Debleskri gili 147:11 - O Debleskro Lab 2024 (Sinte-Manouche)

¹¹ O baro Debleske hi kolla shoukar, kay leha djivenna oun ap leste dikenna, te vell lo lenge lačes.

O Debleskro Drom 2021 (Sinte)

¹¹ O baro Debleske hi kolla shukar, kai leha djiwenna un ap leste dikenna, te well lo lenge latches.

Debleskri gili 147:11 ပူးပေါင်းရင်းမြစ်များ

Debleskri gili 149:4

O baro Devel dikell lačes ap peskre menshende. Yob vell kolenge ap i rig, kay tele rikedo hi oun hadell len pre.

Debleskri gili 33:18

Kova hi o baro Devel, kay dell garda ap kolende, kay djivenn leha, kolla, kay dikenn ap leste, te vell lo lenge lačo,

Debleskri gili 33:22

Dik, har mer dikah ap toute, baro Devel, yaake mouk tiro lačepen pral mende te vell!

Debleskri gili 35:27

Kre, te stenn oun sanenn i barhtyatar kolla, kay kamenn, te lap miro čačepen. Mou penenn le pale te pale: “Har baro hi o baro Devel, kay hi yaake lačo ap peskro boudepaskro!”

Gosewe laba 11:20

O baro Devel dikell rhoyedes ap kolende, kolen douy djia hi. Lačes dikell lo ap kolende, kay o čačo drom djan.

Gosewe laba 31:30

O shoukapen ačell gar, oun i shoukar djouvel vell ninna phouro. I romni, kay djivell o baro Debleha, kolat sharenn le.

Jesaja 62:4

Tou veh gar bouder kharedo mouklo foro oun tiro them moulo them. Tou veh gole dino o Debleskri pirni, oun tiro them barhteli romni. O baro Devel dikell lačes ap toute, oun romedinerell pes tiro themeha.

Zefanja 3:17

T'maro baro Devel hi pash t'mende, yob hi zorelo oun hi ap t'mari rig. Leskro dji givell pral t'mende, oun yob hi t'menge lačo. T'mari doosh lell lo t'mendar krik an peskro baro kamlepen, oun yob dell gole i barhtyatar pral t'mende,

4. Mose 14:8

Te hi o baro Devel kamlo ap mende, anell yob men an ko them oun dell les mende. Kova hi i them, kay hi boud thoud oun gvin.

1. Petro 1:13

Doleske avenn gar khino an t'mare djia, oun denn garda, te ačenn ap o Debleskro drom! Dikenn ap ko baro lačepen, hoy o Devel dell t'men ap ko dives, kay vell o Yezous Kristo pale.

1. Petro 1:17

O Devel hi o čačepaskro ray, kay rakrell o čačepen vin pral hakeneste pal kova, hoy yob kras. Oun o Devel dikell gar koy pre, koon ko mensho hi. Ap leste penenn t'mer: “Tata!” Doleske djivenn yaake, har yob kova kamella, yaake rah har t'mer kate ap i phoub djivenna.

1. Petro 3:4

T'maro shoukapen hounte vell dran t'maro dji oun sikrell pes an o lačepen, kay kek čingepen dren hi. Savo shoukapen ačella, oun hi boud moldo glan o Debleskre yaka.