Debleskri gili 148:8 - O Debleskro Lab 2024 (Sinte-Manouche)

⁸ yag, brishineskre barra, gib oun yagakro dourho, oun o zorelo phourdepen, hoy krell, hoy yob penell.

O Debleskro Drom 2021 (Sinte)

⁸ jag, brishineskre barra, gib un jagakro ducho, un o sorelo phurdepen, hoi krell, hoi job penell.

Debleskri gili 148:8 ပူးပေါင်းရင်းမြစ်များ

1. Mose 19:24

Koy moukas o baro Devel yag oun yagakri khand pral i forya Sodom oun Gomorra te perell dran o bolepen.

Hiob 37:12

Kol volke djan kate te kote, yaake har yob len bičrell, te krenn le halauter yaake, har yob les kamell ap i tseli phoub.

Debleskri gili 103:20

Sharenn o baro Debles, t'mer bolepangre, kay han leskre zorele kourepangre, oun krenn, hoy yob penell, oun shounenn ap leskre laba!

Debleskri gili 18:12

Kali rat his leskro ripen, An kalo pani oun pesse volke his lo khatedo.

2. Mose 10:13

Oun o Mose hadas peskro kasht pral o them Egiptia. Kote moukas o baro Devel ko tselo dives oun i tseli rat yek zorelo dourho pral o them te phourdell, hoy vas katar, kay o kham pre djal. Oun taysarlakro phourdas ko dourho i stepangre an o them.

2. Mose 10:19

Oun o baro Devel kras, te phourdas ko baro dourho kanna zoreles katar, kay o kham tele djal. Oun ko dourho hadas i stepangre pre oun vitsras len an o baro pani, hoy kharella Baro Lolo Pani. An o tselo them Egiptia ačas kek stepaskro pral.

2. Mose 14:21

Oun o Mose hadas peskro vast pral o baro pani. Oun o baro Devel moukas i baro zorelo dourho pral o pani te phourdell, hoy vas kotar, kay o kham pre djal. Ko dourho phourdas i tseli rat. Oun o baro pani djas pale. Kote, kay pani his, hi kanna phoub, hoy gar sapenes hi. Oun o baro pani kras pes pre, te vas i drom.

Jesaja 66:16

I yagah oun peskro rhareha krell o baro Devel o čačepen vin pral i tsele menshende, oun boud lendar venn yaake maredo.

3. Mose 10:2

Kote djas yag o baro Deblestar vin, oun rhačras len pre. Yon meran kote glan o baro Debleste.

Amos 4:13

O Devel hi kova, kay kras i berge, oun moukell o phourdepen pral i phoub te djal. Yob sikrell i menshende, hoy kamell lo te krell. Yob moukell o kham pre oun tele te djal. Yob hi o ray pral i tseli phoub. Leskro lab hi: Baro Devel, ray pral o bolepen oun i phoub.

Amos 7:4

Palle moukas man o baro Devel, maro ray, i vavar dikepen te dikell: Yob das i baro tatepen gole, te dell lo i menshen i phagi. Oun o tatepen rhas o baro pani pre, hoy tel i phoub hi, oun kamas o them pre te rhačrell.

Jona 1:4

Kote moukas o baro Devel i zorelo phourdepen pral o baro pani te vell, hoy yaake zorelo his, te kamas ko shiffo khetne te phagell.

Jona 1:5

Oun i bari traash vas ap kol tsele morshende, kay ap ko shiffo boudran. Oun yon dan i bari gole hakeno ap peskro debleste. Oun yon vitsran ko koova, hoy ap ko shiffo čiddo his, an o baro pani, te vell ko shiffo bouder gar yaake pharo. Oun o Yona his tele an o shiffo, his koy čiddo, oun sovas zoreles.

4. Mose 16:35

Oun o baro Devel bičras yag, kay rhas kol 250 (douy-sheel-te-paash-sheel) morshen pre, kay anan ko soungepaskro koova o Debleske.

Josua 10:11

Oun har i Amorarya glan i Israelitarya nashan ap o drom, hoy djal tele pash Bet-Horon, kote moukas o baro Devel brishineskre barra dran o bolepen ap lende te perell ap o tselo drom bis pash Aseka, yaake te van le i barrendar moulo dino. Oun kol brishineskre barra maran boudeder lendar har i Israelitarya o rhareha moulo dan.

Debleskro tsiro 16:21

Oun das brishin har bare barra. Kolla his yaake pharo har i mensho, oun peran tele dran o bolepen ap i menshende. Har i menshe savi bari phagi lan, praasan le o Debles.