Debleskri gili 17:3 - O Debleskro Lab 2024 (Sinte-Manouche)

³ Tou djineh, hoy mange an o shero djal. Ninna an i rati dikal palla, har an miro dji vi-dikella, oun hatsal či an mande, hoy gar mishto hi. Ninna kek čilačo lab vas dran miro mouy vin.

O Debleskro Drom 2021 (Sinte)

³ Tu djineh, hoi mange an o shero djal. Ninna an i rati dikal palla, har an miro dji wi-dikella, un hatsal tchi an mande, hoi gar mishto hi. Ninna kek tchilatcho lab was dran miro mui win.

Debleskri gili 17:3 ပူးပေါင်းရင်းမြစ်များ

1. Familjakro liil 28:9

Oun tou, miro čavo Salomo, pats ap o Debleste tiro dadestar, te vell yob tiro Devel. Kre tiro tselo djiyeha, hoy lo touke penell! Yob dikell an i menshengre djia, oun hayvell, hoy an lengre sherya trouyel djal. Te rodeh les, hatseh les. Te moukeh les, čivell lo tout pale hako tsireske.

1. Familjakro liil 29:17

Miro Devel, djinau, te dikeh an o dji. Oun touke hi mishto, te hi i menshes i čačo dji. Doleske dom tout kava lauter mandar dran i čačo dji, oun hom barhtelo te dikau, kay tire menshe, kay kate glan touke tardo hi, toute ninna lauter pendar vin dan.

Hiob 23:10

Yob djinell havo drom me djau. Dikals lo palla, har djivau, hatsals lo vin, te hom djoudjo har sonakay.

Hiob 24:14

Glan te djal o kham pre, stell o marepaskro pre oun marell o čorveles, koles či hi. Oun rati djal o marepaskro trouyel, te čorell lo.

Debleskri gili 11:5

Yob rodell an i djia i lačendar oun i čilačendar. Koon o čilačepen kamell, ap koleste hi lo peskro tselo djiyeha rhoyedo.

Debleskri gili 119:106

Me dom man sovel, oun me kamau lat te rikrell: Kamau te djap pal tire čačepaskre laba.

Debleskri gili 139:1

I gili o rayeske pral i gipangre. Kay gili kras o David. Baro Devel, tou dikeh an miro dji oun prindjreh man mishto.

Debleskri gili 139:23

Dik an miro dji, miro Devel, oun dik, hoy lauter koy dren hi! Oun le man an o yak, oun dik, hoy mange an o shero trouyel djala!

Debleskri gili 16:7

Me sharau o baro Debles, kay mange penell, hoy hounte krap. Ninna an i rat rakrell miro dji mantsa, te bistrap gar, hoy yob kamella.

Debleskri gili 26:2

Le man an i yak, baro Devel! Dik palla, hoy an miro dji hi, oun hoy mange an o shero trouyel djal!

Debleskri gili 39:1

I gili o rayeske pral i gipangre, o Yedoutoun. O David kras kay gili.

Debleskri gili 66:10

Tou, maro Devel, kamal te dikell, har maro dji ap toute rikrell. Doleske kral tou mentsa har o roupeha, hoy an yag thodo vell, te vell lo djoudjo.

Debleskri gili 7:4

Baro Devel, tou hal miro Devel, me te krom savo koova, hoy penan le, oun te hi doosh ap mande,

Gosewe laba 13:3

Kova kay ap peskro rakepen yak dell, kova dell yak ap peskro djipen. Koles i baro mouy hi, kova tserdell bibarht ap peste.

Jeremia 12:3

Baro Devel, tou dikeh oun prindjreh man, oun djineh, kay miro dji hako tsiro pash toute his. Kol vavaren tserde krik har bakre krik tserdedo venn, te venn yon maredo! Oun čip len ap i rig, te venn yon moulo dino!

Jeremia 50:20

An ko tsiro oun an kol divessa vell koy doosh rodedo, hoy o Israel oun o Youda ap pende anan. Oun kote vell kek doosh hatslo. Me lau lat kolendar krik, kay moukom pral ačell. Kova penau me, o baro Devel.

Hosea 7:6

An ko tsiro, kay lenn le penge čilačo koova glan, hi lengro dji tato har i bob. I tseli rati sovell lengri rholi, taysarlake rhačell li pre har i bari yag.

Micha 2:1

Havi bibarht vell pral kolende, kay hi čiddo ap pengro čiben, oun an lengro shero djal čilačo koova trouyel, hoy kamenn le te krell. Yaake sik har o kham pre djal, krenn le, hoy le pen glan lan. Len hi i zoor, te krenn le, hoy le kamenn.

Zakarie 13:9

Oun kolenge, kay pral ačenn, venn phare tsirya, kay hounte djan le dren, te venn le djoudjo kerdo, yaake har roup oun sonakay djoudjo kerdo vell an i yag. Palle denn le ap mande gole, oun me shounau len. Me penau: Yon hi mire menshe. Oun yon penenn: Tou baro Devel, hal maro Devel.”

Maleachi 3:2

Koon t'mendar nay rikrell ko dives vin, yob te vella? Oun koon t'mendar nay ačell glan leste tardo, yob te moukell pes te dikell? Yob hi har i zoreli sapouni oun har i yag, hoy rhačell i čik an o saster krik.

Bičepangre 11:23

Har yob koy his oun dikas, hoy o Devel an peskro baro lačepen kote lauter kras, vas lo barhtelo oun mangas len, te ačenn le pengro tselo djiyeha pash o Yezouseste.

Bičepangre 16:9

Koy dikas o Paulo an i souni i morshes dran o them Macedonia. Kova mangas les oun penas: “Am vergel an o them Macedonia, oun pen menge o Debleskro lab!”

1. Korintarja 4:4

Me djinau gar, te anom doosh ap mande. Ninna te djinom kova gar, krell man kova gar čačo glan o Debleste. Kova, kay o čačepen pral mande vi-rakrella, hi kokres maro ray Yezous.

2. Korintarja 1:12

Maro dji penell menge, mer djivam maro djipen čačes oun djoudjes, yaake har o Devel kamella. Doleske nay sharah men. Mer rakram pral o Debleskro lačepen oun penam či, hoy vella dran maro menshengro gosvepen. T'mer djinenna, yaake djivam gar kokres mank i vavar menshende, na-a, ninna pash t'mende.

Jakobo 3:2

Mer halauter krah boud kope, hoy gar mishto hi. Koon rakrell an kek tsiro čilačo koova, kova hi i lačo mensho, kay nay rikrell pes khetne.

1. Petro 1:7

Kova vella pral t'mende, te vell t'maro patsepen zorelo. Yaake har o sonakay an i yag djoudjo oun kouč kerdo vella, yaake hounte vell t'maro patsepen ninna djoudjo oun kouč kerdo. T'maro patsepen hi boudeder moldo har o sonakay, hoy ačell gar. Te ačell t'maro patsepen zorelo, palle sharell t'men o Devel oun krell t'men bares oun rayles ap ko dives, kay vell o Yezous Kristo pale.

1. Samuel 24:10

oun penas ap o Saul: “Hoske shouneh tou ap i laba kol menshendar, kay touke penenna: O David rodella tiri bibarht?

1. Samuel 24:12

Miro dad, dik kava kotar dran tiri baya an miro vast! Me činom les dran tiri baya tele, oun dom tout gar moulo. Ap kova nay dikeh oun hayveh, te hom kek phoukepaskro oun kamau tout kek čilačepen te krell. Tou leh man palla te dess man moulo, ninna te krom touke či.

1. Samuel 26:11

O baro Devel mou rikrell man pale, te taprap me koles an, kones yob peske vin rodas. Le kanna leskro vitsepaskro čouri, hoy pash leskro shero an i phoub dino hi, oun leskro panyeskro khoro, te djas mer menge!”

1. Samuel 26:23

O baro Devel dell lačepen hakeneste, kay ap leste rikrella, oun an o čačepen djivella. Kava dives das lo tout an miro vast, oun me kamom tout gar te doukrell – tout, ko vi-rodedes o baro Deblestar.