Debleskri gili 147:2 - O Debleskro Lab 2024 (Sinte-Manouche)

² O baro Devel čivella Yerusalem pale pre, oun lauteren, kay krik tradedo van, anell yob pale khetne.

O Debleskro Drom 2021 (Sinte)

² O baro Dewel tchiwella Jerusalem pale pre, un lauteren, kai krik tradedo wan, anell job pale khetne.

Debleskri gili 147:2 ပူးပေါင်းရင်းမြစ်များ

Nehemia 6:15

Oun ap o biish-te-pančto dives an o čon Elul his lauter ap i massouri kerdo. Paash-sheel-te-douy divessa djas koy tseli boudi.

Nehemia 6:16

Har shounan kova kolla lauter, kay menge čilačepen kaman, trashan i menshe an i tsele themma, hoy troul mende hi. Oun lengro pre-phourdepen djas krik. Oun yon hayvan, te his maro Devel pal koy boudi tardo.

Nehemia 7:4

O foro Yerusalem his baro oun bourhlo, oun gar boud menshe djivan kote, oun kek khera his koy.

Debleskri gili 102:17

O baro Devel čivell o foro Sion pale pre, oun moukell pes te dikell an peskro raylepen.

Debleskri gili 51:18

Fiche, hoy anenn le touke, kameh gar. Te vals yaake, doms len toute. Fiche, hoy touke rhačedo venna, krenn tiro dji gar barhtelo.

Jesaja 14:32

Hoy hounte penas kolenge, kay i Filistarendar bičedo van? Penenn lenge: O baro Devel čivas o foro Sion zoreles pre. Oun kate nay khatrenn pen peskre čorvele menshe kek daryah.

Jesaja 27:13

Oun ap ko dives vell an i bari phourdepaskri phourdedo. Oun i Israelitarya, kay his nashedo an o them Assour, oun kay his vin tradedo an o them Egiptia, kolla lauter venna oun mangenn o baro Debles an ap o Debleskri berga an o foro Yerusalem.

Jesaja 56:8

O baro Devel, maro ray, kova kay anas i krik-tradede Israelitaryen pale an lengro them, penell: Me anau gomme boudeder khetne pash kolende, kay khetne anlo van.

Jesaja 62:7

Yon denn yaake rah gole, bis te yob o foro Yerusalem pale pre tardo čivas, oun bis te yob les yaake kras, te vell o foro ap i tseli phoub sharedo.

Jeremia 31:10

Shounenn, t'mer menshe dran vavar themma, hoy o baro Devel penell! Djan pral o baro pani pash i panyeskre themma, oun rakrenn kote leskre laba! Penenn: Kova, kay tradas o Israel an boud themma, kova lell len pale khetne oun dell garda ap lende har i bakrengro ap peskre bakre garda dell.

Jeremia 31:4

Israel, miri pirni! Me krau tout pale baro. Toutar vell pale i natsyona. Tou kress tout pale shoukar, bashress oun djas vin ap o khelepen.

Jeremia 32:37

Čačepah, me anau mire menshen pale kate an kava foro, dran kol tsele themma, kay me len tradau an miri bari rholi, hoy rhačell har i yag an mande. Me anau len pale an kava foro, te djivenn le kate kek daryah.

Ezekiel 38:8

Boud bersha djan gomme trouyel bis te venn t'mer khetne gole dino o kourepaske. Pal i rah tsiro djas tou tire lourdentsa an i them, hoy pal i kourepen pale neves kerdo vas, oun koleskre menshe dran boud themma khetne anlo van, te djivenn le ap i berge an Israel. I rah tsiro his kava them vi-meredo. Kanna van leskre menshe vin anlo dran boud themma, oun djivenn kote kek daryah.

Daniel 9:25

Kanna dikess oun hayvess: Har ko lab penlo vas, te vell o Yerusalem pale neves kerdo bis pash ko tsiro, kay vell i ray o Deblestar bičedo, djan efta kope efta bersha trouyel. Oun pal efta kope 62 (shob-deesh-te-douy) bersha hi lo pale neves kerdo peskre dromentsa oun zorele kherentsa, ninna te hi kova an i pharo tsiro boud kourepah.

Micha 4:6

O baro Devel penell: O tsiro vell, kay anau mire menshen pale khetne, yaake har anell i bakrengro peskre bakren pale khere, hoy doukedo hi oun krik tradedo van. Me dom len pengri phagi.

Zakarie 8:7

Kova penell o baro Devel, ko ray pral o bolepen oun i phoub: “Ava, me lau mire menshen vin dran o them, kay o kham pre djala, ninna dran o them, kay o kham tele djal.

Mateo 16:18

Doleske penau touke: Tiro lab hi kanna Petro. Kova, hoy tou kate penal, hi har i zorelo bar, ap koleste čivau miro kheer. Oun miro kheer hi kolla, kay patsenn ap mande. Oun kek nashte lell len dran mire vasta vin, ninna kek merepen.

5. Mose 30:3

palle krell t'maro baro Devel peskro dji t'menge pre oun lell t'men dran o pandepen vin. Oun yob anell t'men pale khetne oun pale pale dran i tsele themma, kay lo t'men tradas.