Debleskri gili 17:15 - O Debleskro Lab 2024 (Sinte-Manouche)

¹⁵ Me krom, hoy čačo hi. Doleske nay dikau tout. Te djangrau pre, dikau me tout oun hom čalo i barhtyatar.

O Debleskro Drom 2021 (Sinte)

¹⁵ Me krom, hoi tchatcho hi. Doleske nai dikau tut. Te djangrau pre, dikau me tut un hom tchalo i bachtjatar.

Debleskri gili 17:15 ပူးပေါင်းရင်းမြစ်များ

Hiob 14:12

Yaake hi ko mensho, kay čivell pes tele oun merell. Yob stell gar bouder pre. Yaake rah har o bolepen koy hi, vell lo bouder gar djangelo, oun kek djangrell les pre dran peskro sopen.

Debleskri gili 11:7

O baro Devel hi an o čačepen tardo, oun kamell hakenes, kay o čačepen krella. Koon ap leste shounella peskro tselo djiyeha, kova dikell les peskre yakentsa.

Debleskri gili 119:111

Tire laba, hoy menge sikrenn, har te djivas, hi mange kouč oun ačenna mange hako tsiro. Ava, yon hi kolla, hoy miro dji barhteles krenn.

Debleskri gili 16:11

Tou sikreh o drom, kay an o djipen anell. Pash toute hom barhtelo. Te hom kote, kay tou hal, bashrell miro dji hako tsiro.

Debleskri gili 49:14

Dikenn har kolenge djala, kay hi yaake dinelo oun kamenn pengro rakepen te shounell!

Debleskri gili 5:7

Tou mareh kolen, kay o rhorhepen rakrenna. Praasedo hi glan o baro Debleste kolla, kolen doosh ap o rat i vavarendar hi, oun kay i vavaren rhorhenn.

Debleskri gili 65:4

Ko čilačepen, hoy krom, hi phares ap mande čiddo. Tou hal kova, kay i doosh krik lell.

Jesaja 26:19

Baro Devel, mouk tire moulen djides te vell! Mouk len pre te stell! T'mer, kay van paskedo, stenn pre dran o sopen oun denn gole i barhtyatar! Tou, baro Devel, hal har brishin, hoy dell djipen ap i phoub. Doleske dell i phoub i moulen pale vin.

Jeremia 31:26

Har djangrom oun krom mire yaka pre, hayvom, kay miro sopen shoukar his.

4. Mose 12:8

Yaake har rakrell i mensho i vavareha, rakrau me leha, an laba, kay lo mishto hayvella oun gar an parmisse. Oun yob dikell man, o baro Debles, har hom. Hoske his t'men kek traash, te rakrenn djoungeles pral o Mose, koles miro čačo vast hi?”

Mateo 5:6

Barhtele hi kolla, kay kanna pal o čačepen bokenna oun troushenna. O Devel krell len čalo.

2. Korintarja 3:18

Mer lauter, kay patslo ham, dikah o Debleskro raylepen yaake mishto, har te dikah an i dikepaskri. Kek diklo hi ap mare yaka čiddo. Oun har mer dikah ap leste, vah mer boud oun boudeder yaake, har yob hi. Kova krell o Debleskro Dourho an mende.

Filiparja 3:21

Kanna ham menshe, kay hounte merenna. Yob krell dran mende neve menshe, kay venn yaake har yob, oun merah bouder gar. Yaake zorelo hi lo. Les hi koy zoor, te krell lo lauter, hoy yob kamella.

Josua 24:15

Hi t'menge gar mishto an t'mare yaka, te mangenn o baro Debles an, palle rodenn kava dives kate vin, kones t'mer kamenn an-te-mangell: Kol deblen, kolen t'mare phoure an-mangan, har yon gomme ap i vavar rig o lengsto panyestar his, oder kol rhorhene deblen, kolen i Amorarya an-mangenn, an kolengro them t'mer kanna djivenn. Me oun miro kheer, mer kamah o baro Debles an-te-mangell.”

Debleskro tsiro 21:23

Pral o foro hi bouder kek kham oun kek čon. O Debleskro raylepen hi har o kham, oun o terno bakro hi i momeli o foreske.