Debleskri gili 150:3 - O Debleskro Lab 2024 (Sinte-Manouche)

³ Sharenn les o bashepah ap i bare phourdepangre! Sharenn les o bashepah ap i doryengre bashepangre!

O Debleskro Drom 2021 (Sinte)

³ Sharenn les o bashepah ap i bare phurdepangre! Sharenn les o bashepah ap i dorjengre bashepangre!

Debleskri gili 150:3 ပူးပေါင်းရင်းမြစ်များ

2. Samuel 6:15

O David oun i tsele menshe dran Israel anan o baro Debleskro morhton pral an o foro Yerusalem, oun dan gole i barhtyatar oun bashran ap i phourdepangre.

2. Samuel 6:5

Oun o David oun i tsele menshe an Israel khelan barhteles glan o baro Debleste, givan gilya, oun kran bashepen ap doryengre bashepangre, ap tikne pauke oun ap vavar bashepangre.

1. Familjakro liil 15:20

Oun kolla, kay bashrenn ap i harfa, his o Zakarie, o Yaasiel, o Semiramot, o Yehiel, o Ounni, o Eliab, o Maasseya, oun o Benaya.

1. Familjakro liil 15:24

Glan o morhton djan i rashaya: o Aba, o Shebanya, o Yosafat, o Netanel, o Amasay, o Zakarie, o Benaya, oun o Eliyeser. Yon phourdan an bare phourdepangre. Oun o Obed-Edom oun o Yehiya djan pal o morhton oun dan yak ap leste.

1. Familjakro liil 15:28

Yaake anan i tsele Israelitarya o morhton o baro Debleskre deesh labentsa pral an Yerusalem. Yon dan gole i barhtyatar, givan oun bashran ap phourdepangre, doryengre bashepangre oun vavar bashepangre.

1. Familjakro liil 16:42

Yon sharan o Debles pengro bashepah, oun bashran ap i phourdepangre oun doryengre bashepangre oun vavar bashepangre. I čaven o morshestar Yedoutoun das o David koy boudi, te denn le garda ap i voudya.

1. Familjakro liil 25:1

Oun o David khetne i pralstunentsa pral i lourdende, rodas i gipangre oun bashepangre vin, te givenn le Debleskre gilya, bashrenn ap doryengre bashepangre, oun denn ap sasterne patria. Kolla van dran i khera Asaf, Heman oun Yedoutoun.

2. Familjakro liil 20:28

Oun yon van an o foro Yerusalem dren, oun bashran ap i cimbale, harfe oun phourdepangre. Yaake van le glan o baro Debleskro kheer.

Debleskri gili 108:2

Miro Devel, miro dji hi pale zorelo. Me kamau touke te givell oun te bashrell, ava, kova kamau me.

Debleskri gili 149:3

Sharenn leskro lab an t'maro khelepen! Bashrenn leske ap i pauka oun i harfa!

Debleskri gili 33:2

Parkrenn t'men pash o baro Debleste, oun bashrenn leske ap doryengre bashepangre! Givenn leske gilya, oun bashrenn leske ap i bashepaskri i deesh doryentsa!

Debleskri gili 92:3

te rakrau pral tiro lačepen taysarlakro, oun pral tiro čačepen an i rat,

Daniel 3:5

Te shounenn t'mer o bashepen ap i phourdepangre, ap i doryengre bashepangre oun ap i tsele vavar bashepangre, palle hounte vitsrenn t'men tele glan koy sonakaskri figura, hoy moukas o baro ray Neboukadnezar pre te čivell.

4. Mose 10:10

Phourdenn ninna an i phourdepangre ap kol bare divessa, kay han t'mer barhtelo, oun ap ko dives, kay vell i nevo čon, oun kay t'mer o baro Debleske firhen anenn, save, hoy t'mer leske tseles rhačrenna oun save, hoy rhan t'mer glan leste khetne. Palle venn t'mer mange, t'maro Debleske, an o shero. Me hom t'maro baro Devel.