baro Debleskro rakepen vell shounlo pral i panya. Te dell o zorelo Devel gole, hi kova har koy bari gole, hoy dell o bolepen, te dell baro brishin. O baro Devel hi o ray pral i tsele bare panya.

Debleskri gili 29:7

Te rakrell o baro Devel, dell yag karye dran o bolepen.

Debleskri gili 77:17

I bare panya dikan tout, mo Devel. Har dikan le tout, tapras len i daar, oun yon trissan. Ninna an o telstunepen vas o pani divyo.

Debleskri gili 77:18

Dran o bolepen das baro zorelo brishin. O bolepen das bari gole, oun i yag das karye ap o bolepen kate oun kote.

Jesaja 30:30

Palle moukell o baro Devel peskri bari zoreli gole te shounell, oun i menshe dikenna, har leskri moussi tele dell an i rholi. Kote hi yag, hoy troul peste rhal, oun baro zorelo brishin, oun i zorelo phourdepen oun brishineskre barra.

Joel 2:11

O baro Devel dell bari gole glan peskre kourepangre, te penell lo len, hoy te krenn le. Boud boud hi le oun len hi bari zoor, oun krenn, hoy lo lenge penell. Ava, o dives o baro Deblestar hi baro oun pherdi traash. Koon nay rikrell les vin?

Habakuk 3:11

Oun o čon ačas tardo, har dal tire fayle karye. Tiri sasterno vitsepaskro čouri vas diklo har i yag.

4. Mose 24:8

O baro Devel anas len vin dran o them Egiptia, oun kourell pes lenge har i divyo gouroum. Yon rhan kol menshen, kay len palla lenna, oun denn lengre kokale paash, oun denn len moulo karye.

5. Mose 32:23

Pale te pale anau me bibarht pral lende; me dau mire tsele fayle karye an lende.

5. Mose 32:42

Kol fayle, kolentsa karye dau, lendar perell o rat tele – ko rat kolendar, kay me moulo dau, ninna kol pandlendar. Miro rharo rhal o mass kolendar, kay kouran pen mantsa, oun dell lengre sherya paash.

Josua 10:10

Oun o baro Devel kras len yaake dareno, te nay maran len i Israelitarya phares pash o foro Gibeon. Oun yon lan len palla ap ko drom tele pash o foro Bet-Horon, oun maran len bis pash i forya Aseka oun Makkeda.

1. Samuel 2:10

Kolla, kay čingrenn ap baro Debleste, venn moulo dino. Dran o bolepen bičrell o Devel peskri rholi pral lende. O baro Devel dell i tseli phoubyat peskri phagi. Yob rodell koles vin, kay baro ray vell, oun dell les bari zoor.