Debleskri gili 146:4 - O Debleskro Lab 2024 (Sinte-Manouche)

⁴ O menshengro djipen ačell gar. Oun yob vell pale čik i phoubyatar. Ko dives, kay merell lo, djala lauter nashedo, hoy yob peske glan las.

O Debleskro Drom 2021 (Sinte)

⁴ O menshengro djipen atchell gar. Un job well pale tchik i phubjatar. Ko diwes, kai merell lo, djala lauter nashedo, hoi job peske glan las.

Debleskri gili 146:4 ပူးပေါင်းရင်းမြစ်များ

1. Mose 2:7

Oun o baro Devel, maro ray, kras o romes dran čik i phoubyatar. Oun phourdas peskro dourho, hoy della o djipen, an o romeste. Oun o rom vas djido.

1. Mose 3:19

Tou hounte boudress yaake phares tiro rhapaske, te nashell o pani pral tiro mouy, bis te veh pale phoub. Tou hal kerdo dran i čik i phoubyatar. Oun tou veh pale, hoy tou hals.”

1. Mose 6:17

Dik! Me moukau i baro pani te vell pral i tseli phoub, te tassenn lauter, kay djipen an lende hi. Halauter merella, hoy ap i phoub djivella.

Hiob 14:10

Merell i morsh, hi lo bouder gar. Kek dourho ačell an leste. Kay hi lo?

Hiob 14:21

Te venn leskre čave an-dikle menshe, yob djinell kova gar. Te vell tele diklo ap lende, yob hayvell kova gar.

Hiob 17:1

Man hi bouder kek zoor. miro djipen hi trouyel. Ap mande lourell o handako.

Hiob 17:11

Miro djipaskro tsiro hi trouyel. Kova, hoy me mange lauter glan lom, oun hoy miro dji kamas, vas čičeske.

Hiob 27:3

Yaake rah har an mande gomme djipen hi, oun o dourho o Deblestar an miro nak hi,

Debleskri gili 104:29

Tou te djah lendar krik, taprell len i daar. Tou te leh lendar o dourho, merenn le, oun venn pale čik.

Debleskri gili 33:10

O baro Devel moukell kova gar te vell, hoy kol menshe an i vavar themma kamenn te krell. Lenge čivell lo barra an o drom.

Debleskri gili 90:3

Tou penell menge: “Avenn pale, t'mer menshe!” Oun moukeh men pale čik te vell.

Sikepaskro 12:7

O mensho vell pale phoub, kolatar yob kerdo vas. Oun o dourho hounte djal pale pash o Debleste, kay das o dourhes o mensheste.

Sikepaskro 9:6

Har i menshe kaman len, oun har rhoyran le pen pral lende, oun har zilveran yon ap lende, kova lauter hi bouder gar koy. Len hi či bouder i menshentsa ap kay phoub khetne, oun koleha, hoy kerdo vell ap kay phoub.

Jesaja 2:22

Moukenn tele i menshendar! Lengro djipen hi yaake tikno har i dourho. Hoy hi le moldo?

Ropaskre gilja 4:20

Maro rayes, koles o baro Devel vin rodas, lan le pandlo. Yob his kova, kolestar maro djipen vas, oun lestar patsam, te rikrell lo peskro vast pral mende, te nay krenn men i vavar themma či.

Daniel 5:23

Oun tou hadal tout pral leste, ko bolepaskro rayeste, oun penal, te anenn le i khore dran leskro kheer glan toute. Oun t'mer piyan mool dran lende, tou oun tire bare morsha, ninna tire romya oun vavar djouvya. Oun tou sharal i deblen dran roup oun sonakay, dran lolo saster oun vavar saster, kasht oun bar, kol deblen, kay gar dikenn oun gar shounenn. Ko Debles, koles tiro dourho an peskro vast hi, oun pash koleste tire tsele dromma hi, koles hadal tou gar.

1. Korintarja 2:6

Kova, hoy mer penah i patslenge, hi o Debleskro gosvepen. Kava gosvepen hi gar har ko gosvepen, kay vell kol menshendar, kay prindjrenn o Debles gar, vitar gar har o gosvepen kolendar, kay hi raya ap kay phoub. Kolla hounte merenn.