Debleskri gili 16:10 - O Debleskro Lab 2024 (Sinte-Manouche)

¹⁰ Tou moukeh man gar an o merepen, oun kameh gar, te merell miro mass tele an i phoub.

O Debleskro Drom 2021 (Sinte)

¹⁰ Tu mukeh man gar an o merepen, un kameh gar, te merell miro mass tele an i phub.

Debleskri gili 16:10 ပူးပေါင်းရင်းမြစ်များ

Hiob 11:8

O Debleskro gosvepen hi doureder har o bolepen hi, oun doureder tele har o moulengro them. Kova hi bareder har i phoub oun bourhleder har o baro pani. Tou nay hayveh oun djineh gar halauter!

Debleskri gili 139:8

Te djoms an o bolepen pre, palle hal tou koy. Te čivoms man pash i moulende, ninna kote vals tou koy.

Debleskri gili 49:15

Har bakre djan le an o moulengro them. Lengro bakrengro, kay anell len ap o drom, hi o merepen. Sik vell ko dives, kay venn o Debleskre menshe i raya pral kolende, kolengro mass tele merell an i phoub, kay hounte ačenn le pash i moulende.

Debleskri gili 9:17

O baro Devel sikras, koon yob hi, oun das i čilačende pengri phagi. I čilače pandan pen an koy netsa, hoy yon pengre vastentsa kran.

Gosewe laba 15:11

O baro Devel djinell, hoy hi an o telstunepen oun an o moulengro them. Har boud boudeder djinell yob, hoy an i menshengre djia hi.

Gosewe laba 27:20

O moulengro them vell gar čalo. Yaake hi ninna i menshengre yaka: Yon lenn gar doha.

Jesaja 14:9

O tselo moulengro them hi ap i herya oun djinell, te veh. I moulen moukenn le gar te sovell, tou te veh. Kolla, kay bare raya his ap i phoub, ava, i raya pral boud menshende, stenn pre foun pengre rayengre beshepangre.

Jesaja 5:14

O moulengro them bokell pal lende oun kras peskro mouy dour pre, oun peskri meen yaake dour har djal, oun rhal i bravelen oun kol vavaren, kay i barhtyatar gole dan oun khelan.

Daniel 9:24

Efta kope efta-deesh (70) bersha hi ko tsiro, hoy o Devel peske glan čivas, te vell o čilačepen oun i doosh krik lino tire menshendar oun dran o Debleskro foro. Palle vell i phagi krik lino oun ko čačepen vell, hoy hako tsiro ačella. Oun kova, hoy an o dikepen diklo vas, vell čačo, ninna kova, hoy o Debleskre rakepangre glan-vi penan. Oun o Debleskro kheer vell pale neves o Debleste dino.

3. Mose 19:28

Ma činenn t'men an t'maro mass, te meras yek. Kek sikepen krenn ap t'mende! Me hom o baro Devel.

Amos 9:2

Ninna te paskrenn le pen tele pash i moulende, lau len kotar pre. Ninna te djan le pre bis pash o bolepen, anau len tele.

4. Mose 6:6

An ko tselo tsiro, kay das yob pes an o baro Debleskro vast, hounte djal yob gar pash yekeste, kay meras.

Louka 1:35

O bolepaskro penas ap late: “O Debleskro Dourho oun leskri zoor vell pral toute. Doleske vell o ternepen o Deblestar oun vell Debleskro čavo kharedo.

Louka 16:23

Har yob kanna an o moulengro them his, van bare douka ap leste. Oun yob dikas pre, oun dikas o Abrahames doural, oun o Lazaro his pash leste beshdo.

Louka 4:34

“Ah! Hoy kameh tou mendar, Yezous dran Nazaret? Val tou, te maress men? Me djinau, koon tou hal: Tou hal o Debleskro morsh, koles o Devel bičras.”

1. Korintarja 15:42

Yaake hi ninna, te stenn i moule pre. Kova, hoy an i phoub čiddo vella, ferdjala. Kova, kay i moulendar pre stella, merell bouder gar.

5. Mose 32:22

Miri rholi rhačell pre har i yag, oun rhačrell i tseli phoub, oun halauter, hoy ap late bares vas, oun rhačell tele bis an o telstunepen, oun vell bis tele pash i berge.

Debleskro tsiro 1:18

Me hom o djido. Oun me homs moulo, oun kanna hom djido oun djivau hako tsireske. Man hi i zoor pral o merepen. Oun man hi o klidepaskro an o moulengro them.

Debleskro tsiro 20:13

Oun o baro pani das peskre moulen vin, kay an leste hi. Oun o merepen oun o moulengro them dan pengre moulen vin, kay an lende hi. Oun pral lende vas o čačepen vi-rakedo yaake, har hakeno djivas ap i phoub.