Debleskri gili 17:8 - O Debleskro Lab 2024 (Sinte-Manouche)

⁸ Rike tiro vast pral mande, yaake har te voms tiri yak. Khate man yaake har i čirklo peskre čaven tel peskre moussya khatrell!

O Debleskro Drom 2021 (Sinte)

⁸ Rike tiro wast pral mande, jaake har te woms tiri jak. Khate man jaake har i tchirklo peskre tchawen tel peskre mussja khatrell!

Debleskri gili 17:8 ပူးပေါင်းရင်းမြစ်များ

Debleskri gili 16:1

I gili o Davidestar. Rike tiro vast pral mande, miro Devel! Me čivau miro tselo patsepen ap toute.

Debleskri gili 36:7

Tiro čačepen djal yaake pre har i bare berge. Oun i čače laba, hoy tou vin rakreh, djan dour tele har o baro pani. Baro Devel, tou deh i menshen oun i firhen kova, hoy len hounte vell.

Debleskri gili 36:8

Har raylo hi tiro lačepen, miro Devel! I menshe venn pash toute, te rikress tire vasta pral lende, har i čirklo rikrell peskre moussya pral peskre terne.

Debleskri gili 57:1

I gili o rayeske pral o gipangre, te givell har koy gili Ma mare men. O David činas kay gili an ko tsiro, har yob glan o Saul ap o naashepen his, oun pes an koy grotta khatras.

Debleskri gili 57:2

Kre tiro dji mange pre, miro Devel! Kre tiro dji mange pre! Pash toute vau, te khatrap man. An tire moussya nashau, bis te kay bibarht krik djas.

Debleskri gili 61:4

Pash toute nay khatrau man. Ava, har i baro zorelo kheer val tou mange, kay me man khatrau glan kolende, kay man palla lenn.

Debleskri gili 61:5

Mouk man an tiro kheer te djivell hako tsiro, tel tire moussya man te khatrell, har i tikno čirklo khatrell pes tel peskri dakre moussya.

Debleskri gili 63:7

Me te hom ap o čiben čiddo, veh tou mange an o shero. An i rat, kay me sovau gar, rakrau touha an miro dji.

Debleskri gili 91:1

Kova, kay beshell tel o vast o Deblestar, ko pralstunestar, oun ačell pash leste, ko zorelo Debleste,

Debleskri gili 91:4

Har i karhni peskre ternen tel leskre moussya khatrell, yaake khatrell o Devel tout tel leskre zorele moussya. Kote nay djal touke či. Yob rikrell tout yaake har lo penas. Doleske nay vell kek čilačepen ap toute.

Gosewe laba 7:2

Rike mire laba oun tou djiveh, de yak ap lende har ap tiro yak!

Zakarie 2:8

Oun o ersto penas ap o vavareste: “Naash oun pen ko terno morsheske i doryah: An o foro Yerusalem venn yaake boud menshe oun firhe, te nay venn kek massurya troul leste.

Mateo 23:37

T'mer menshe an o foro Yerusalem! T'mer maran o Debleskre rakepangren, oun dan kolen i barrentsa moulo, kay o Devel pash t'mende bičras. Boud kope kamom t'men pash mande te lell, te dap garda ap t'mende, har i karhni ap peskre terne garda della, oun lell len tel peskre phora. Oun t'mer kaman gar.

Louka 13:34

“T'mer menshe an o foro Yerusalem! T'mer maran o Debleskre rakepangren, oun dan kolen i barrentsa moulo, kay o Devel pash t'mende bičras. Boud kope kamom t'men pash mande te lell, te dap garda ap t'mende, har i karhni ap peskre ternende garda della, oun lell len tel peskre phora. Oun t'mer kaman gar.

5. Mose 32:10

Yob hatsas i Israelitaryen an o moulo them, kote kay či bares vell. Oun yob rikras peskre vasta pral lende, oun das kote yak ap lende, yaake har yob ap peste kokres yak dals.

Ruth 2:12

O baro Devel mou dell tout ko lačepen pale, hoy tou lake kral! Yob, o baro Devel, ko Devel pral o Israel, pash koleste tou val, oun tel koleskro vast tout khatral, yob te dell tout i shoukar bravlepen halautereske, hoy kral.”