Debleskri gili 17:7 - O Debleskro Lab 2024 (Sinte-Manouche)

⁷ Sike tiro lačepen, tou, kay leh kolen dran i čilače vasta vin, kay pen pash toute khatrenna,

O Debleskro Drom 2021 (Sinte)

⁷ Sike tiro latchepen, tu, kai leh kolen dran i tchilatche wasta win, kai pen pash tute khatrenna,

Debleskri gili 17:7 ပူးပေါင်းရင်းမြစ်များ

2. Rajengro liil 19:22

Koon hi kova, pral koleste čilače laba rakral? Oun kones tire labentsa praasal? I pre-phourdo hal, oun ap mande tele dikal, pral o Israeleskro Debleste tout hadal!

2. Rajengro liil 19:34

“Me rikrau mire vasta pral kava foro, oun me lau les vin dran i čilače vasta. Kova krau me mange kokres, oun o Davideske, kay miro boudepaskro his.”

2. Familjakro liil 16:9

O baro Debleskre yaka dikenn an i tsele themma, te dell lo zoor kolenge, kay rikrenn pen pengro tselo djiyeha ap leste. Tou rikral tout dineles an kava koova. Doleske vell foun kava tsiro kourepen pral toute.”

Debleskri gili 20:6

Palle kamah mer te givell i barhtyatar. Oun sharah maro Debles oun hidjrah o themeskri plarhta, te sikras, kay yob tout zoreles kras pral kolende, kay kouran pen touha. O baro Devel mou dell tout lauter, hoy tou lestar mangeh!

Debleskri gili 31:21

Tou khatreh len pash toute kol menshendar, kay čivenn pen khetne, te krenn le lenge čilačepen. Tou moukeh kek praasepen pral lende te vell.

Debleskri gili 31:22

Baro Devel, parkrau man pash toute. Tou sikral tiro baro lačepen ap mande, har homs har i foro, troul koleste boud lourde tarde his.

Debleskri gili 44:3

Tou tradal tiro vasteha i vavar menshen vin dran lengro them, oun dal ko them mare phourende. Kol vavar menshen dal tou paash, te nay djivan mare phoure an ko them.

Debleskri gili 60:5

Tou moukal tire menshen pharo koova te dikell. Tou dal men savi mool te piyell, te vam mato.

Debleskri gili 78:12

Glan lengre phourende kras yob baro zorelo koova an o them Egiptia, pash o foro Soan.

2. Mose 15:6

Tou, mo baro Devel, har zorelo hi tiro čačo vast! Tou, baro Devel, tiro čačo vasteha dal tou kolen an kotya, kay kouran pen touha.

Jesaja 41:10

Ma dare! Me hom touha! Ma dik darenes! Me hom tiro Devel! Me krau tout zoreles, me vau ap tiri rig, ava, me rikrau tout miri čači moussyah, hoy krell tout zorleder har i vavar.

Bičepangre 2:33

Oun o Devel kras les ray pral halauter, oun čivas o Debleskro Dourho ap leste, yaake har yob penas. Oun ko Debleskro Dourhes čivas o Yezous ninna ap mende. Kava shounenn oun dikenn t'mer kate.

Debleskro tsiro 15:3

Oun yon givan koy gili, hoy o Debleskro boudepaskro, o Mose, givas. Yon givan lat o terno bakreske, oun penan: Baro oun shoukar hi halauter, hoy tou kral, maro ray, tou zorelo Devel! Mishto oun čačo hi tire dromma, baro ray pral i tsele themma!